Narsami Teknikkimut Avatangiisinullu Ingerlatsiviani Teknikeritut atorfik maajip ulluisa aallaqqaataat 2023 aallarnerfigalugu isumaqatigiissuteqarnikkulluunniit inuttalerniarneqarpoq.

 

Atorfik pillugu sukumiinerusumik paasiniaasoqarsinnaavoq uku saaffigalugit: ingerlatsivimmi pisortaq Sem Ottosen oqarasuaat 64 54 00 mail seot@kujalleq.gl. Josef Kreutzmann 64 54 05 imaluunniit mail jokr@kujalleq.gl

 

Paasissutissat sukumiinerusut uani takuuk: www.kujalleq.gl  -imi “Suliffissat”.

 

Qinnuteqaat ilinniagaqarsimaneq, siornatigut sulisimaneq, soraarummeersimanermut uppernarsaatit, oqaaseqaatit allallu ilanngullugit PDF-filimut immiussanik ilallugu kommunip nittartagaatigut tunniunneqassaaq kingusinnerpaamik  apriilip ulluisa 16-iat 2023.