Meeqqanut ukioqatigiianut assigiinngitsunut ulluunerani Meeqqerivik Mike tullersortimik pissarsiorpoq atorfinittussamik piaartumik imaluunniiit isumaqatigiissuteqarnikkut. Tamakkiisumik atorfik sapaatip akunneranut nalunaaquttap akunneri 40-t suliffiusarput.

 

Meeqqerivik Mike pillugu:

Meeqqerivitsinni meeqqat ukiui akuleriiaartuupput ininut agguataarnikuullutik, meeqqat 51-t inissaqartumik.

Inini ataasiakkaani sulisutigut ima inissisimasoqarpoq1 perorsaasoq, 1 isumaginninnermi ikiorti aammalu 1 ikiorteqarluni. Taakku saniatigut igasoqarpoq, eqqiaasoqarlunilu ataatsimik.

 

Uagut ilinnut makku naatsorsuutigaagut:

-Perorsaasutut ilinniarsimasuussuutit

-Pisortaq peqanngitsillugu isumaginnissinnaanissat

-Meeqqat inerikkiartornerannut tunngasunik ilisimasartuussuutit

-Aalajaatsuusuutit

-Suleqatigiissinnaanermut kajumissuseqartuussuutit

-Aqutsinermik ilisimasaqartuunissat

-Pc-mut ilisimasaqarnissat

-Akisussaassuseqartuussaatit

-Allannguerusussuseqartuussaatit

-Illarsaarumassuseqartuussuutit/nuannersumik isumaqartuussuutit

-Inuunermut nuannersumik isiginnittaaseqartuussuutit

 

Uagut ilinnut makku neqeroorutigisinnaavagut:

• Suleqatit eqeersimaartut 12-t
• Suliffimmi avatangiisitigut atugassat pitsaasut
• Isumassarsianut misilittaanissamut inissaqarpoq sunniuteqataanissamut periarfissiisumik

 

Annertunerusumik paasisaqarusukkuit:

Atorfik inuttassarsiorneqartoq pillugu annerusumik uunga saaffiginninnikkut pissarsiarineqarsinnaapput, Meeqqerivik Mike-mi aqutsisoq Klara-Louise m Christensen oqarasuaat; 36 66 35 e-mail; klch@sermersooq.gl

 

Meeqqanik pinerliisimannginnermut aamma pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik innarliisimannginnermut uppernarsaat qinnuteqartumit akuersissutitalik kommunimit piniarneqassaaq, pineqaatissinneqarsimannginnermullu uppernarsaat pineqartup Politiinit pissavaa.

 

Akissaatinut atorfinitsitaanermullu tunngatillugu atugassarititaasut:Namminersorlutik Oqartussat, NPK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.Atorfinitsitsineq qaammatini pingasuni misiligutaaqqaassaaq.

 

Inissiaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

Qinnuteqaateqarneq:

Qinnuteqaat atorfiup normuanik ilisarnaatilik Atorfik nr 99-23  aamma ilinniagaqarsimaneq siornatigullu suliffigisimasat pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

 

Imatut qinnuteqassaatit:

Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Qinnuteqarnissamut killissarititaasoq: februaarip 21.-at, 2023

Atorfik una qinnuteqarfigiuk