Nukissiorfiit Kujalleq – Narsaq ilinnik pisariaqartitsivoq. Tassaalissaasit ingerlatsinermik, kiisalu sulisuusunik suliffimmik isumaginnittartuusutut siulersuisuusussaq, suleqatigiilluarluni ingerlatsinermik aningaasaqarnikkut patajaatsumik, pitsaasumik sullivimmi avatangiisilimmi pilersitsisoq.

 

Suliassatit pingaarnerit tassaassapput

 

• Suliniutini peqataasarneq
   
• Suliniutini suliarisanik nakkutilliisarneq
   
• Ingerlatsinermik pitsaanerpaanngorsaaneq
   
• Suliutigaluni sulisunik siulersuisoq, innaallagissamik, kiassarnermik imermillu pilersuinermi suliarisassani peqataasartoq
   
• Suliniutinik nalunaaruteqartarneq (ingerlatsineq aamma sanaartorneq)
   
• Suliffiup avataani suleqatigisanik nioqquteqarfigisanillu pitsaasumik suleqatigiinnermik attaveqaqatigiinnermillu qularnaarisoq.

 

Suliassat pissanganartut allat amerlasuut naatsorsuutigisinnaassavatit. Sulinikkut misilittakkat, ilinniagaqarnikkut tunulequtigisat soqutigisarisallu apeqqutaatillugit atorfigisanni suliassat imaanik sunniinissannut periarfissaqarputit.

 

Suut naatsorsuutigisinnaavigit?

 

Aaqqissuussiffimmi inissisimaffeqalissaatit, tassanilu iluatsitsineq suliaqarnermik ingerlatsisinnaassuserput suleqatigiilluarnerpullu aqqutigalugu pilersinneqartarpoq. Taamaalisukkut sulisut akornanni annertuumik iluarineqartuusumi suliffiup ilaaffigilernissaa qilanaarisassaavoq – tassami Kalaallit Nunaanni aamma Danmarkimi pitsaanerpaarpaat ilagaatigut.

 

Makkuninnga piginnaaneqartutit ujarpatsigit

 

• Teknikkimut qaffasinnerusumik ilinniagaqarsimasoq, soorlu maskinmesteritut, el-installatøritut il.il.
   
• Qarasaasiamik atuisartutut inissisimaffeqartutut ilisimasalik
   
• Biilinut nalinginnarnut allagartalik
   
• Suliamik siulersuinermik agguaassisarnermillu piginnaasaqassaatit, taamaattumillu kalaallisut danskisullu attaveqaqateqarsinnaaneq pikkoriffigissagukku assut iluaqutaassaaq. Inunnut ingerlattakkanullu pikkorissuusutit ujarpatsigit.

 

Atorfininneq 01. apriili 2023

 

Atorfinitsitaanermut atugassat

 

Aningaasarsiat atorfinitsitaanerlu isumaqatigiissut attuumassuteqarlunilu atuuttoq najoqqutaralugu. Qaammatini pingasuni misilitsiffeqarpoq.

Malittarisassiat atuuttut najoqqutaralugit sulisunut inissiaq pequsersugaanngitsoq/pequsersugaq neqeroorutigaarput. Namminersorlutik Oqartussani atorfeqarneq aqqutigalugu sulisunut inissiamik peqariissaguit tassunga pisinnaatitaaffigisat pigiinnassavat.

Malittarisassiat atuuttut najoqqutaralugit atorfininnermut soraarnermullu angalanerit akiliutigineqartarput.

 

Tassaavit suleqatigisassaq ujagarput?

 

Taava piaarnerpaamik ”Atorfik qinnuteqarfigiuk” aqqutigalugu qinnuteqaatit nassiuguk.

Atorfiup imarisaanut atuuffianullu apeqqutissaqaruit +299 531746-kkut Disktriktschef (Nunap immikkoortuani pisortaq) Lars Hoffmeyer attavigiuk. Aningaasarsianut atorfinitsitaanermullu atugassanut tunngasutut apeqqutit nalinginnaasut uunga nassiunneqarsinnaapput: hr@nukissiorfiit.gl

 

Nukissiorfiit pillugu

 

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Nioqquteqarfigisatta iluaqutissaanik iluarsiissutit aningaasartuutitigut akunnaatsut piujuartitsisullu pilersinniarlugit peqatigiilluta suliaqartuartuuvugut. 2020-mi innaallagissamut, imermut kiassarnermullu nioqqutigisatsinnit 70 %-it nukissamit ataavartumit pipput. 2030-p tungaanut nukissaq ataavartoq 100 %-iulersissallugu sulissutigaarput. Nukissiorfiit iluani sulisunut 400-nut tamanut toqqammavissat pitsaanerpaat pilersinniarnerat iluatsitsiffigaarput. Uagut pilluta annermik uani atuarit: www.nukissiorfiit.gl

 

 

Qinnuteqarnissamut killissarititaasoq: marsip 26.-at, 2023

ATORFIK UNA QINNUTEQARFIGIUK