Kalaallit Nunaanni Aalisarsinnaanermut Akuersissutinik Nakkutilliivik (KANUAANA) nutaamik fiskerilicensinspektørissarsiorpoq

Kalaallit Nunaanni Aalisarsinnaanermut Akuersissutinik Nakkutilliivik (KANUAANA) Aalisarnermut Piniarnermullu Naalakkersuisoqarfiup ataani immikkoortortaavoq. KANUAANA-p pingaarnertut siunertaraa Kalaallit Nunaanni aalisarnermut piniarnermullu inatsisit eqqortinneqarnissaasa qulakkeernissaa. KANUAANA-p taamaalilluni Kalaalit Nunaata oqartussaaffiani aalisarnermit aamma pinianermit aallaaniarnermillu aamma Kalaallit Nunaata nunat tamat imartaanni aalisarneranit paasissutissanik katersuisarneq, nakkutilliineq nakkutiginninnerlu. KANUAANA-p pisassiissutinik atuinerit nakkutiginissaat, biologit siunnersuisarnerannut aalisarnermillu naatsorsueqqissaarnermut paasissutissanik il.il. tunniusisarnissaq siunertaralugu aalisarnermik inuussutissarsiummi immikkoortuni tamani aalisarnermit paasissutissanik katersuisarneq pitsaassusiliisarnerlu.
KANUAANA-p Namminersorlutik Oqartussani naalakkersuisoqarfiit pisortallu sulisoqarfii allat aamma Arktisk Kommando suleqatigisarpai. KANUAANA-p aamma Atlantikup Avannaani nunat sineriallit aamma nunat tamat akornanni aalisarnermik suleqatigiiffii nakkutilliinermi qanimut suleqatigisarpai.
KANUAANA-mi aalisarnermik alapernaarsuinermik aaqqisuussaqarpoq, aalisarnermik piniarnermillu nakkutillinermik aaqqissuussaqarpoq allaffissornermilu, katillugit 50-inik sulisoqarluni. Ilulissani, Sisimiuni Nuummilu nunap immikkoortuini allafinnik pilersitsisoqarnikuuvoq.

Suliassat
KANUAANA-mi ulluinnarni aqutsinermi makkuninnga pingaarnertut suliassaqarluni:

• Aalisarnermik, piniarnermik aallaaniarnermillu Kalaallit Nunaanni inatsisit malillugit paasissutissanik katersuisarnerup nakkutiginninnerullu qulakkeernissaa
• Missingersuusiortarneq aningaasaqarnermillu malinnaaneq,
• Sulisunik aqutsineq, tassunga ilanngullugit ilinniartitsinermi pikkorissartitsisarnermilu modulinik aaqqissuussineq,
• Aaqqissuussarnermik nakkutilliinermillu ingerlaavartumik nangitseqqiisarneq, naleqqussaasarneq pisariillisaanerlu
• Malittarisassat allanngortillugit paasissutissanik katersuinermut, nakkutilliinermut nakkutiginninnermullu IT-mi aaqqiissutinik ingerlaavartumik naleqqussaasarneq annertusaasarnerlu inuussutissarsiortunillu sullissineq,
• Pisuussutit uumassusillit atorneqarneqarneranni aqutsineq nakkutilliinerlu pillugit inatsisiliornermi peqataasarneq,
• Aalisarneq piniarnerlu pillugit inatsisinik unioqqutitsinerni eqqartuussivinni inatsisilerinermilu qisuariaateqartarnermut atugassanik pisariaqartunik uppernarsaasiortarneq,
• Nakkutilliinermi nunallu tamat akornanni suleqatigiinnermi ataatsimiinnerni peqataasarneq aamma Namminersorlutik Oqartussanut sinniisuusarneq.

Piginnaasanut piumasaqaatit

• Akademikeritut naleqquttumik ilinniagaqarneq,
• Aqutsisutut naleqquttumik ilinniagaqarneq paasinnittarlunilu aqutseriaaseqarneq,
• Pisortani namminersortuniluullunnit atorfeqarnermi allaffissornermik aqutsinermillu misilittagaqarneq, pingaartumik aalisarnermut atatillugu,
• Aalisarneq pillugu inatsisit tunngavigalugit aqutsinermik misilittagaqarneq,
• Nunat tamat akornanni aalisarneq pillugu suleqatigiiffinnik aamma aalisarneq imarsiornerlu pillugit nunat tamat akornanni malittarisassanik ilisimasaqarneq,
• Paasisutissanik nalunaarsuinermut misissueqqissaarnernullu IT-mi aaqqiissutinik atuutilersitsisarnermik atuisarnermillu misilittagaqarneq,
• Suliaqarfinni qaffasissutsini tamani inissisimasunik tamanik isumassitsinnaassuseqarneq suleqatiginnissinnaassuseqarnerlu.

Uagutsinnut pingaartuuvoq

• Aqutsisoqatigiinnik kajumissuseqarsinnaanissat isumassitsisinnaanissarlu aamma anguniakkat anguniarnissaannut allanik pitsaasumik attaveqaqatigiissitsilerssinnaanissat kaammattuisarnissallu,
• Ingerlaavartumik pitsanngorsaasarnissanut pitsanerpaamillu suleriaaseqarnissamut piareersimaffiusumik kultureqalernissaq qulakkeersinnaagit,
• Sulinermi siumut takusinnaassuseqartutit sulilluartuusutillu suliassallu suliarineqarnissaannik isumaginnittassasutit peqatigitillugulu suliassat assigiinngiiaartorpassuit iluuseqarfigisinnaagitit,
• Avatangiiserisat peqatigineranni annertuumik tatiginassuseqartutit uppernassuseqartutillu,
• Attaveqarsinnaassuseqarluartutit suleqateqarsinnaassuseqarluartutillu,
• Maligassiuisinnaassuseqartutit aamma oqaaserisatit, iliuuserisatit aqutsieriaatsillu atorlugit suliffimmi immikkoortuni aalajangersimasuni tamani sunniuteqartarnerit ilisimagit.

Politikkikkut aqunneqartumi sulinermik misilittagarneq aamma Kalaallit Nunaanni inuiaqatigiinnik ilisimasaqarluarnerit paasisimasaqarnerillu isumaqatigiinniarnernilu kalaallisut, danskisut tuluttullu oqalussinnaanissat iluaqutaassapput.

Aqutsinermi tunngavik innersuussutigineqarpoq, iseriffissaq ataaniittoq takujuk
Ledelsesgrundlag (naalakkersuisut.gl)
Naalakkersuisoqarfimmi aqutsisoqatigiinni peqataassaatit.

Angalasarrnerit
Atorfimmi angalasarnissaq ilimagineqarsinnaavoq.
 

Akissarsiat atorfeqartitaanermilu atugassarititaasut:
Atorfik akissaateqarfimmi (LR 38-mi) maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk