Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi Avatangiisinut Upalungaarsimanermullu Immikkoortortaqarfimmut AC-fuldmægtigi/immikkut ittumik siunnersorti

Avatangiisinut Upalungaarsimanermullu Immikkoortortaqarfik 1-3-nik suleqatissanik pikkorissunik tunniusimasunillu, ajornanngippat immikkoortortaqarfimmi suliassaqarfiit pingaarnernut avatangiisinut piujuartitsinermut aamma upalungaarsimanermut suliassaqarfimmi misilittagalimmik pissarsiorpoq.

Suliffeqarfik naatsumik
Avatangiisinut Upalungaarsimanermullu Immikkoortortaqarfimmi, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup ilaani suleqataalissaatit. Immikkoortortaqarfimmi sulineq avatangiisini pissanganartuni suliassatigullu unammillernartuni, suliatigut ineriartornissamut periarfissaqarfiulluartuni ingerlanneqarpoq. Suliffeqarfimmut pitsaasunik suleqateqarfiusumut, pingaartorsiorfiunngitsunik pissusilersorfiusumut aammalu toqqissisimanissamik ineriartornissamillu pingaartitsiffiusumut ilaalissaatit.



Avatangiisinut Immikkoortortaqarfiup ineriartorneq aamma ingerlatsinermut suliassatakisussaaffigai, taakkununngalu eqqakkat, imeq imigassaq, immami sinerissamut qanittumi avatangiisit, imeq errortuutikoq, ASN aamma suliffeqarfiit annertuumik mingutsitsisut  aamma nunani tamalaani avatangiisinut illersuinissamik isumaqatigiissummut ilaapput. Upalungaarsimanermut immikkoortortaqarfiup ajornartoornermik aqutsinerit, annaasiniaanissamut upalungaarsimanerit aamma naalagaaffimmi isumannaatsuunermi pilersaarusiaq akisussaaffigai.Immikkoortortaqarfimmi atorfiit akuerisat tassaapput immikkoortortaqarfimmi pisortaq ataaseq aamma AC-fuldmægtigit 12-it.


Suliassatit


Politikkikkut pisortaqarfinnilu avatangiisit piujuartitsinerlu oqaluuserisassatut pingaaruteqartillugit, suleqatissamik Naalakkersuisut suliannut naammassisat aamma iliuusissanik atortussanngortitsinermik suliaqarsinnaasumik ujaasivugut. 2023-mi poortuutinut utertitassanut ingerlariaaseq nutaarluinnaasoq ukkatarineqarpoq, poortuutit assigiinngitsut utertissinnaalernissaanut qularnaarisussaq. Matuma saniatigut arnatarfilerinermut pilersaarut suliarineqassaaq, aamma aalisarnermut piniarnermullu atortunik saliinissaq sukkasuumik iliuusissamik suliaqartoqassalluni.
Upalungaarsimanermut immikkoortortaqarfiup iluani suliassat tassaapput inatsisinik, siunnersuinermik aamma upalungaarsimanermut immikkoortortaqarfiup iluani akunniliulluni sulissussinernik suliarinninneq. Aamma kommuninut annaassiniarnissamut upalungaarsimanernut aamma qaartartunik qaajasunik atuisunut nalunaarlutit nalunaarnatilluunniit nakkutilliiartortassaatit. Matuma saniatigut Kalaallit Nunaata Upalungaarsimanermut ataatsimiititaliaanut allatsitut suliaqassaatit. Kalallit Nunaanni Upalungaarsimanermut ataatsimiititaliaq Kalaallit Nunaanni ajornartoornermi aqutsineq qaffasinnerpaamiippoq, aamma Naalakkersuisut Kalaallit Nunaanni upalungaarsimaneq pillugu apeqquteqartoqartillugu siunnersuisarluni. Taamaammat annertuumik ajunaartoqartillugu ajunaarnersuaqartillugulu Upalungaarsimanermut ataatsimiititaliaq aggersarneqartarpoq.


Suliassanik assigiinngitsorpassuarnik suliaqarfiusut, amerlanertigut politikerit, innuttaasut kommunilluunniit tungaanniit saaffiginnissutinik apeqqutaatitsiffiusutulluinnarni pissanganartorsiorfigisassavatit. . Sulinermi Naalakkersuisoqarfimmi immikkoortortaqarfiit allat, aamma Namminersorlutik Oqartussani oqartussaasut allat, kiisalu avataaniit suleqataasut suleqatigineqarput.
 
Piginnaasat soqutigisallu kingorna suliassat ilaatigut tassaassapput:

• Politikkikkut atortussanngortitsinermut isummernissanut suliaqarneq
• Suliassaqarfimmi ataatsimi imaluunniit arlalinni piginnaasat, atorfissaqartitsineq aamma soqutigisaq apeqqutaatillugit  suliassamik isumaginninneq
• Naalakkersuinikkut kiffartuussinerit, taakkununnga allakkiorneq aalajangiiffigisassanullu isummernissamut tunngavissiat ilanngullugit
• Namminersorlutik Oqartussat oqartussaaffii akimorlugit tusarniaanernik ataqatigiissaarineq
• Inatsisinik, nalunaarutinik maleruaqqusanillu suliaqarneq iluarsaassinerlu
• Kommuninut suliffeqarfinnullu siunnersuineq ilitsersuinerlu.
• Immikkoortortaqarfimmiit atortussat, aqutsisunut Naalakkersuisoqarfimmullu saqqummiunneqartussat pitsaassusiinik qulakkeerinninneq
• Ineriartortitsinermi suliani attuumassutilinni aqutsinermut akisussaaffeqarneq, suliatigut piginnaasatit apeqqutaallutik
• Upalungaarsimanermut suliaqarfiup iluani paasititsiniaaneq
• Qaartiterutissaasivinnik akuerissutinik atulersitsineq kiisalu nakkutilliineq
• Upalungaarsimanermi sungiusarnernut assigiinngitsutigut pilersaarusiornernut naammassinninnermullu peqataaneq
• Upalungaarsimanermut pilersaarutinut assigiinngitsutigut suliarinninnernik qularnaarineq

Immikkoortortaqarfimmi sulisut allat qanittumik suleqatigalugit sulissaatit, aamma immikkoortortaqarfinni assigiinngitsuni suliassat nikerarsinnaapput.


Piginnaaneqarfiit
Avatangiisinut aamma/imaluunniit upalungaarsimanermut suliassaqarfik nuannaraat, namminersorsinnaavutit, eqaatsumik aaqqiisinnaavutit, nutaanik suliaqarnissamut piginnaaneqarfeqarputit, ilusiliussat allanngutsaaliorsinnaavatit suliatillu paasisimaarisinnaallugit. Eqqissisimasuuvutit, unammilligassat kajumilersittarpaatsit, pisussaaffitit naammassisarpatit, unneqqarissuuvutit isumagissaartuullutillu. suliassaqarfinnut ilisimasaqarluartuusinnaavutit imaluunniit allatigut ilisimasaqartuusinnaavutit. Suliassat naammassiniarlugit illuatungeriit qanimut atavaatigullu suleqatigisassavatit taamaammat, ileqqorissaartuunissat, kiffartuussinermik pingaartitsinissat aammalu oqaasiliornermut attaveqaqateqarnermullu piginnaaneqarluarnissat pisariaqarpoq.

Naatsorsuutigisavut
Kissaatigaarput:

• Ilinniagartuutut ingerlaqqiffiusumik naleqquttumik ilinniarsimassasutit, assersuutigalugu inuiaqatigiilerinermut, pinngortitalerinermut, inatsisilerinermut, ajunaarnersuaqarnerani ulorianartorsiortoqarneranilu aqutsinermik il.il. ilinniagaqarsimassasutit imaluunniit suliatigut attuumassutilimmik allamik tunuliaqutaqassasutit
• Avatangiisinut imaluunniit upalungaarsimanermut suliassaqarfimmi ataatsimi imaluunniit arlalinni suliassaqarfik misilittagaqarfigissagit soqutigissagillu
• Sulianik aqutsinermik misilittagaqassasutit
• Aaqqissuussaanermi naalakkersuinikkut aqunneqartumi sulinermik misilittagaqassasutit
• Pisortat ingerlatsinerannik suliaqarnermik imaluunniit suliffeqarfimmi siunnersuisartumi sulinermik misilittagaqassasutit
• Isummerfissat pisariusut oqaatsit ersarissut atorlugit ingerlateqqinnissaannut piginnaaneqassasutit
• Suleqatikkuminartuussasutit, kiisalu suliassanik ataatsikkut amerlasuunik ingerlatsinissamut piginnaaneqassasutit
• Oqaatsinut piginnaaneqarluassasutit, taakkununngalu tuluttut, danskisut kalaallisullu oqaatsit ilaapput

Suliavit naalakkersuinikkut eqqumaffigineqarnerat iluarisimaarpat, aammalu isummerfissat pisariusut oqaatsit ersarissut atorlugit ingerlateqqissinnaavatit. Namminersorlutit, tunniusimallutit, pitsaasumik isumagissaarlutillu sulisarnissat pingaartipparput.

Kikkuuvugut?
Naalakkersuisoqarfimmi sulisut, immikkoortortaqarfinnut sisamanut agguarsimasut 45-t missaanniipput (Kiffartuussinermut, Aningaasaqarnermut Sulisunullu Immikkoortortaqarfik, Pinngortitamut Nunamilu Silap Pissusianut Naleqqussaanermut Immikkoortortaqarfik, Avatangiisinut Upalungaarsimanermullu Immikkoortortaqarfik aamma Nunalerinermut, Imminut Pilersornermut Nukissiutinullu Immikkoortortaqarfik). Aamma Aatsitassaqarnermi Avatangiisinut Aqutsisoqarfik, Pinngortitaleriffik, Asiaq aamma Nukissiorfiit Naalakkersuisoqarfiup ataani immikkoortortaqarfiupput.

Suliffeqarfimmi pitsaasunik suleqateqarfiusumi, pingaartorsiorfiunngitsunik pissuseqarfiusumi aammalu toqqissisimanissamik ineriartornissamillu pingaartitsiffiusumi suleqataalissaatit. Ulluinnarni Naalakkersuisoqarfimmi naleqartitatigut tunngavissat ataatsimoorussat malillugit sulivugut, taakkununngalu tunngavigineqarput:

• Atorfimmi piginnaasaqarluarneq
• Suleqatigiinneq
• Inussiarnersuuneq  kiffartuussinissamillu pingaartitsineq
• Sulianut piginnaaneqarneq

Akissarsiat atorfeqarnermilu atugassarititaasut
Akissarsiat atorfeqarnermilu atugassarititaasut, taakkununnga atorfininnermut soraarnermullu atatillugu angalanernut pequtinillu nassiussinermut akiliunneqarsinnaatitaaneq ilanngullugit, piffissami atorfiniffiusumi Namminersorlutik Oqartussat kattuffiullu isumaqatiginninniarsinnaatitaasup ilaasortaaffigisap akornanni isumaqatigiissutit tunngavigineqassapput. Sapaatit akunnerannut piffissaq suliffiusoq nal. ak. 40-nik sivisussuseqarpoq.

Naalagaaffimmi tjenestemandit aamma AC-mut isumaqatigiissutit arlallit, ilaatigut DJØF-ip aamma Aningaasaqarnermut Ministereqarfiup akornanni isumaqatigiissutit malillugit atorfeqartinneqartut, Namminersorlutik Oqartussani atorfeqarnerminnut atatillugu akissarsiaqaratik sulinngiffeqarsinnaatitaapput. Aamma Nunamut Namminermut Ministereqarfik kommuninut nunallu immikkoortuinut inassuteqarpoq, Namminersorlutik Oqartussani atorfeqarnermut atatillugu akissarsiaqarani sulinngiffeqarnissamut qinnuteqartunut akuersaaqqullugit. Sulinngiffeqarnermut aalajangersakkanut aamma Namminersorlutik Oqartussani atorfinittunut aappaasut/inooqataasut ilaatinneqarput.

Inissiaq
Atorfinittussaq sulisunut inissiamut pequteqanngitsumut maleruagassat sukkulluunniit atuuttut naapertorlugit innersuunneqarsinnaavoq. Ineqarnermut akiliutit qularnaveeqqusiissullu inissiamut innersuunneqartumut maleruagassat sukkulluunniit atuuttut naapertorlugit akilerneqartassapput. Inissiaq atorneqarnermut atuuttuuvoq, atorfeqarnerullu naanerani qimanneqartussaalluni.

Inissiap pisoqaassusia, piginnittoqarnera il.il. apeqqutaallutik ineqarnermut akiliutit inissiallu pitsaassusii allanngorarsinnaapput. Sulisunut inissiamut najugarineqalivittussamut innersuunneqarnissamut utaqqisoqarsinnaavoq, taamaattumillu akileraaruserneqartussamik inissiigallartoqarsinnaavoq, taakkununngalu najugaqaqatigiiffiit minnerit akunnittarfinniluunniit inissiat ilaatinneqarput.

Suliffeqarfik Nuummi inissisimavoq. Illoqarfik periarfissarpassuaqarpoq, taakkununngalu kulturip illorsua, filmertarfik, naluttarfik, timigissartarfiit, kaffisorniartarfiit, neriniartarfiit peqatigiiffiillu assigiinngitsut ilaapput. Aamma Nuup eqqaani pinngortitami sisorartarfeqarpoq golfertarfeqarlunilu, kiisalu qajartornissamut, aalisarnissamut, imaatigut angalanissamut, nunakkut pisunnissamut sunngiffimmilu sammisassanik arlalissuarnik periarfissaqarpoq.

Paasissutissat amerlanerusut
Atorfik pillugu annertunerusumik paasisaqarusukkuit immikkoortortaqarfimmi pisortaq Karen Anne Arleth oqarasuaat (+ 299) 34 54 65-imut attaveqarfigisinnaavat.

Qinnuteqaat:
Qinnuteqarnissamut 30. januaari 2023 killigitinneqarpoq
1. martsi 2023-mi imaluunniit piaarnerpaamik atorfinitsitsisoqassaaq
Oqaloqatiginninnerit sap. ak. 5-mi imaluunniit 6-mi ingerlanneqarnissaat naatsorsuutigineqarpoq.

Qinnuteqaat nassiuguk