Tasiilami Dronning Ingridip meeqqerivia perorsaasumik tullersortitut atorfimmut pissarsiorpoq.

Meeqqerivimmi meeqqat 40-t aamma ininut marlunnut avitaapput, inip aappaanut attuumassuteqassaatit.

Pisortap saniatigut inini immikkut tamarmik pingasunik sulisoqarput, aamma eqqiaasoq igaffimmiorlu. Ilaatigut isumaginninnermi ikiortit aamma ikiortit sulisorineqarput.

Ammasarpoq nal 07.00-17.00.

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaattut siunnersuut nr 16, 3 december 2012-meersoq kiisalu

Kommuneqarfik Sermersuumi Meeqqanut Atuarfeqarnermullu Ingerlatsivimmi Takorluukkat anguniakkallu aallaavigalugit sulivugut

Meeqqat qitiutinneqarput, suliffimmilu pitsaasumik avatangiiseqarnissamik akisussaaffeqarneq, ataqqinninneq aamma tatiginninneq qitiutinneqarlutik. Uagutsinnut pingaaruteqarpoq, inersimasut qanimut attaveqartut isumalluartullu aqqutigalugit meeqqat ulluinnarnik ataqatigiissunik toqqissimanartunillu misigisaqarnissaat.

Ulluinnarni meeqqanik sullissinerpit saniatigut tullersortitut sulininni sulisut pisortarlu peqatigalugit meeqqerivimmi perorsaanermi killissarititanik aalajangersaassaasi aamma allaffissornermi suliassanik suliaqarsinnaallutit.

 

 

Uagut neqeroorutigaavut:

• Meeqqerivik 40-nik nuannerluinnartunik meerartalik.
• Suleqatit piumassuseqarluartut qanittumi avatangiiseq assigiinngisitaartulik pisariaqartorlu atorluartagarput.
• Ulluinnarni imaqartitsinissamut perorsaanermullu annertuumik sunniuteqaqataasinnaaneq
• Suliamut tunngasunik ilisimasannik misilittakkannillu annertuumik pissarsiviusinnaasoq
• Meeqqerivik nuannersoq ukiuni 62-ini pioreersoq, sulilu ineriartortinneqartoq
• Pisortamik, suleqatinik angajoqqaanillu qanimut suleqateqarneq
• Assigiinngitsunik sulialinnik meeqqerivinni allaniittunik atuarfimmiittunillu suleqateqarneq.

 

 

Naatsorsuutigaarput illit:

• Perorsaasutut ilinniagaqartutit
• Isumassuisuusutit, tamatigoortuusutit aalajaatsuusutillu.
• Timikkut patajaatsoq illup iluani silamiluunniit perorsaanermi suleqataassuseqarnissamut piumassusilik pisinnaasorlu.
• Akisussaaffimmik tigusisinnaasutit, utaqqiinnarnak iliuuseqarsinnaasutit taakkuninngalu malinnaaffiginnissinnaasutit
• Assigiinngissitaassuseqarnermik inissaqartitsisutit tamakkiisumillu takunnissinnaassuseqartutit
• Allaffissornermi sulianik tigusisinnaasutit qarasaasiarsorsinnaasutillu
• Pisortap peqannginnerani pisortatut suliassanik suliaqarsinnaasutit
• Perorsaanermik ilisimasannik misilittakkannillu sulisunut angajoqqaanullu avitseqatiginnissinnaasutit, allattariarsorluni oqaasiinnakkulluunniit.
• Suliffiup iluani avataanilu suleqatigisat assigiinngitsunik suliallit suleqatigisinnaanerat
• Oqaloqatiginninnerit nuannersut aammali ilungersunarsinnaasut ingerlassinnaassagitit
• Marluinnik kalaallisut danskisullu oqaaseqarneq iluaqutaassaaq

Tasiilami pinngortitaq kusanarluinnartuuvoq, assigiinngitsorpassuarnik misigisassarsiorfiusinnaasoq, soorlu pisuttuarneq, piniarneq, aalisarneq, qimusserneq allallu. Illoqarfik timersortarfeqarpoq, sungiusartarfeqarluni, arsaattarfeqarluni, majuartaatitalimmik sisorartarfeqarluni, pisiniarfiit, atuarfik, meeqqanut anginernut sunngiffimmi ornittagaq soorunalumi aamma meeqqeriviit.

 

 

Atorfik pillugu paasisaqarnerorusukkuit attavigisinnaavat:

Annertunerusumik paasisaqarusukkuit aqutsisoq: Gine Sø Madsen attavigisinnaavat uunga oqarasuaat 367891 imaluunniit e-mail: gsma@sermersooq.gl

 

 

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Pinerluuteqarsimannginnermut meeqqanillu pinerliisimannginnermut uppernarsaatit piumasarineqarput. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat Rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq isumaqatigiissutigineqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:

Namminersorlutik Oqartussat, NPK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu,akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misilinneqarfiligaavoq.

 

 

Inissaq:

Atorfimmut atatillugu inissaqartitsisoqarsinnaavoq, tassungalu qularnaveeqqummut ineqarnermullu, atuinermut il.il akiliisoqartassaaq, matumanilu Kalaallit Nunaanni Namminersorlutik Oqartussat kommunillu illuutaannut il.il tunngatillugu ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisarneq pisassalluni. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il il qulaani taaneqartoq innersuussutigalugu akiliuteqartoqassaaq. Ineqarnermut, tassunga ilanngullugu atuinermut tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl

Sulisumut inissaqartitsilersinnaaneq apeqqutaatillugu atorfininnissamut piffissaliussisoqassaaq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

 

 

Qinnuteqaat:

Qinnuteqaat qulequtserlugu Atorfiup ilisarnaataa 890-22-mik, ilinniagaqarsimanermut uppernarsaat siornatigullu sulisimanermik uppernarsaatit qinnuteqaammut ilanngullugit, qinnuteqaateqarnissamut piffissaritaasup qaangiutinnginnerani qinnuteqartoqassaaq.

 

 

Imatut qinnuteqassaatit:

Atorfik qinnuteqarfigerusutat takugukku , uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

 

Qinnuteqarnissamut killissarititaasoq: decembarip 23.-at, 2022

Atorfik una qinnuteqarfigiuk