Nuussuup Atuarfiani Atuarfik Samuel Kleinschmidtimilu atuartunut atugarissaarneq, ataqatigiinneq ataatsimoornerlu pillugit pitsanngorsaaqataarusuppit – taamaalillutit atuartut akornanni ilinniarnissap tunngavia pitsanngorsaaqataaffigalugu? Atuarfinni marlunni aamma sulerusuppit? Taava immaqa tassa illit Inunnik Isumaginnittussarput nutaaq. Atorfik apriilip aallaqqaataani 2023 suliffigineqarsinnaalissaaq, atorfiuvorlu atuarfinni taakkunani marlunni suliffiusoq.Atuarfinni taakkunani marlunni maanna Inunnik Isumaginnittua suleqatigineqassaaq. 

 

Nuussuup Atuarfia meeqqat atuarfigaat atuartut 339-it 1-10 klassinut agguataarneqartut aamma specialklassit pingasut kiisalu heldagsskolemi klassit pingasut.Atuarfimmi ilinniartitsisut 53-iupput kiisalu atuarfiup pisortaata tullersortaa atuarfiullu pisortaa.

 

Atuarfik Samuel Kleinschmidt atuarfiuvoq 447-t atuartulik, 1-10 klassinut agguataakkat aamma atuartut 38-t specialklassit tallimanut agguataakkat. Atuarfimmi ilinniartitsisut 53-pput, atuarfiup pisortaata tullersortaa aamma atuarfimmi pisortaq. 

 

Atorfik ulloq naallugu atuarfiit marluk akornini suliffiussaaq. Atuarfinni taakkunani marlunni atuarfiup pisortaa qullersaralugu sulissaatit

 

Paasissutissat uatsinnut tunngasut uani nassaarisinnaavatit:

https://sermersooq.gl/da/forvaltning/atua/

Atorfiup imarisai: 

 

Inunnik Isumaginnittutut suliassat pingaarneq tassaavoq atuarfimmi atuartunut isumaginninnikkut sullissineq ataqatigiissaassallugu.Taamaattumik sulineq atuartunut angajoqqaanullu attaveqarniarneq atorlugu sulinerussaaq, meeqqanik angajoqqaanillu oqaloqateqartarneq, atuarfiup sulisuinut siunnersuineq kiisalu atuartut pillugit atuarfiup sullissineranut tunngasut suliarissallugit.

 

Naatsorsuutigaarput, illit:

• isumaginninnermut siunnersortitut sullissisutut assigisaanilluunniit ilinniagaqarsimasuunissat
• Misilittakkat pisariaqartut aqqusaarsimassagitit
• Marluinnik oqaaseqartuuguit iluaqutaassaaq
• Atorfimmut nammineq sunniuteqarsinnaallutit atuarfimmilu ineriartortitseqataasinnaallutit
• Suliumatussuseqarneq, suliannut tunngasunut takunnissinnaaneq, pilersitsisinnaaneq namminersorlutillu sulisinnaaneq
• Meeqqanut inuusuttunullu pitsaasunik attaveqartitsisinnaaneq
• Suleriaaseq naapinniaaneq atornissaanut sapiissuseqarneq
• Uteriissinnaassaatit periarfissanillu nutaanik ujartuisinnaassuseqassallutit
• Atuarfiup sulisuinut avataaniillu suleqatinut suleqateqarusussuseqassaatit

 

 

Illit ilaatigut makku suliarisassavatit

• atuarfiup angerlarsimaffiullu suleqatigiinnerannik aaqqissuussineq pitsanngorsaanerlu 
• atuartunut inuttut ajornartorsiortunut pisariaqartitsisunut suliniuteqarnermi attaveqaataaneq
• meeqqanik sullissinermi sulisunut siunnersuineq ilitsersuinerlu
• atuartunut angajoqqaanullu oqaloqatigiittarnerit 
• atuartunut klassinulluunniit inuttut ikiugassanut iliuusissatut pilersaarusiornerit
• Iliuusissanik pilersaarusioqataaneq
• sulisunut inunnik suliaqarnermut tunngasunik avitseqatigiinneq
• atuarfimmi suliniutinik atornerluineq pillugu, atugarissaarneq qingasaarunnerlu pillugit suliaqarneq 
• atuarfimmi atugarliortoqartillugu piareersimasunut peqataaneq

 

 

Suliassat atuarfiup sulisui aqutsisuilu qanimut suleqatigalugit aaqqinneqartassapput aamma avataani suleqatigisavut makkuusut Ilaqutariinnit ingerlatsivimmi inunnik isumaginnittut, Peqqissutsimut pinaveersaartitsinermilu immikkoortortaqarfik, aamma MISI kiisalu atuarfiit allat inunnik isumaginnittuinik attaveqarneq. 

ASK-mi atuarfiup pisortaa Margrethe Karlsen Brummerstedt mailikkut mkar@sermersooq.gl imaluunniit uunga sianerlutit +299366221 attavigiuk 

Imaluunniit Nuussuup Atuarfia aqqutigalugu pisortaq Kîstârak Danielsen kida@sermersooq.gl sianerlutilluunniit +299366401 attavigiuk

 

 

Pinerliisimannginnermut – aammalu meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aammalu pineqaatissinneqarsimannginnermut uppernarsaammik piumasaqaaterqartussaatitaaneq pilluguinatsit naapertorlugu uppernarsaammik piumasaqaateqarfiuvoq. Inatsit naapertorlugu kommune uppernarsaammik naammaginartutut isigineqartut pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermik uppernarsaat rigspolitinit, aammalu pineqaatissinneqarsimannginnermut uppernarsaat pippagit atorfininnissaq inissinneqassammat. Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

Akissarsiat atorfininnermilu atugassarititat:

Akissarsiaqarnermut atorfinitsitaanermullu atugassarititaasut Naalakkersuisut isumaqatigiissummi atuuttoq AK Socialrådgiver-nut sullissisunullu, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

 

Inissaq:

Atorfimmut atasumik inissaqartitsinngilagut.

 

 

Qinnuteqaat:

Qinnuteqaat qulequtserlugu Atorfiup ilisarnaataa 211-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: marsip 27.-at, 2023

Atorfik una qinnuteqarfigiuk