Nuna Tamakkerlugu Ilitsersuisarfimmi inerisaanermi siunnersorti

Nunatsinni aqqutissiuinermut tunngasunik inerisaanermi siuarsaaqataarusuppit, taamaasillutit aqqutissiuunneqarnissaminnik pisariaqartitsisut pitsaanerusumik periarfissaqalersillugit siunissaminnut pingaarutilimmik eqqortunik toqqaanissaanut?

Nuna Tamakkerlugu Ilitsersuisarfik (NTI) suliffeqarfiuvoq pissanganartoq, eqeersimaartoq assigiinngitsorpassuarnik ukioq naallugu pisoqarfiusartoq. Ilitsersuisarfik assigiinngitsunik tunuliaqutalinnik 19-inik sulisoqarpoq, inerisaanermi siunnersortit, tarnip pissusaanik immikkut ilisimasallit, tarnikkut katsorsaasut, allaffimmiullu. Assigiinngitsunik ilinniakkatigut tunuliaqutaqarpugut, kiisalu suiaassutsitsigut ukiutigullu aamma assigiinngitsuulluta.

Ilitsersuisarfik aaqqissuussaanikkut Ilinniartitaanermut, Kultureqarnermut Ilageeqarnermullu Naalakkersuisoqarfiup ataani inissisimavoq. Aqqutissiuussineq naliliiviginiarlugu inerisarniarlugulu, kiisalu ilinniarfinni assigiinngitsuni aqutissiuussisut ilinniartitaanerannik pikkorissaanernillu neqeroornissaq siunertaralugu Ilitsersuisarfik pilersitaavoq. Tamatuma saniatigut NTI, inuttut atukkatigut tarnillu pissusaanut tunngatillugu ilinniartunik siunnersuisarpoq.

Aqqutissiuussinermi- Ineriartortitsinermillu immikkoortortaqarfimmi Nuummiittumi aqqutissiuussinerup ineriartortinnissaa sulissutigineqartarpoq. Suleqatigiillu tassaapput inerisaanermi siunnersortit pingasuusut immikoortortamilu aqutsisoq, aaqqisuussaanikkut aqutsisup ataani inissisimassaatit.

Atorfik pillugu
Nuna Tamakkerlugu Ilitsersuisarfik (NTI) inerisaanermi siunnersortimik suleqatigiinni suleqataasummik pissarsiorpugut. Inerisaanermi siunnersortimik tamatigoortumik, siumut isigisumik iliuuseqarsinnaassusilimmillu pisarsiorpugut, isumassarsiullaqqissoq angusaqarusussuseqarluartorlu. Inerisaanermi siunnersorti aammattaaq inerisaanermi suliniutinik aqutsisutut akisussaaffeqartassaaq, pikkorissaatigereersimanngikkuniullu inerisaanermi suliniutinik aqutsisutut pikkorissartussaassalluni.

Ulluinnarni suliassat ingerlaavartut assigiinngitsut immikkoortortaqarfiup akisussaaffii suleqataaffigissavai, soorlu pikkorissartussat angalanissaannik inniminniineq, aqqutissiussisunik ataatsimiititsineq kiisalu ataatsimeersuarnissanut seminarinullu piareersaaqataaneq.

Taamaammat naatsorsuutigisariaqarpoq atorfimmut tunngatillugu Kalaallit Nunaanni nunanilu allani angalanertaqartassasoq.

Inerisaanermik siunnersortip sinerissami ilinniartoqarfinni aqqutissiuussisut suleqatiginissai akisussaaffigissavaa, taamaasilluni inatsisitigut allannguutit aqqutissiuussinermilu pisunut nutaanut malinnaatitsinissaq isumagissallugu. Naalakkersuisoqarfinnik ilinniartitaanermut inuussutissarsiutinullu tunngassuteqartunik qanimut suleqateqarnikkut suliaq ingerlanneqassaaq. 

Suliassat makkuupput:

• Aqqutissiuussinermut atatillugu siunertanut aalajangersimasunut tunngatillugu suliassanik kiisalu eVejledningimi isumaginninneq
• NVL-imut suliassanik isumaginninneq (Nordisk Netværk for Voksnes Læring)
• Aqqutissiussinerup iluani digital-imik ineriartortitsinissamik soqutigisaqarneq
• Immikkoortortaqarfimmi allaffissornermi assigiinngitsuni suleqataaneq, IRIS-imut ilisimasaqarneq
• Aqqutissiuussinermik tunngasunik inerisaanermilu suliniutinik aqutsineq
• Majoriami ilinniarfinnilu aqqutissiuussisut, nunatsinni Danmarkimilu ilinniartitaanerni maleruagassanik atuuttunik ilisimasaqarnissaannik qulakkeerineq
• Meeqqat atuarfiisa Majoriallu akornanni suleqatigiinnermik inerisaaqataaneq
• Majoriap ilinniarfiillu qarasaasiarsorluni nalunaarsuinerisa pissusissamisoortumik ingerlanissaannut suleqataaneq   
• Pikkorissaanissat suleqatigiissuteqarnerillu /workshops pilersaarusiornerini ingerlatsinermilu peqataaneq
• Attaveqatigiinni ataatsimiinnernik ingerlatsineq ineriartuutaasinnaasunillu eqqummaarinneq
• Atuartunut, ilinniartunut aqqutissiuussisunullu aqqutissiussinermi atortussanik inerisaanermi peqataaneq
• Ilinniartitsinermik misilittagaqarnissaq, ilaatigullu aqqutissiuussisutut tunngaviusumik ilinniartitaanermi taassumunngalu atatillugu modulini ingerlaqqiffinni pikkorissaanernilu ilinniartitseqataaneq

Nalinginnaasumik naatsorsuutigineqarpoq:

• Suleqateqarluarsinnaasuussaatit sulinerillu aaqqissuussaalluakkamik ingerlattassavat
• Ineriartornissamut pingaartitsissaatit
• Aqqutissiuussisutut tunngaviusumik ilinniagaqarneq VGU imaluunniit aqqutissiuussinerup iluani allamik ilinniagaqarneq
• Ilinniarnermut tunngassutilinnut ilisimasaqarluarnissaq
• Ammasuuneq inussiarnersuunerlu kiisalu suliassanut tunngatillugu nammineersinnaassuseqarneq, ujartuillaqqissuuneq angusaqarluarniartuunerlu
• Meeqqat atuarfianni aqqutissiuussinermik misilittaqarluarneq ineriartortitsinissamullu soqutigisaqarneq  
• Nunanik Avannarlernik suleqateqarnermik misilittagaqarneq, immaqaluunniit oqaasiinik ajornartitsinnginneq
• Ataatsimut isiginnissinnaassuseqarneq piffissamillu tamatigoorfiusinnaasartumi Naalakkersuisoqarfiit arlallit qanimut suleqatigalugit sulisinnaaneq, kiisalu ingerlatsinerni paasilertoruminaatsuni ataqatigiissaralunilu aqutsisinnaaneqSuleqatigisanik tamanik kinguneqarluartumik suleqatiginnissinnaaneq
• Kalaallisut, danskisut tuluttullu oqaatsitigut allattariarsornikkullu piginnaaneqarluarneq
• Allaffimmiutut ilinniagaqarneq

Tunngaviusumik suliffiusussat, sap. ak. nal. ak. 40-it

Qinnuteqaat qinuteqarfissarlu kingulleq:
Qulaaniittut soqutiginnilersitsippata imal. atorfik pillugu paasissutissanik annertunerusunik pissarserusukkuit, Aqqutissiuussinermik Ineriartortitsinermillu pisortaq Jonna Therkelsen oqarasuaatikkut: +299 346870, imal. e-mailikkut: jthk@aqqut.gl attavigisinnaavat.

Qinnuteqaat Nuna Tamakkerlugu Ilitsersuisarfimmit kingusinnerpaamik 17. februar 2023 tiguneqareersimassaaq. Qinnuteqarfissatut killiliussap kinguninngua qinnuteqartunik oqaloqateqarnissat ingerlanneqarnissaat naatsorsuutigineqarpoq.
Atorfiniffissaq: 1/3-2023 tamatumaluunniit kinguninngua.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk