Ukaliusaq – Nuuk Kommuneqarfik Sermersuumi Inunnik Isumaginninnermi Siunnersortitut atorfik inuttassarsiuupparput. Suliassanut unamminarsinnaasunit sammisaqarusukkuit qinnuteqaatigisin-naavat kiisalu tunuarsimanak uatsinnut attaveqarnissannut tikilluaqqusaallutit.

 

 

Naatsorsuutigisavut:

• Inunnik Isumaginninnermi Siunnersortitut ilinniagaqarsimaneq
• akuersaartuusutit, akuulluartuusutit aallarnisaasinnaalluartoq, naapikkuminartoq, suleqatik-kuminartoq nammineersinnaassusilik tatiginartoq minnerunngitsumik inissaqartitsilluartoq
• suleqatinik, aqutsisunik angajoqqaanillu pitsaasumik suleqateqarusussuseqartoq
• killiliussat salliutinnagit periarfissanik takunnissinnaasutit kiisalu inuppalaasuseqartutit
• atuarfiup avatangiisaani tamatigoortuni ineriartornermullu sammisuni ilanngunnissannut kajumissuseqartutit oqaloqatiginnillaqqillutillu
• Inunnik oqaloqatiginnittartutut suliassat pingaarneq tassaassaaq atuarfimmi inooqataanermut tunngatillugu sulinermik ataqatigiissaarineq, atuarfiup pisortaa ilinniartitsisullu suleqatiga-lugit. Soorlu aamma qanimut suleqatigissagitit Ilaqutariinnik Ingerlatsiviup aamma Peqqinnermik Pitsaaliuinermillu immikkoortortaqarfiup inunnik isumaginnittai, MISI-lu.
• Suliassat tassaassapput ilinniartitsisut suleqatigalugit atuarfiup angerlarsimaffiullu suleqatigiinnerannik nukittorsaaneq pitsanngorsaanerlu, inunnik isumaginnittoqarfimmut atuartunik allaaserinninnerni ilinniartitsisunik siunnersuineq, atuartunik angajoqqaanillu oqaloqatiginninnerit ilinniartitsisunullu (sparringspartner). Taakku saniatigut naatsorsuu-tigaarput atuarfiit allat inunnik isumaginnittaannik suleqatiginnillutillu (sparringspartner).
• Inunnik isumaginninnermik siunnersorti atuarfimmi sulisut Ilaqutariinnermullu Ingerlatsi-vimmi sulisut allat suleqatigalugit iliuusissanik pilersaarusiortassaaq, soorlu atornerlui-nermik nakkarsaanermillu pinaveersaartitsinermut tunngatillugu, atuarfiullu upalungaarsimanermut suleqatigiissitaliaani peqataassalluni. Atuaqatigiit akornanni sakkortuumik pisimasoqartillugu ilinniartitsisut angajoqqaallu suleqatigalugit iliuuserisassanik pilersaarusiussaaq, oqaloqatiginnilluni siunnersuillunilu.
• Inunnik isumaginnitsip sulisitsisua qaninneq tassaavoq atuarfiup pisortaa.
• Pingaatissavat kalaallisut qallunaatullu oqalullutillu allassinnaasariaqarnerit.

 

 

Neqeroorutigaavut:

• atuarfiup avatangiisai ineriartornermut sammisut, inuttut suliatigullu ineriartornissamut periarfissallit
• kommunimi atuarfeqarfik politikkikkut pingaartinneqarfiusumi atuarfeqarfimmi atorfiksoqutiginartoq perorsaanikkut isumaginninnikkullu ineriartorneq pingaartinneqartoq
• atuarfimmi Inunnik Isumaginninnermi Siunnersortitut nutaatut tapersersorluarneqarneq
• Inunnik Isumaginninnermi Siunnersortitut nammineersinnaasutut isumassarsiullaqqittutullu suliannullu sunniuteqarluarsinnaasutut takorloorpatsigit, kiisalu tapersersorluarneqarnissat naatsorsuutigisinnaallugu.

 

Ukaliusaq

Ukaliusami atuartut 489 agguataarsimallutillu 1. – 10.klassinut, kiisalu specialklassit pingasut, atuarniarnermik ajornartorsiornerusut. Ukaliusaq immikkoortortaqarfinnut pingasunut agguagaa-voq, immikoortortaralugit trin 1, 2 aamma trin 3. Ukaliusami Isumaginninnermi Siunnersortitut atuartunut qanilaarnissat naatsorsuutigivarput.   

Immikkut suliniutigineqarput ilitsoqqussarinagu oqaatsinik atuartinneqarneq, matematik kiisalu atuartut angusassamikkut pitsanngorsarniartuarneri.

Isumaginninnermut Siunnersortimik pissarsiorpugut sulinermut soqutigisalimmik suleqataarusut-tumillu ilinniartitsisut 47 akornanni ilaalluarsinnaasumik.  

Atuarfipput atuarfittut atortui pitsassuupput. Atuartitsinermi atortut Apple-TV, iPads atuartitsissutigineranut tulluarsagaq, atuartut inaani ininilu immikkoortuni tamani pigineqarput. iPads atuartunit ilinniartitsisunillu tamanit pigineqarput. Atortut atoruminartut sutigut tamatigut pigineqarput. Illit Siunnersortitut naatsorsuutigivarput aamma atuarfiup iluani sulinermi atortut sungiunniassagitit atorluaasinnaanngorlutillu.

Ukaliusaq kantine´qarpoq, atuartut neriffigisartagaannik. Nerisassat Nuummi namminersortumit Kamik´miit suliarereernikut aggiuttarpaat.

 

 

Pineqaatissinneqarsimannginnermut meeqqanillu pinerliisimannginnermut uppernarsaatit:

Atorfik taanna meeqqanik pinerliisimannginnermut aammalu pineqaatissinneqarsimannginnermut uppernarsaammik peqartussaatitaaneq pillugu inatsit naapertorlugu piumasaqaatitaqarpoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinitsitsisoqassaaq. Taamaattumik malugeqqussavarput kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat politiinit pippagit atorfininnissaq inissinneqassaaq.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut aaneqassaaq.

 

 

Paasisutissat annerusut piniarneqarsinnaapput uunga saaffiginninnikkut:

Saaffigineqarsinnaasoq Skoleinspektør Karno Lynge (+299), 36 62 50 E-mail: kaly@sermersooq.gl

imaluunniit viceskoleinspektør Inger Reimer (+299) 36 62 51, E-mail: inre@sermersooq.gl

 

 

Inissaq
Atorfinitsinneqarnermut atatillugu atorfik inissaqartitsinngilaq.

 

 

Akissaatit atorfinitsitaanermilu atugassarititaasut:
Aningaasarsiat atorfininnermilu atukkat aaqqinneqassapput Naalakkersuisut aamma AK Isumaginninnermut Siunnersortitut isumaqatigiissutaasoq malillugu.

 

Qinnuteqaateqarneq:

Qinnuteqaat atorfiup normuanik ilisarnaatilik Atorfik nr 251-23 ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Qinnuteqaat kingusinnerpaamik nassiunneqassaaq 14.april 2023. Atorfininnissaq akunnitsinni isumaqatigiissutigiumaarparput.

Qinnuteqarnissamut killissarititaasoq: apriilip 14.-at, 2023

Atorfik una qinnuteqarfigiuk