Allaffissornermi, siunnersuinermi ataavartumillu attaveqatigiinnermi misilittagaqarpit, taamaappat immaqa illit Kommuneqarfik Sermersuumi Kultureqarnermut Aaqqissuussanullu Immikkoortami Kittani kontorfuldmægtigissarivatsigit.

 

Allaffissornermi misilittakkannik atuiffiusumik suliffittaarusuppit, namminersorluni, tamatigoorfiusumik, aaqqiissutissanik ujartuinermik sulinermik sungiusimasaqarpit, taava atorfik ilinnoorsimassaaq.

 

 

Suliassat ilaatigut makkuussapput:

• -Tiiminut allattuiffinnik ataavartumik suliaqarneq
• -Nioqqutissanik inniminniineq misissuinerlu
• -Nunaqarfinni mersortarfinnut ataavartumik attaveqarneq
• -Akiligassanik akiligassiineq
• -Mailinik takkussuuttunik akineq
• -Ataatsimiinnermi imaqarniliorneq
• -Suliassat takkussuuttut nalinginnaasut

 

 

Naatsorsuutigaarput atorfimmut qinnuteqartut tulliuttut piginnaasarissagai:

• -Naleqquttumik ilinniagaqarsimanissaa
• -Ataqatigiiaarillaqqissoq akusussaaffimmillu tigusisinnaasoq.
• -Piffissaliussanik malinnissinnaasoq
• -Naatsorsuinermi misilittagaqarsimaguit iluaqutaassaaq, piumasaqaataanngilarli
• -Allanngortitsinissamut piareersimalluartoq

 

 

Kittat suliffittut:
Ulluinnarni sulisut mersortartut sisamaapput amermik naqqaniit suliaqartartut, panertiterineq, ilusilersuineq mersornerlu. Innuttaasullu pisiniarfimmi kalaallisuunik attartorsinnaapput. Mersortarfiit marluk Kittanut atassuteqarput, Kapisilinni Ammiamii, Qeqertarsuatsiaanilu Amitsialak. Kittat Kommuneqarfik Sermersuumi Kultureqarnermut Aaqqissuussanullu Immikkoortortamut atassuteqarpoq. 

 

 

Annertunerusumik paasisaqarusukkuit:
Annertunerusumik paasisaqarusukkuit pisortaq Arnajaraq Nielsen Lyberth attavigisinnaavat uunga oqarasuaat 367242 imaluunniit e-mail-imut uunga: arly@sermersooq.gl

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Qaammatini pingasuni misiliummik atorfinitsitsisoqarsinnaavoq.

 

 

Inissaq:
Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 196-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: marsip 23.-at, 2023

Atorfik una qinnuteqarfigiuk