Greenland Business School allaffissornermi pisortamik sulisussarsiorpoq

Aqutsisuuneq allaffissornerlu soqutigisaraajuk? Suliatigut sammisat akimorlugit kajumissuseqalersitsillutillu atassuteqartitsilersinnaavit?  Taamaappat tassaavuti pissarsiarerusutarput.
Greenland Business School, tunngaveqarluarluni ingerlalluarlunilu ilinniarfiuvoq, ilinniakkanik inuutissarsiornermut sungiusarlunilu suliffeqartarnermut tunngasunik, suliffeqarfiit pisortallu ingerlataat suleqatigalugit neqerooruteqartoq. Greenland Business School ineriartuleruttorpoq, neqeroorutinik nutaanik ukkataqarfiusoq, ilinniartunut pilerinartumik ilinniartullu tigummiinnarnissaannik anguniagaqarnermik nukittorsaasussaq, aammalu suliffeqarfiit pisariaqartitaannut naleqquttumik  pisinnaasaqarluartunik ilinniarfiusoq.

Makkua suliarissavatit
Allaffissornermi pisortatut nammineerlutit piginnaassaqarfitit eqqumaffigilluassavatit  aningaasaqarneq, allaffissorneq kiisalu aqutsininerullu akornanni sungiussiasuussallutit. Aaliangeeriataallaqqiissuullutillu isumassarseriataallaqqissuussaatit taamatumalu peqatigisaanik pisortanut allanut, sulisorisanut kiisalu ilinniartunut akuersaartuullutillu ammasumik attaveqarluarsinnaassaatit. Allaffissornermi pisortartut attaveqarluartuullutillu kajummissaarisinnaassaatit, sulisorisallu tamaasa ulluinnarni suliassat suliassallu pisariullutillu unammillernarsinnaasut pillugit oqaloqatigisinnaanerat piginnaasaqarfigilluarpat. Nammineerlutit aqutsisinnaassariaqarputit taamaattorli malittarisassanik inatsisinillu ukkatarinnissinnaassallutit. Suliassat pillugit ilimagisanik malitseqartitsineq attaveqatigiinnerlu uagutsinni tassaapput oqaatsit pingaartilluinnakkavut.
 
Suliassaqarfiit akisussaaffigisassatit:

• Allaffissornermut immikkoortoqarfiup, ilinniartunullu sullissivik, kiisalu atortorissaarutinik sullissivik-nik  aqutsinerit
• Sulisoqarnermut allaffik, atorfeqarnerlu akisussaaffigalugit
• Ilinniartunik sullissivik, uani aamma ilinniartussanik tigooraaneq, tapinik akuersissutit, angalanermut inniminniinerit il.il. akisussaaffigalugit
• Naatsorsuuserinermik akissarsialerinerlu, matumani naatsorsuuserineq, akissarsisitsineq kiisalu angalanernik akunnittarfinnillu innimiinniisarneq akisussaaffigalugit.
• Illup aqunneqarnera tamakkiisoq, pisiniarneq aammalu pisiortornermilu akisussaaffigalugit
• Kiffartuussinernik atortorissaarutinillu atuinernik ataqatigiissaarineq aqutsinerlu.

Allaffissornermi pisortatut allaffissornermi sulisorisanut siuttuullutillu aqutsisuussaatit. Atuarfiup pisortaa, ilinniarnermi pisortaq peqatigalugit aqutsisunut ilaassaatit, atuarfiup pisortaanut attaveqassaatit.


 Kissaatigaarput

• Allaffissornermi aqutsinermik ilisimasaqarlutillu, misilittagaqassaatit ilinniartitaanerup iluani.
• namminartunut suliassarpassuarnullu assigiinngitsunut nuannarisalik, suliassanullu nammineersinnaassuseqassasutit.
• Kalaallisut qallunaatullu attaveqarluarsinnaallutillu oqallorissuunissat annertuumik pingaartinneqassaaq

Neqeroorutigaavut
Ilinniarfimmi alliartortumi suliffik pissanganartoq, ilinniartuutitsinnik, ilisimatusartunik suleqataasunillu
pigisatsitut pingaarnertut pilersitsisinnaasutullu isiginniffiusumi.
Ulluinnarni atuarfiup ilisarnaatai, tassalu ilinniarnermi ingerlatsineq pilersaarusiornerlu, ineriartortissallugit pitsanngorsaaqataaffigissallugillu periarfissaqalissaatit.
Unamminartunik pissanganartunik naapitsisassaatit, periarfissaqassallutillu sulisut pikkorissut, suliaminnik aallussisut, isumassarsinartut pilersitsisinnaasullu suleqatigilernissaannut, ulluinnarni qiimanermik pingaartitaqarlutik suleqataasut. 

Kissaatigineqarpoq atorfik  1. juni 2023 isumaqatigiissuteqarnerluunniit naapertorlugu inuttalerneqassasoq.

Annertunerusumik paasissutissiineq
Allaffimmi Pisortatut imminut piukkukkuit paasisaqaqqikkusullutillu atuarfiup pisortaq Christel Lund Bøjler oqarasuaat  342580 imaluunniit email clb@gbs.gl attaveqarsinnavutit.            
Greenland Business School pillugu uani atuarsinnaavat: www.gbs.gl.

Qinnuteqarnissamut killigititaasoq
Qinnuteqarneq kingusinnerpaamik 14. april 2023 pissaaq.
Qinnuteqartunik oqaloqateqarneq ataavartumik ingerlanneqarnissaannut immitsinnut pisinnaatippugut.

Qinnuteqaat
Qinnuteqaat sumi sulisimanermik ilaqassaaq, ilinniarsimanermut uppernarsaatit, pineqaatissinneqarsimannginnermik uppernarsaat, kiisalu allat qinnuteqaammut uppernarsaatit.
Tusarfiginissat qilanaaraarput! 

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk