Find job
Dette jobopslag er udløbet
”Angaju” meeqqerivik atualertussalerivik perorsaanikkut aqutsisussarsiuunneqarpoq
Qeqqata Kommunia Maniitsumi meeqqerivik atualertussalerivik ”Angaju” pisortatut aqutsisussamik sulisussarsiorpoq.
Ulloq aallartiffissaq: 1. April 2023 isumaqatigiissuteqarnikkulluunniit.
Ineriartortitsiviusumik pisoqarfiusoq:
Avatangiisit pissangnanartut perorsaanikkut tunngaviit 7 aallaavigalugit aamma meeqqat atualernissaannut piorsarlugit ineriartorneri ukkallugit atortulersorneqartut. Sulisunut immersuiviusumik ataatsimiittarnerit imaqarluartut. Qanimut imaqarluartumik meeqqeriveqatinut meeqqeriviillu allaffianut suleqatigiiffiulluartoq.
Angaju-mi pissutsit:
Meeqqerivik atorfik tamakkiisumik suliffiuvoq sapaatip akunneranut nalunaaquttap akunneri 40-t suliffiulluni. Meeqqerivik meeqqanut 40-inut inissaqartitsivoq. Ininut pingasunut agguarneqartut.
Meeqqerivik ammasarfigai ataasinngornermiit tallimanngornermut 06:45 – 17:00. Meeqqerivinni ingerlatsineq Ilinniartitaanermik pisortaq qullersaralugu meeqqeriviit allaffiani aqutsisutut pisortaasoq qanimut qullersarineqassalluni.
Sulisut katillutik 12 sulisussaatitaasut akisussaaffit ilagaat.
Qinnuteqarnissamut piumasaqaatit:
Perorsaasutut ilinniagaqarsimasuunissaq, akisussaassuseqarluartoq, suliumassuseqarluartoq suliffimmullu tunniusimalluartoq, allannguisoqassatillugulu akuersaartoq, suliffimmut ilisimasaqarluartoq, ulapaarfiusumi eqqissisimasumik ingerlatsisinnaasoq, suleqatigiuminartoq aalajaatsorlu.
Paaqqinnittarfiup anguniagai iliuuserisassatullu pilersaarutai kiisalu Inatsisitigut najoqqutassat malittarisassallu assigiinngitsut Qeqqata kommunianut atuuttut naapertorlugit sulinissamut piareeqqasoq. Iluaqutaassaaq aqutsinermut ilinniagaqarsimaneq.
Pisortatigoortumik pillagaasimannginnerup allagartaa aammalu meeqqanut pinerliisjmannginnermut uppernarsaat naammaginartumik naammassisimagaanni atorfinitsinneqarneq pisarpoq, taakkua atorfinitsinneqartussamut neqeroorfigineqartumit akuersissummik pereernikkut sulisitsisumit rigspolitinut piniarneqartarput.
Tunniussinnaasagut:
Angaju illutamigut nutaanngitsuuvoq alutornarsinnaalluni , sulisut ineriartortuartut, pikkorissarnerit assigiinngitsut, MISI qanimut suleqatigaarput, Maniitsumi meeqqeriveqatigiit ataatsimoorluta anguniakkat assigiinngitsut pillugit immersoqatigiittarpugut, Sulisut / angajoqqaanik ataatsimiisitsinermi perorsaanilerinerit, tallimap kingorna ataatsimiinnerit asuujaarfinngortarput, Peqqik (fitness) atorneqarsinnaavoq, immikkuullarissumik suliniuteqartut taperserneqartarput.
Akissarsiat atorfeqarnermilu atugassat:
Atorfinitsitsinermi akissaasersuineqassaaq nalinginnaasumik malittarisassat isumaqatigiissutillu atuuttut malillugit.
Atorfimmut atatillugu inissaqartitsisoqarpoq, malittarisassat atuuttut malillugit ineqarnermut akiliisoqartassalluni.
Atorfimmut paasissutissat erseqqinnerusut pissarsiarineqarsinnaapput ukununnga saaffiginninnikkut: Meeqqeriviit allaffiani pisortaq Sara Heilmann Rosing tlf. +299 81 78 03 sahr@qeqqata.gl imaluunniit atualertussalerivik Angaju-mi pisortaagallartoq Regine Karlsen tl. +299 81 30 73 / +299 38 57 67 angajumaniitsoq@qeqqata.gl
Qinnuteqarnissamut killissarititaasoq: Februar-ip 14-iat. 2023.