Qeqqata Kommunia Sisimiut, ”Pisoq” tapersersortinut ataqatigiissaarisussarsiorpoq, meeqqanut, inuusuttunut inersimasunullu immikkut pisariaqartitsisunut tapersersortaanerminni suliaannut ataqatigiissaarisussaq ilitsersuisuusussarlu. Ataasiakkaat pisariaqartitsinerinut tunngatillugu meeqqerivinni angerlarsimaffinniluunniit tapersersortit pingaarnertut sulisarput.

Atorfik Najugaqatigiiffiit ”Pisoq” ataani inissisimavoq, Pisoq-milu aqutsisoq qaninnertut aqutsisoralugu.

Tapersersortinut ataqatigiissaarisutut sulinermi suliassat ilagaat sulisunik aqutsineq, ilitsersuineq tapersersortinullu nakkutilliilluni ilitsersuineq. Tapersersortitut ataqatigiissaarisutut inuit ataasiakkaat tapersersorneqarnissamik pisariaqartitsisut tapersersorneqarnissaannut tapersersorteqalersinneratigut suliaqarfiit immikkoortortaqarfiillu akimorlugit suleqatigiinnissaannik kiisalu tapersersortip inummik sullissinerannik malinnaaffiginissaat akisussaaffigissavatit. Tamatuma saniatigut tapersersorteqarnermut aaqqissuussamut atatillugu ingerlatsiviit immikkoortortat immikkoortortaqarfiillu akimorlugit attaveqaqatigiinnerannik suleqatigiinnerannillu oqilisaassinermik suliaqartassaatit.

 

Tapersersortinut ataqatigiissaarisutut suliassatit ilaatigut makkussapput:

• Tapersersortinut suleriaatsinut periutsinullu ilitsersuineq, tamatumani iliuusissatut pilersaarutit tapersersortillu nalunaarusiaat najoqqutaralugit sulineq.
• Sulisunik tunngaviusumik aqutsineq, matumani tapersersortinik atorfinitsitsinerit soraarsitsinerillu, sulisunik ineriartortitsinermut sammivilimmik oqaloqateqarneq, sulisunik ataatsimiititsineq tapersersortinillu suliat allat pillugit ataatsimeeqateqarneq
• Inuup pissusilersuuteqarnerata qanoq perorsaanikkut iliuuseqarfigisinnaaneranut tunngatillugu siunnersiueqatigiinneq
• Tapersersortinik pikkorissartitsineq ilinniartitsinerlu
• Tapersersortip sullitallu akornanni suleqatigiinnerannik kiisalu tapersersortip ilaqutaasullu akornanni suleqatigiinnerannik nukittorsaaneq
• Tapersersorteqarneq pillugu aaqqissuussaanermik innuttaasunik sulianullu ilisimasalinnik ilitsersuineq
• Aqutsisumik isumaqatigiissuteqarnikkut suliassat allat

Naatsorsuutigaarput:

• Sulianut attuumassutilimmik soorlu perorsaasutut ilinniarsimasuunissat, tamatumanilu aqutsisutut ilitsersuisutullu ilinniarsimaguit pitsaassaaq
• Inuit immikkut pisariaqartitsisut soqutigisarissagitit suliatigullu ilisimasaqarfigissagitit
• Ataqatigiissaarineq misilittagaqarfigilluassagit
• Aaqqissuussamik paasinnilluarsinnaasutit aaqqissuussamilu imaannaanngissinnaasumi sumiinnerit pikkoriffigissagit
• Iluarsiinissamik pikkoriffeqartutit iliuuseqarusussuseqartutillu
• Namminersorlutit sulisinnaanissat aamma nammineq suliassanik aaqqissuulluakkamik suliarinnissinnaallutillu malittareqqiisinnaanissat
• Inuttut sulisutullu piginnaasaqarluartutit
• Nuannersumik inoqatinut isiginneriaaseqartuusutit, aammalu inunnut assigiinngitsorpassuarnut atassuteqallaqqinnermik pilersitsisinnaasutit ataqqinnittumillu naapitsillaqqissuusutit
• Suleriutsinik pioreersunik pitsaasunik ukkassisinnaasutit
• Kalaallit kulturiannik inuiaqatigiillu atugaannik ilisimaarinnilluartutit

Meeqqanik pinerliisimannginnermut uppernarsaat
Atorfik una meeqqanik pinerliisimannginnermut uppernarsaammik inatsisitigut paasiniaanissamut pisussaatitaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinitsitsisoqarsinnaasoq, erseqqissaatigineqassaaq.

Pinerluuteqarsimannginnermut uppernarsaat
Atorfik una pinerluuteqarsimannginnermut uppernarsaammik inatsisitigut paasiniaanissamut pisussaatitaavoq. Inatsit naapertorlugu politiinit pinerluuteqarsimannginnermut uppernarsaat kommunimit tiguneqareerpat aatsaat atorfinittoqarsinnaavoq.

Aningaasarsiaqartitaanermi atorfeqartitaanermilu atugassarititaasut
Namminersorlutik Oqartussat, SIK imaluunniit kattuffiup allap isumaqatigiinniarsinnaatitaasup isumaqatigiissutaat atuuttoq naapertorlugu akissarsiaqartitsisoqarlunilu atorfinitsitsisoqassaaq.

Qaammatini pingasuni misiligummik atorfinitsitsisoqassaaq.

Ineqarneq
Atorfik inissaqartitsivoq, taamaattumik qularnaveeqqummut ineqarnermullu, atuinermut il.il. akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Sulilernermi aalajangersimasumik suliffimmut atasumik inimik/illumik tunniussisoqarsinnaanngippat, sulisunut utaqqiisaasumik inigigallagassamik neqerooruteqartussaatillugu utaqqiisaasumik tunniussisoqarsinnaavoq, inimut/illumut akiliutit, atuinermut il.il. qulaani allassimasut naapertorlugit akiliisoqassaaq

Sulisumut inissaqartitsilersinnaaneq apeqqutaatillugu atorfininnissamut piffissaliussisoqassaaq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfilik sulisunut inissiami najugaqarpat taanna najugariinnarneqarsinnaavoq.

Qinnuteqaat
Qinnuteqaat ilinniagarisimasat aamma siornatigut suliffigisimasat pillugit paasissutissartalik aamma soraarummeernermi pappilissat assilineqarnerannik il.il. ilalik qinnuteqaateqarnissamut killissarititaasup qaangiutinnginnerani elektroniskikkut Sulisoqarnermut Immikkoortortamut nassiunneqassaaq.

Imatut qinnuteqassaatit
Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisartinneq il.il. kakkiullugit nassiussinnaavatit.

Qinnuteqarnissamut piffissaliussaq: 31. januar 2023.

Atorfiniffissaq: Isumaqatigiissuteqarnikkut:

Piffissaq suliffigisassaq: Sapaatip akunneranut 40 tiimit.

Suliffik: Sisimiut

Paasissutissat annertunerusut uannga pissarsiarineqarsinnaapput: Kulunnguaq Olsen-Willumsen, oqarasuaat: 864460, e-mail: kulo@qeqqata.gl

Qinnuteqaatit nassiussinnaavat una lilnkeq toorlugu