Iserit A/S sullissinermi pitsanngorsaanissamik kissaateqarpoq, taamaammat Nuummi piaartumik atorfinissinnaasumik inissianik nakkutilliisussarsiorpoq imaluunniit inissiaqarfinnik nakkutilliisoq . Atorfik nammineersinnaasumut assigiinngitsunik suliassaqarfiuvoq, suliassallu ilaatigut tassaallutik Nuup illoqarfittaani nunaqarfittaanilu inissiaatinut ulluinnarni ingerlatsinermik aserfallatsaaliuinernillu akisussaaneq.

 

Nuummi, Tasiilami Paamiunilu atorfeqartugut tunniusimasut 38-iuvugut. Immikkoortortaqarfiit allaffiillu akornanni qanimut suleqatigiippugut, taamaammallu inummik piukkunnartumik suliffeqarfitsinni suleqatissarsiorpugut, taannalu sulinermini pikkorissuseqassooq, suleqatigiinnermut piginnaasaqarluassooq qiimasuussallunilu.

 

Nuummi inissianik nakkutilliisutut imaluunniit inissiaqarfinnik nakkutilliisutut atorfik:

Kiffartuussisussatut suliffeqarfiugatta sullitavut, attartortuuppata imaluunniit suleqatigisarigutsigit soorunami tamaasa qitiutittussaavavut.

 

Ulluinnarni ulapaarfiusuni, assigiiaanngeqisuni pissanganartunilu Inspektøritut imaluunniit ininik nakkutilliisartutut suleqataassaatit, sulinermilu kiffartuussinermut pingaartitsineq, nammineersinnaaneq, akisussaaffeqarneq pissusissamisullu eqquinikkut piumasaqaatit annertuut piumasaqaataapput.

 

Suliassatit pingaarnerit makkuussapput:

·       Inissiaqarfinnik sullissineq, nakkutilliineq misissuinerlu

·       Iluarsaassinerit aserfallatsaaliuinerillu pilersaarusiornissaat nakkutiginissaallu.

·       Suliassinneqartartut avataaneersut sulinerini malinnaaviginissaat nakkutiginissaallu.

·       Najukkat attartukkat teknikkikkullu atortorissaarutit nakkutiginissaat.

·       Inissiat qimanneqarnerini iserterfigineqarnerinilu misissuisarnissat.

·       Nutarterinermut pilersaarutit sanaqqiinerillu suliakkiinissamut tunngassutilinnut pilersaarusiornerit.

·       Attartortunut sulisartut ilinniagalinnullu attaveqarnissaq.

·       Allakkiornissaq paasissutissanillu aaqqissuussivikkut nalunaarsuinissaq

·       Teknikkikkut aalajangersimasumik missingersuusiornernut missingersuutinillu nakkutilliinermut ilanngussassanik piareersaaneq.

• Annikitsunik annertuunilluunniit aserfallatsaaliuinissanut suliarinnittussarsiornerit, isumaqatigiissusiornerit, nakkutilliinerit ingerlanneqartullu nalaanni aqutsisutut inissisimanissaq.

·       Najugaqarfinni aserfallatsaaliinerit annikitsut

 

 

Sulinerpit nalaani allaffimmi allaffiullu avataani sulisariaqartassaatit, attartortutsinnut, suleqatigisartakkatsinnut, sulisartut ilinniagalinut, pisortat oqartussaatitaasunullu qanimut attaveqartuussallutit, taamaammat eqaassusermut kiffartuussinermullu pingaartitsinissat pisariaqarpoq.

 

Piginnaasassatit:

·       Ilinniagaqartuussaatit Illuliornermi teknikeritut, llluliornermi konstruktøritut, Ingeniøritut imaluunniit sanaartornermut tunngaveqartumik tunuliaqutaqassaatit, allaffissornikkullu misilittagaqarlutit.

·       Naliginnaasumik Microsoft Officemik, tassunga ilanngullugu Excelimik atuinissamut sungiussisimassaatit.

·       Marlunnik oqaaseqartuunerit iluaqutaassaaq, piumasaqaataananili.

·       Oqaasiliullaqqissuussaatit allakkatigut oqaatsitigullu

·       Pitsaassutsinik akisussaaffimmillu ilisimasaqassaatit, aalajangersimasuussaatit namminersortumillu sulisinnaaneq nuannaralugu. Saniatigullu suliassat pilersaarusiornissaannut piviusunngortinnissaannullu piginnaassuseqarfigalugit.

·       Suliat arlariissillugit aqussinnaavatit, sulinerlu nammineq ilusilersorsinnaallugulu aaqqissorsinnaallugu.

·       Inussiarnersumik pissuseqarlutillu ammasumik kiinnertuussaatit, inuillu assigiinngitsut akornanni akaareqatigiinneq tunngavigalugu sulisinnaallutit.

·       Suleqataalluarlutillu suleqatikkuminartuussaatit – suleqativit akornanni suleqatigisallu avataaneersut akornanni.

·       Naatsorsuutinik missingersuusiorsinnaassaatit aningaasaqarnikkullu aqutsinermik misilittagaqalaarsimassallutit.

 

Neqeroorutigaavut:

·       Suliffeqarfik kajuminnartoq suliassallu akisussaaffittallit nammineersinnaaffiusullu, suliassat assigiinngiiaartut piffissami qaninnerusumi ungasinnerusumilu ilinnut unammillernartussaasut.

·       Suliat tungaasigut inuttullu ineriartornissaq.

·       Piginnaasatit naapertorlugit akissarsiat soraarnersiuteqalernissannullu aaqqissuussinerit allanut unammillerluarsinnaasut.

 

Atorfininnermut atatillugu inissaqartitsivugut, tassungalu maleruagassat atuuttut naapertorlugit qularnaveeqqut, ineqarnermut akiliutit il.il. akilerneqartassapput.

 

1. marts 2023 atorfinitsitsisoqassaaq isumaqatigiissuteqarnikkulluunniit. Suleqatissarpulli eqqortoq utaqqerusupparput.

 

Atorfik pillugu sukumiinerusumik paasisaqarusukkuit saaffigisassat tassaavoq Ingerlatsinermi Aqutsisoq Ane-Birgithe Pedersen oqarasuaat: + 299 36 30 10 / mail: abp@iserit.gl imaluunniit HR Chef Betina B. Nornild, oqarasuaat: + 299 36 30 08 / mail: beb@iserit.gl. Atorfinitsitsinissamut saqqummiussaq nittartakkatsinni aamma takuneqarsinnaavoq: www.iserit.gl

 

Qinnuteqaatit ”Inspektør imaluunniit ininik nakkutilliisutut, Nuuk”-mik qulequtserlugu, CV-t ilanngussassallu pisariaqartut ilanngullugit uunga nassiutissavat:

Iserit A/S

Postboks 1539   

 3900 Nuuk

Qinnuteqarfissap killinga: sapaat ulloq 5. februar 2023.                                              Mail: job@iserit.gl

                                                                                                   

www.iserit.gl iserfigalugu Iserit A/S-imut tunngasunik paasisaqarnerusinnaavutit.