Allaffimmi aqutsisoq / Biskoppip allaffiani

Namminersorlutit sulisinnaavit? Tamanut sammisumik sulinissat nuannaraajuk pitsaasumillu angusaqarnissat ilungersuuttarpiuk? Paasinnillaqqissuuit unammilligassallu iliuuseqarfigineqartariaqartut taagorsinnaallugit? Taava ilinnut suliffissaqartitsivugut! Biskoppip allaffiani allaffimmi aqutsisumik  pissarsiorpugut.

Atorfik allaffimmi aqutsisoq Namminersorlutik Oqartussat ataanni Biskoppeqarfimmi Nuummiittumi inuttassarsiuunneqarpoq 1. april 2023 atorfinittussamik, imaluunniit isumaqatigiinnikkut. Kingusinnerpaamik qinnuteqarfissaq 15. februar 2023.

Biskoppeqarfik Kalaallit Nunaanni Ilagiit sinnerlugit oqaluffeqarnikkut allaffissornikkullu isumaginnittuuvoq. Biskoppeqarfik ilagiit naalagaaffiup tapersersugaannik aqutsiveqarfiuvoq, provsteqarfinnut pingasunut, palaseqarfinnut 17-iusunut, suleqatinut 250-it missaanniittunut aammalu ilagiit sinniisaannut 200 missaanniittunut.
Biskoppi allaffeqarfimmut ningiuuvoq, sulisullu taassuma saniatigut tassaapput biskoppeqarfimmi allaffimmi pisortaq, ilinniartitaanermut akisussaasoq, kontorfuldmægtigi allaffimmi silarlermi, taavalu uani atorfik inuttassarsiuunneqartoq allaffimmi aqutsisoq.

Allaffimmi aqutsisup ilaatigut makku suliassarai:

• Ilageeqernerup ataani illuutinut tunngassuteqartut
• Palasit illui
• Ilageeqarnermi sulisut – qinersinermilu allattorsimaffiit
• Biskoppimut allatsi
• IRIS-imi siullertut suliaqartartoq
• Aningaaserivikkut akiliisimasut attest-inillu pissarsiortut nalunaarsorneri
• Provsteqarfiit, tassani provsteqarfinni sulisut sullinneri
• Akisussaasuulluni sulianik isumaginninneq (sagsbehandling)
• Nittartakkamik nutarterisarnissaq www.ilagiit.gl
• Aningaasatigut atugassanik nakkutilliineq
• Nutsigassat oqinnerusut
• Suliffimmut atatillugu angalanissamut isumagisassat (kursusertussanut billetissanik inniminniisarneq il.il.)
• Allaffissornikkut suliassat allat
• Ukiumut ikinnerpaamik marloriarluni provsteqarfinnut angalanerit
• Biskoppeqarfimmi allaffimmi pisortamut taartaasartoq

Atorfik inummik oqaluffeqarnermut ilageeqarnermullu tunngassuteqartunik soqutiginnillunilu ilisimasaqartumik inuttaqassasoq kissaatigineqarpoq.

Makkuttaaq piginnaaneqarfigissagitit kissaatigaarput:

• Suliffeqarfimmi ulapaarfiusinnaasartumi sulinissamut sungiussisimasoq
• Namminersortuussaatit, sullerissoq pisussaaffimmullu aalajaalluinnartoq
• Ilikkajasuussaatit
• Suliffinnit siusinnerusumit napparsimaqattaartarsimassanngilatit
• Torersaallaqqissuussaatit
• Teoriimut tunngasunut pikkorissuussaatit! (niuernikkut ilinniarsimasoq, TNI, N1 assigisaaluunniit)

Marluinnik oqaaseqassaatit kalaallisut/qallunaatut) allattariarsornermi oqaluttariarsornermilu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk