Ilisimatusarfimmi inatsisilerinermut immikkoortortaq lektorimik adjunktimilluunniit inatsisilerinerup iluani sulisussamik pissarsiorpoq.

Atorfiup 1. maj 2023 isumaqatigiissulluunniit malillugu inuttalerneqarnissaa kissaataavoq.

Inatsisilerinermut immikkoortortami inatsisilerinermut ilisimatusarnerit siamasissut immikkut Kalaallit Nunaannut sammisut ingerlanneqartarput. Taamatuttaaq inatsisilerinermik ilinniartitaanerup akisussaaffigineqarnera immikkoortortami pineqartumi inissisimavoq. Lektorit adjunktillu ilinniartitsinermik ilisimatusarnermillu suliaqartarput.

Inatsisilerinerup iluani sammisat nunani avannarlerni ilinniarnerup iluani ilisimaneqartut bachelorinngorniarfiusarput. Kalaallit Nunaanni inatsisilerineq Qallunaat Nunaanni inatsisilerinermut assingussuteqarpoq, pingaartinneqarporli ilinniartut Kalaallit Nunaanni inatsisit toqqammavigilluinnarlugit Inuiaqatigiinnullu kalaallinut sammilluinnartumik ilinniartinneqarnissaat.

Ilinniakkami ullumikkut ilinniartut 50-it missigaat, adjunktinik ph.d.-mik ingerlatalinnik marlunnik sulisoqar-luni professorimillu ataatsimik ilaqarlutik. Piffissami matumani inatsisilerinermut bachelorinngorniarneq neqeroorutaaleruttorpoq. Cand.jur.-imik ilinniarnerup aallartinneqarnissaa sulissutaavoq.

Ilisimatusarfimmi ilinniartitaaneq qallunaat, tuluit kalaallillu oqaasii atorlugit ingerlanneqarsinnaavoq. Kalaallit Nunaanni inatsiseqarneq kalaallisut qallunaatullu ingerlanneqarmat piumasaqaataavoq minnerpaa-mik oqaatsit taakkua arlaannik ilitsoqqussatut atuisinnaanissaq. Oqaatsit arlaasa ilisimasaqarfiginissaat iluaqutaassaqaaq, soorluttaaq tuluit oqaasiinik piginnaasaqarluarneq pingaartinneqartoq.

Piginnaasanut piumasaqaatit

• Inatsisilerinermik ph.d.-tut qaffasitsigisumik universitetimi ilinniarsimaneq
• Ilisimatusarnerup, ilinniartitsinerup siammarterinerullu iluanni piginnaasat lektorimut adjunktimulluunniit nallersuuttut
• Piginnaasat qulaani taakkartorneqartut iluanni piginnaasalimmik qinnuteqartoqanngippat, qinnuteqartut ph.d.-mik ilinniagallit nalilersueqqissaareernermi ilinniaatigaluni lektorutit ilinniaatigaluniluunniit adjunktitut atorfinitsinneqarsinnaapput. Taakkununnga tunngatillugu atorfiup imai pingaarnerit tassaassapput ilinniartitsineq allaffissornerlu. Atorfiup saniatigut ph.d.-ngorniarluni suliaqarnissaq periarfissaasinnaavoq. 

Suliassat
Lektoritut adjunktitulluunniit suliassatit pingaarnerit tassaassapput

• Illit ilinniakkannut  soqutigisannullu naapertuuttunik Inatsisilerinermik ilinniartitsineq
• Ilinniartunik inatsisilerinerup iluani bachelorinngornianik ilaatigullu ilinniakkani allani bachelorinngornianik aqqutissiuussineq soraarummeersitsinerlu. Pingaartinneqarpoq ilisimatusarnerit siammarterinerillu Kalaallit Nunaannut Nunanullu issittunut sammisuussasut.
• Suleqatitit peqatigalugit ilinniartitaanermik inerisaaqqinnerit
• Universitetimi atorfilittut ilisimasatit inuiaqatigiinnut ingerlateqqissinnaasariaqarpatit, soorlu tusagassiutinit apeqquteqartunut akissutitut.
• Sammisap iluani nalilersuinerit
• Allaffissornermi suliassanut sunniuteqaqataaneq suleqatigiillu iluanni peqataanerit.

Atorfik pillugu paasissutissat annertunerusut pineqarsinnaapput Inatsisilerinermut immikkoortortami pisortaq Anette Storgaard attavigalugu, asto@uni.gl  , oqarasuaat (+45) 2467 5238, imaluunniit instituttimi pisortaq Annemette Nyborg Lauritsen attavigalugu, anla@uni.gl , oqarasuaat (+299) 385660.
Inatsisilerinermut immikkoortortaq pillugu annertunerusumik paasisaqarsinnaavutit ilinniartitaanermik maleruagassap uani atuarneratigut: www.uni.gl

Qinnuteqaat
Inatsisilerinermut immikkoortortami lektoritut adjunktitulluunniit (ilinniaatigaluni lektoritut/ilinniaatigaluni adjunktitut) atorfimmut qinnuteqaat qinnuteqaatip atorfimmik sorlermik qinnuteqarnermik takussutissartallip saniatigut makkunannga imaqassaaq:

Ilanngussaq 1:   Curriculum Vitae.
Ilanngussaq 2:   Soraarummeersimanernut uppernarsaatit.
Ilanngussaq 3:   Inuit pingasut ilinnut paasissutissanik aallerfiusinnaasut paasissutissartaat
Ilanngussaq 4:   Saqqummersissimasat allattorsimaffiat tamakkiisoq normulersugarlu.
Suliat nassiussat (ilanngussaq 8 takuuk) saqqummersissimasat allattorsimaffianni
*-mik nalunaarneqassapput.
Ilanngussaq 5:      Siornatigut ilisimatusaatigisimasat naatsumik allaaserineri kiisalu siunissami ilisimatusaatiginiakkap(-kat) takussutissartaat.
Ilanngussaq 6:     Teaching portfolio ilinniartitsinermik piginnaasanik universitetimi pædagogikum-imik assigisaanilluunniit sammisaqarsimanermik takussutissartalik kiisalu siusinnerusukkut siunissamilu ilinniartitsinermik eqqarsaatersuutinik takussutissiaq.
Ilanngussaq 7:   Ilisimatusaatinik siammarterinermut takussutissiaq
Ilanngussaq 8:     Saqqummersissimasat tallimat tikillugit amerlassusillit. Qinnuteqartup saqqummersissimasani tallimat tikillugit amerlassusillit naliliinermut pingaaruteqarsinnaasut toqqassavai.

Naliliisarneq atorfinitsitsisarnerlu
Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Qinnuteqartut piffissap qinnuteqarfiusup naareernerani  naliliisartut inuttalersornerinik ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua Instituttimi aqutsisumut innersuusiussallutik, tamatumalu kingorna taassuma qinnuteqartoq/qinnuteqartut oqaloqatiginissaanut aggersassavai. 

• Studieadjunktitut atorfeqartitaaneq ukiunik 6-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu atorfinitsinneqarsinnaavoq.
• Studielektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.
• Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip naliliinera tunngavigalugu lektoritut atorfittut aalajangersimasunngorlugu atorfinitsinneqarsinnaavoq.
• Lektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.  

Ilisimatusarfik pillugu.
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Kulturimik, Oqaatsinik Oqaluttuarisaanermillu Ilisimatusarfik
• Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
• Peqqissaanermik Ilisimatusarfik peqqissaasunngorniarfittalik
• Inuiaqatigiilerinermik, Aningaasaqarnermik Tusagassiornermillu Ilisimatusarfik. 

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk