KTI, Saviminilerinermik Ilinniarfik Inspektørinik marlunnik pissarsiorpoq

Unamminartunut nutaanut misileerusuppit? Taava illiusinnaavoq KTI-p ataani Saviminilerinermik Ilinniarfiup atorfissaqartitaa.
Inspektørinik pikkorissunik, aqutsilluarsinnaasunik misileerusuttunik, sapiissusilinnik, ilinniartitaanermullu tunngasunik siammasissumik isiginnillutik tulluarsapallassinnaasunik atorfissaqartitsivugut. Atorfittaassanni periarfissinneqassaatit nammineerlutit eqqarsaatitit malillugit pissutsini nutaarluinnarni misileraanissannut.

Suliffimmut tunngasut:

• Inspektørit akisussaaffigaat atuartitsinermi pikkorissarnermilu pilersaarutit atuuttut tunngavigalugit atuartitaaneq naapertuuttumik ingerlatissallugu.
• Immikkoortortani tamani skemamik pilersaarusiornermi ataqatigiissaarinissamik akisussaaffeqarput.
• Atuartitsinermi suliamut tunngasunik inersimasunillu atuartitsinermi ineriartortillugillu nalilersortarnissaanut akisussaaffeqarneq.
• Ilinniartitsisut ilinniagaqarnikkut ilinniarteqqinneqartarnissaannik akisussaaffeqarneq.
• Ilinniarfeqarfimmi atuartitaanernut takkuttarnernut nalunaarsuisoqartarneranut akisussaaffeqarneq.
• Qulakkiissallugu ilinniartitsisut peqannginneranni aammattaaq suliat annertusinerisigut taartaasartunik peqarnissaa.
• Misilitsinnerit aamma soraarummeernerit ingerlanneqartarnerannut akisussaaqataaneq.

Piginnaasanik piumasaqaatit:

• Atuartitsinermi misilittagaqarneq, suliamut tunngasunik assingisaanilluunniit ingerlataqarsimaneq, imaluunniit ilinniartitaanermut immikkoortortaqarfimmi ingerlataqarsimaneq.
• Inersimasunik atuartitsisinnaanermut tassungaluunniit assingusumik atuartitsinermut piginnaasaqarneq.
• Aqutsinermut tunngasunik allaffissornikkut ilisimasaqarlunilu soqutiginnittoq.
• Atorfimmut assingusumik misilittagaqarnissaq iluaqutaasinnaavoq.

Uagut neqeroorutigaavut:

• Atorfik pissanganartoq aamma unamminartulik nammineq atorfimmi sulianik sunniuteqarfiusinnaasoq.
• Atuarfik ineriartortoq.
• Suleqatit aamma sulisut pikkorissut ilinniakkaminnut piginnaanillit.

Qinnuteqarnissamut killigititaq: 30. januar 2023.
Ulloq sulilerfissaq: 1. marts 2023 imaluunniit isumaqatigiissuteqarnikkut.

Kissaatigaarput atorfininneq qaammatini pingasuni misileeqqaarnermik aallartinneqassasoq.

Paasissutissat amerlanerusut Ilinniartitaanermut Pisortamut Ole Pedersenimut oqarasuaammut +299 348600 -mut sianerluni imaluunniit e-mailikkut ojp@kti.gl saaffiginninnikkut pissarsiarineqarsinnaapput. Aammattaaq  nittartagaqarput takuneqarsinnaavoq: www.kti.gl.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut Sermitsiap sulisussarsiorfiatigut “Qinnuteqaat nassiuguk” toorlugu nassiutikkit.
E-mailikkut qinnuteqaatinik tigusineq ajorpugut.

KTI – Tech College Greenland tassaavoq Kalaallit Nunaanni Teknikimik Ilinniarfik. Neqeroorutigisavut tassaapput ilinniartitaanerit arlalinnik sammivillit, Nuummi immikkoortortaqarfik – Biililerineq, Aquuteralaat, Skibsmontør, Saffiooq, Quersualerisoq assartuisartoq aamma Innaallagisserisutut ilinniartitaaneq. Sisimiuni immikkoortortaqarfik – Sananeq aamma sanaartorneq, Aatsitassalerinermik ilinniartitaanerit. Tamatuma saniatigut GUX Sisimiut aamma KTI-mut ilaavoq
Nuuk Kalaallit Nunaanni illoqarfiit pingaarnersaraat tamaani innuttaasuusugut 18.000-it missaanniippugut. Tamaani inuunermi ornigineqartut tamarmik pigineqarput filmertarfik/kulturip illorsua, cafét aamma neriniartarfiit. Sulinngiffimmi sammisassarpassuit, meeqqat atuarfii nutaaliat aamma ulluunerani paaqqinnittarfiit. Illoqarfimmi pingaarnermi nutaaliaasumi neqeroorutigineqarsinnaasut tamaasa, taamatuttaaq pinngortitarsuaq pinneqisoq silatinnguatsinniippoq.


 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk