Siulersuisussatsinni aggersumi pikkorissumik pitsaasumillu aallartinnermi isumannaalleerusuppit? Attaveqaqatigiinnermillu suliaqarnermi piginnaasaqarlutit? Taamaappat Nukissiorfiit Aqutsisoqarnermi Allatseqarfiani ujartugarput illiusinnaavoq.

 

Nuummi Aqutsisoqarnermi Allaffeqarfimmi siulersuisut qullersaqarfiullu sullinnerini piginnaasaqartuusutit pisariaqartippatsigit. Taamatut misilittakkatit suliffiup iluani avataanilu attaveqaqatigiinnermi aammalu iliuusissanik suliaqarnermi atorfissaqartippagut.

 

Inatsisartut Nukissiorfiit siulersuisoqarnissaat aalajangiissutigisimavaat, tamannalu naatsorsuutigineqarpoq ukioq 2023-ip ingerlanerani pissasoq. Taamaattumik aqutsisoqarnermi allatseqarfimmi suliassaq tamanna piareersarfigalugigu suleqammik nutaamik pikkorissumillu ilaatigut pilersaarusiormik aammalu siulersuisumi aggersumi sullissisinnaasumik ujaasinissatsinnut piareersarfigaarput.

 

Aqutsisoqarnermi allatseqarfimmi ataavartumik attaveqaqatigiinnermi suliniutitta nukittorsarnissaat ukkatarisarparputtaaqq, ilagalugu attaveqaqatigiinnermi iliuusissaliornissaq tunngavittut. Taamaattumik pissamaatinik amerlanernik – maannakkut sulisorisagut ataatsimut ilagalugit ujaasivugut – tamanna nukittorsarniarlugu.

 

Taamaattumik atorfik siulersuisunik sullissinermik aammalu attaveqaqatigiinnermi suliaqarnermik pingaarnertutt imaqassaaq, aammattaarli immikkoortortaqarfinni allani suliassat soqutigisatit aammalu immikkoortortaqarfimmi pisariaqartitsineq malillugit suliarisassavatit.

 

Pingaarnermik suliassatit ima imaqartassapput

 

• Siulersuisuni ataatsimiinnermi pilersaarusiorneq, ilagalugu ullormut oqaluuserisassat ataatsimiinnilersaarutillu suliarineri
• Qullersaqarfiup aqutsisoqarnermilu allatseqarfimmi aqutsisoq siulersuisut sullinneri pillugit paarlaasseqatigiinneq
• Nutaarsiassat suliffiup iluani avataanilu pisut pillugit suliarineri
• Nittartakkap iserasuaatillu nutarsarnera
• Aqutsisoqarnermi allatseqarfiup ulluinnarni suliaani suliassat allat assigiinngitsut, ilaatigut qullersaqarfimmi, oqartussani aallanilu suleqatigineqartuni suliassat

 

Suliffinni misilittakkatit, ilinniarsimanitit soqutigisatillu aallaavigalugit atorfinni malunnartissinnaavatit.

 

Suna naatsorsuutigisinnaaviuk?

Aqutsisoqarnermi allatseqarfimmi tallimanik sulisulimmi peqataalissaatit, tassani qullersaqarfimmi sulisut qaninnerpaatut suleqatigissallugit, qullersaqarfimmilu aalajangiussanik naliliillutillu aaqqissuusisimanerup sinneranut avataanilu suleqatitsinnut taakkuninnga ingerlatitseqqiisassallutit. Aqutsisoqarnermi allatseqarfiuttaaq siulittaasussani allatsitut sullississaaq, tassanilu qitiusutut inissisimassaatit.

 

Uatsinni ulluinnaat qanimut suliaqaqatigiit immikkoortortaqarfiillu akimorlugit suleqatigiinnertallit naatsorsuutigissavatit. Maani suliassat allanngorartorujuupput suleqatillu assigiinngitsunik tunuliaquteqarlutik. Nukissiorfiit suliffeqarfiuvoq aalassarissoq, suliatigullu aammalu inuttut ineriartornernik pingaartitsisuuvugut.

 

Ujartugaraarput

 

• Qullersaqarfimmi, aqutsisoqarfimmi imaluunniit siulersuisuni allatsitut misilittagaqarneq imaluunniit piginnaasaqarneq
• Attaveqaqatigiinnermi tunuliaqutaqarneq imaluunniit ilisimasaqarneq
• ·Akunnattumik imaluunniit atorfinissutaasussamik ingerlaqqiffiusumik (soorlu inuiaqatigiilerinermi, attaveqaqatigiinnermi, tusagassiortutut assigusumilluunniit) ilinniagaqarneq. Inerlutit naammasseqqammisuusinnaavutit.
• Suliassat nammineerlutit ingerlallugillu suliassaqarfinni nammineerlutit suliarinnissinnaallutit
• Ilinniarnissannut sapiissuseqarputit ilanngussassaqarnissannullu tunuarsimaartuunak
• Qungujulaartoq ilakkuminartorlu – immikkoortortaqarfitta allarpassuit qanimut suleqatiginissaanut periarfissaqartussaassagavit.

 

Ilanngussassarisinnaasatit allattariarsornikkut oqaluttariarsornikkullu ersarissumik ingerlateqqissinnaassavatit. Marlunnik oqaaseqaruneq iluaqutaasinnaavoq, piumasaqaataanngilarli.

 

Suliffimmi isumannaallisaanikkut pissutsigut pitsaasuupput, ilinnut suleqatinnullu illersorneqartut, taamaattumik illittaaq nammineq toqqissisimanissat allaffimmilu pitsaasumik misigisimanissat eqqarsaatigalugu naatsorsuutigaarput paarseqataassasutit.

 

Atorfininneq: Piaartumik

 

Aningaasarsiat atorfininnermullu patsisissaatitat

Aningaasarsiat atorfininnermullu patsisissaatitat isumaqatigiissutit naleqquttut atuuttullu tunngavigalugit aalajangerneqartarput. Piffissaq misiliiffiusoq qaammatinik pingasunik sivisussuseqarpoq.

 

Inatsisit atuuttut malillugit sulilernermi suliunnaarnermilu angalatitsinissamik tunisisarpugut.

 

Ini

Piffimmi inatsiserineqartartut malillugit atorfimmi inissamik pisatsersugaanngitsumik sulisumut inissiassaqarsitsisoqarsinnaavoq. Piffimmi inatsiserineqartut malillugit illumut tunniunneqartumut akiliut qularnaveeqqullu akilerneqassapput.

 

Sulisumut inissiaq sulilernermut patsiserisanut atassuteqarpoq, taamaattumik suliunnaarnermi nuuttoqassaaq.

 

Taannaavit suleqat ujartugarput?

Taamaappat qinnuteqaatit piaarnerpaamik ”Søg stilling”-ikkut piaartumik nassiuguk.

 

Atorfiup imarisaa sumullu atuunnera pillugit apeqqutissaqaruit aqutsisoqarnermi allaffeqarfimmut, Sandra Husted Manatamut oqarasuaatikkut +299 259386-mut attaveqarit.

 

Aningaasarsiat atorfininnermullu patsisissat pillugit apeqqutit hr@nukissiorfiit.gl -mut nassiunneqarsinnaapput

 

Nukissiorfiit pillugu

Nukissiorfiit Kalaallit Nunaat tamalaat innaallagissamik, imermik kiassarnermillu pilersorpaa. Ataatsimoorluta aningaasartuutitigut sunniuteqarluartumik piujuartitsisunillu iluarsiissutit sullitatsinnut iluaqutaasussat suliniutigiuarpagut. Nukissiorfiit ataani sulisunut tamanut 400-t missaaniittunut pitsaanerpaamik sinaakkusiinissarput iluatsissimavarput. www.nukissiorfiit.gl -mi paasisaqarfiginerutigut.

Qinnuteqarnissamut killissarititaasoq: marsip 30.-at, 2023

ATORFIK UNA QINNUTEQARFIGIUK