Sulisoqarnermut tunngasunik nuannersunik, nutaanik pissanganartunillu unammillernarsinnaasunik suliaqalerusuppit sulinermilu misilittakkatit Nunatsinni suliffeqarfimmi ineriartortumi annertusarlugit, taamaappat ataaniittut atuakkit.

 

Royal Arctic Line nutartersimasunik nutaaliaasunillu umiarsuaateqarnermik ingerlatsiviuvoq umiarsuit niuffagiutit aqqanillit ataaserlu ilaasartaataasoq ingerlataralugit. Umiarsuarni inuttat sulisullu Nuummit isumagineqarlutillu sullinneqartarput.
 

Taakkua saniatigut umiarsuaateqarfik ilinniartuminut aaqqissuussaasumik malitassianik piareersaateqarnernik suliaqarfiuvoq. Tamanna umiarsuarni inuttat ilinniarfeqarfiillu Nunatsinniittut Nunattalu avataaniittut peqatigalugit isumagineqartarpoq.

 

Misigiguit imarsiortunik sullisseqataanissamut piukkunnarlutit pilerisullutillu, taava imaassinnaavoq Nuummi immikkoortortaqarfitsinni suleqatigiinni katillugit pingasuusuni suleqataarigitsigit.

 

Suliassat tassaanerussapput:

• Umiarsuarni inuttat sulisullu tamakkeqqanissaasa qulakkeersimajuarnissaat
• Imarsiortuni sulisoqarnermut tunngasuni suliassani assigiinngitsunik naammassinninnerit

·       Imarsiortuni sulisut paarlattussanngornerini, ilinniariartortoqartussaatillugu pikkorissarnermullu tunngasuni angalasoqartussaatillugu ataqatigiissaarinerit

·       Sulisussarsiornermut tunngasuni avammut saqqumititassanik (kampagnenik) suliaqarnermi ilinniarfeqarfiillu nittarsaassisarnerinut peqataanerit

·       Ilinniarnermut tunngasuni atortussanik, ilitsersuutinik, paasissutissiissutinik qanorlu iliornissamut nassuiaatinik suliaqarnerit

·       Imarsiortutut ilinnialersitsinerit aamma suliffimmit misiliisunik sulilersitsinerit

• Sulisoqarnermut tunngasuni suliassanik assigiinngitsunik, soorlu suliffimmik naammagisimaarinninnermut misissuinerit Sulisoqarnermut immikkoortortaqarfik peqatigalugu suliaqarnerit

 

Naatsorsuutigaarput:

• Sulisoqarnermut tunngasuni suliassanik sulisoqarnermillu ingerlatsinermik misilittagaqarsimassasutit
• Sullissilluartuusutit, tunniusimasoq aaqqissuussaalluartumillu periusilimmik suliassanik ukkassisinnaasuusutit
• Allat aamma kajumissuseqalersillugillu pitsaasumik sunnersinnaagitit
• Systeminik ingerlatseriaatsinillu ilisimaarinnilluartuusutit
• Kalaallisut, qallunaatut tuluttullu piginnaasaqartuusutit

 

Neqeroorutigaarput

Suliffeqarfimmi pitsaasumik avatangiisilimmi atorfik pitsaasoq pissanganartorlu. Suleqatit tunniusimasut ulluinnarnilu suliassatigut unammillernarsinnaasunik suliallit. Niuernerpalaartumik eqqarsarluni aningaasarsiaqartitsineq atugassarititallu atorfimmut anguniakkanut piginnaasanullu naapertuuttut. Atorfinitsinneqareernivit kingorna naatsorsuutigissavat umiarsuit arlaannut piffissami sivikitsumi umiartoqataanissat. Tamatuma siunertaraa umiartortut atugaannik paasisimasaqarnerulernissaq.

 

Paasissutissat allat

Atorfik pillugu annertunerusumik paasisaqarusukkuit Inuttaqarnermut pisortarput Hans Peter Poulsen oqarasuaammut uunga saaffigisinnaavat +299 34 91 80 imal. E-mail: hap@ral.gl

 

Qinnuteqaatit e-mailikkut nassiussat suliarineqarsinnaanngillat.

 

Ulloq atorfiniffissaq: Piaartumik, eqqortumilli toqqarnissamut utaqqisinnaavugut
Qinnuteqarfissamut killerititaq: marsip 31-at 2023

Qinnuteqaatit: Tiguneqaraangata suliarineqartassapput
Oqaloqatiginninneq: Oqaloqatiginninnerit Nuummi ataavartumik ingerlanneqassapput

 

Ugguuna qinnuteqarit