Allat suliaannik illillu suliannik piffissalersuillaqqippit? Kalaallisuuliornerup iluani piginnaasaqarpit? Qeerpimi sulisunut piginnaasatigut ineriartortitserusuppit suleqatigiinnillu ingerlalluartunik pilersitserusuppit? Taamaappat suleqatigiinnut/mersortartunut aqutsisutut atorfik immaqa ilinnut piukkunnartuuvoq.

Kommunalbestyrelsimit aalajangerneqarpoq Nuummi Kittatut ilusilimmik Tasiilami amernik mersortarfimmik pilersitsissalluni. Suleqatigiinnut aqutsisutut amernik mersortarfissamik kingusinnerusukkullu ammerivissamik pilersitseqataassaatit. Suliassavit pingaarnersarivaat suleqatinnut suliatigut maligassiuisuunissat kalaallisuuliornermullu ilitsersuisinnaanissat.

 

Suliassatit makkuupput:

-Qeerpi ineriartortinneqarneranik suleqatigiit suleqatigalugit ineriartortitseqqinneq

 

-Sullinneqartut pulaartullu allat pitsaasumik sullinneqarnissaat qulakkiissallugu.

-Illumi ukiumut sammineqartussat naammassineqarnissaat, ukioq kaajallallugu illumi ataavartumik sammineqartartussat qulakkeerneqarnissaat eqqarsaatigalugu

-Qeerpi ilisimaneqarnerunissaa sulissutigalugu. 

-Ammerinerup suliassartaanik kalaallisuuliornerullu mersugassartaanik suliaqarnermik siuarsaaneq.

-Qeerpi Nuummilu Kittat akornanni attaveqaataaneq.

 

Naatsorsuutigivarput illit:

-Naleqquttumik ilinniagaqarsimasutit - ajornanngippat mersornerup aamma ammerinerup iluani.

-Suliassat pilersaarusiornerinut naammassinissaannullu ataqatigiissumik sulisunik peqataatitsinissaq 

-Ulluinnarni ingerlatsinermi misilittagaqartutit ass. atortussanik sakkussanillu attuumassuteqartunik pisiniarnermik misilittagaqartutit. 

-Suleqatikkuminartoq

 

Uagut neqeroorutigaarput:

Suleqatigiinnik aqutsisutut mersortartutullu atorfik pissanganartoq, tassani illit siunissami Qeerpimi suut ineriartortissallugit neqeroorutigineqarsinnaasut aalajangeeqataaffigissallugit annertuumik periarfissaqarputit. Tamakku saniatigut amernik suliaqarnermi Nuup illoqarfiata avataani sulinissat neqeroorutigaarput.

Tasiilami amernik mersortarfimmi aqutsisoqalernissaata tungaanut suleqatigiinnut aqutsisutut Kittani immikkoortortamut aqutsisoq qullersarissavat.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: AC-fuldmægtig aammalu Kittat, Ammiamii aammalu Amitsilammi aqutsisumut Arnajaraq Nielsen Lyberth, oqarasuaat +299 367242 imaluunniit e-mail: arly@sermersooq.gl

 

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:

Akissarsiatigut atorfininnermilu atugassarititat, SIK-p isumaqatigiissutaa atuuttoq naapertorlugu aalajangiiffigineqartassapput. Atorfinitsitsineq qaammatini pingasuni misiliinertaqarpoq.

 

 

Inissiaq

Atorfimmut atatillugu inissaqartitsisoqarsinnaavoq, tassungalu qularnaveeqqummut ineqarnermullu, atuinermut il.il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu illuutaannut il.il. tunngatillugu ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisarneq pisassalluni. Atorfininnermi inissamik piareersimasuuteqanngikkaanni, sulisunut utaqqiisaasumik inissaqarsinnaatitaasunut, utaqqiisaasumik inissaq neqeroorutigineqassaaq, tamatumunngalu atatillugu ineqarnermut, atuinermut il.il. qulaani maleruaqqusaasut naapertorlugit akiliuteqartoqartassalluni. Ineqarnermut akiliummut tassunga ilanngullugu atuinermut assigisaanullu tunngasut annertunerusumik paasisaqarfigineqarsinnaapput uani: www.iserit.gl

Sulisumut inissaqartitsilersinnaaneq apeqqutaatillugu atorfininnissamut piffissaliussisoqassaaq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

 

Qinnuteqaat:

Qinnuteqaat qulequtserlugu Atorfiup ilisarnaataa 42-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: februaarip 3.-at, 2023

Atorfik una qinnuteqarfigiuk