Find job
Dette jobopslag er udløbet
Ukaliusaq ilinniartitsisumik pissarsiorpoq
Ukaliusaq - Kommuneqarfik Sermersooq-Nuuk, ilinniartitsisussarsiorpoq; kalaallisut, qallunaatut, matematik, naturfag, inuiaqatigiilerineq, lok. valg kiisalu idræt atuartitsisin-naasumik immikkoortoq 1-mi. Atorfiup fag´it tamakkerlugit specialklassemi 1. – 3.SU´mi attuumassuteqassaaq.
Ukaliusaq Kommuneqarfik Sermersuumi ilinniartitsisutut suliassat unamminartut nutaat qinnuteqaatigerusukkukkit uatsinnut attaveqarnissannut tikilluaqqusaavutit.
Naatsorsuutigisavut:
• Ilinniarfissuarmi ilinniartitsisutut naammassisimasutit specialpædogogik´imik sammisaqarnikoq.
• Akuersaartuusutit, akuulluartuusutit aallarnisaasuusutillu
• Suleqatinik, aqutsisunik angajoqqaanillu pitsaasumik suleqateqarusussuseqartutit
• Killiliussat salliutinnagit periarfissanik takunnissinnaasutit kiisalu inuppalaasuseqartutit
• Atuarfiup avatangiisaani tamatigoortuni ineriartornermullu sammisuni ilanngunnissannut kajumis-suseqartutit
• Atuarfimmi immikkoortukkuutaarlugit agguataagaasumi suleqatigiinnut ilanngussinnaasutit suleqatigiinnillu taakkuninnga ineriartortitseqqataasinnaasutit.
Neqeroorutigaavut:
• Atuarfiup avatangiisai ineriartornermut sammisut, inuttut suliatigullu ineriartornissamut periarfis-sallit
• Kommunimi atuarfeqarfik politikikkut pingaartinneqarfiusumi atuarfeqarfimmi atorfik soqutigi-nartoq perorsaanikkut ineriartorneq pingaartinneqartoq
• Atuarfimmi ilinniartitsisutut nutaatut tapersersorluarneqarneq
• Suleqatigiinni isummanik pissarsiffiulluartumi suleqatit pitsaasut suliassanik sunniinissamut aaqqissuussinissamullu periarfissat pitsaasut
Ukaliusaq:
Ukaliusami atuartut 489 agguataarsimallutillu 1. – 10.klassinut, kiisalu specialklassit pingasut, atuarniarnermik ajornartorsiornerusut. Ukaliusaq immikkoortortaqarfinnut pingasunut agguagaa-voq, immikoortortaralugit trin 1, 2 aamma trin 3. Ukaliusaq immikkut inulerisumik (socialrådgiver) atorfeqartitsivoq, atuartut sungiulluarsimasaannit.Ullut tamaasa atuartut 10.min. atuakkamik atuatussaatitaapput.
Immikkut suliniutigineqarput ilitsoqqussarinagu oqaatsinik atuartinneqarneq, matematik kiisalu atuartut angusassamikkut pitsanngorsarniartuarneri.
Ilinniartitsisusarsiorpugut sulinermut soqutigisalimmik suleqataarusuttunillu, ilinniartitsisut 47 akornanni anguniagaqarluni soqutigisalinnik.
Atuarfipput atuarfittut atortui pitsassuupput. Atuartitsinermi atortut Apple-TV, iPads atuartitsissutigineranut tulluarsagaq, atuartut inaani ininilu immikkoortuni tamani pigineqarput. iPads atuartunit ilinniartitsisunillu tamanit pigineqarput. Atortut atoruminartut sutigut tamatigut pigineqarput.
Ukaliusaq kantine´qarpoq, atuartut neriffigisartagaannik. Nerisassat Nuummi Handelstand; Kamik´miit suliaralugillu aggiuttarpaat.
Annertunerusumik paasisaqarusukkuit:Annertunerusumik paasisaqarusukkuit pisortaq Karno Lynge attavigisinnaavat uunga oqarasuaat 366250, e-mail-imut uunga: kaly@sermersooq.gl imaluunniit Inger Reimer oqarasuaat 366251, e-mail-imut uunga: inre@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat: Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Ilinniartitsisut Meeqqat Atuarfianneersut Kattuffiat (IMAK-ip) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.
Qaammatini pingasuni misiliummik atorfinitsitsisoqarsinnaavoq.
Atorfinitsitsineq:
Ullumikkut tjenestemanditut atorfinitsitaareersimaguit, isumaqatigiissutit malillugit tjenestemanditut atorfiit uagut isumaqatiginitsigut nangissallugu periarfissaraat. Isumaqatigiissut malillugu atorfinitsitsinermi qaammatit pingasut misilitsitsivittut piffissaritinneqarpoq. Isumaqatigiissutit malillugit imaluunniit tjenestemanditut atorfinitsitsinermi atorfeqarsimanerup sivisussusia tunngavigalugu akissarsiaqartitsisoqassaaq angusaqarluni ilinniartitsisutut soraarummeersimanerup kingorna. Tjenestemanditut imaluunniit ” Kalaallit Nunaanni Naalakkersuisut aamma Ilinniartitsisut Meeqqat Atuarfianeersut Kattuffiat (IMAK) sulisut il.il. pillugit isumaqatigiissutaat atuuttoq malillugu atorfinitsitsisoqassaaq”.
Atorfinitsitsinermi atuuppoq, atorfilik gruppitut inuunermik sillimmaserneqarnissaanik immikkut isumaqatigiissut. Atorfinnut atatillugu inissanik innersuussisoqarsinnaavoq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:Qinnuteqaat qulequtserlugu Atorfiup ilisarnaataa 249/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
MALUGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.
Qinnuteqarnissamut killissarititaasoq: apriilip 5.-at, 2023