Aningaasaqarnerup iluani immikkoortortaqarfiit assigiinngitsut akornganni ineriartornissamut periarfissaqarlutit suliffimmik misiliinissaq kajumigisinnaaviuk, taava ilinnut una suliffik misiliiffigissallugu tulluuppoq. Maanna tallimanik AU-ilinniartunik (ØR) ulloq 1.august 2023 aallartittussanik pissarsiorpugut.

Uagut neqeroorutigaavut:
Aningaasaqarnermut- Sulisoqarnermullu Aqutsisoqarfik kiffartuussinermut immikkoortortaavoq arlalissuarnik ingerlatsiviusoq, tassanilu Namminersorlutik Oqartussani suliassarpassuit ineriartortinneqarlutillu ingerlanneqartarput. DcR-imi inissinneqassaatit. Naatsorsuuseriffimmi angisuumi sulisuuvugut amerlanngitsut, Namminersorlutik Oqartussani qitiusumik naatsorsuuserineq isumagisaraarput tassanilu immikkoortortanik tallimanik immikkoortortaqarluta.
Immikkoortortaqarfiit uku pineqarput:

• Aningaasaqarnermut Tunngasunik aamma Immikkut Ittumik Naatsorsuuserineq
• Akiligassalinnik Naatsorsuuserineq
• Akiligassaqarfisserineq
• Naatsorsuutinik ineriartortitsinermut allaffik
• Akissarsianik nakkutilliinermut allaffik

DcR ilinniarnertigut inerikkiartornertigullu killigititat pitsaasut pilersinnissaannut periarfissiissaaq, siunissamilu ilinniarnissannut tunngavissamillu pitsaalluinnartumik periarfississavaatit.

Naatsorsuutigaarput:

• Niuernermik Ilinniarfimmi AU-ØR-itut tigusaasimanerit
• IT-mut aningaasaqarnermullu ilisimasaqartutit

Inuttut piginnaasat:

• Pitsaasumik imminut aqussinnaassuseqarputit
• Suliarisartakkannut peqqissaartuuvutit piffissaliinerillu eqqortinnissaat piginnaasaqarfigalugu          
• Suliamut tunngavilimmik ilisimaarinnittumillu attaveqarsinnaaneq piginnaasaqarfigaat
• Inussiarnersuuvutit ilakkuminartuullutillu
• Nammineersinnaassuseqartutit suleqatigiinnilu suleqataasinnaasutit
• Suleqatikkuminartuuneq

Pissutsit atugassarititaasut:
Sulineq sapaatip akunneranut akunnernik 40-nik sivisussuseqarpoq.
Akissarsiat isumaqatigiissutit atuuttut naapertorlugit aalajangersarneqassapput.
Atorfimmut atatillugu sulisunut inissiamik innersuussisoqarsinnaanngilaq.

Paasissutissat amerlanerusut:

Ilinniartuulluni atorfimmut sukumiinerusumik paasisaqarusukkuit uku attaviginissaannut tikilluaqqusaavutit:
Immikkoortortami aqutsisut:

             Emilie N. Brandt        oqarasuaat 34 64 54         
             Maya Larsen             oqarasuaat 34 67 93
             Anders Samuelsen    oqarasuaat 34 64 79   
  
Kalaallit Nunaanni Namminersorlutik Oqartussat pillugit annertunerusumik paasisaqarusukkuit www.nanoq.gl aqqutigalugu paasisaqarnerusinnaavutit.
 

Aningaasarsiatigut atorfinitsitaanermilu atugassarititaasut
Akissarsiat isumaqatigiissutit atuuttut naapertorlugit aalajangersarneqassapput.

  
Najugaq
Atorfimmut atatillugu sulisunut inissiamik innersuussisoqarsinnaanngilaq. 

Qinnuteqaatit, CV, ilinniarsimasanut  uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk