Gå til hovedindhold
167

Dette jobopslag er udløbet

Royal Arctic Line A/S Ilulissat umiarsualivimmi pisortassarsiorpoq

Aaliangiineq akisusussaaffimmillu tigusineq nuannaraajuk? Taava immaqa illit Ilulissani umiarsualivimmi pisortassarivatsigit.

 

Ilulissani umiarsualivimmi erngertumik atorfinissinnaasumik namminersorsinnaassusilimmik iliuuseqarsinnaassusilimmillu umiarsualiviup pisortassaanik pissarsiorpugut, atorfinittussaq suliffeqarfimmi pissanganartumi nutaaliaasumilu sulerusussuseqassaaq tassanilu ullormiit ullormut suliassat allanngoraannaavissuupput.

 

Umiarsualivimmi pisortatut ulluinnarni ingerlatsiniarnermi aqutsisuussaatit kiisalu umiarsuaatileqatigiiffiup Ilulissani sassartitarissallutit.

 

Suliat makkuunerussapput:

  • Allaffissornermi suliassat, tassanilu ilaapput: assartuinermut allagartalersuinerit, assartuinermut akileeqqusinerit, akissarsianik nalunaarutiginninnerit sulisunik aqutsineq
  • Terminalip ulluinnarni ingerlanerani akisussaasuuneq
  • Royal Arctic Linep umiarsuaataanut umiarsuarnullu allanut kiffartuussinerit
  • Atuisunik kiffartuussinerit
  • Umiarsualivimmi oqartussaassuseqarneq
  • Umiarsuaataatileqatigiiffimmi pingaartinneqartut Suleqatigiinneq, Ukkataqarneq, Kinguneqartitsineq aqutsiniarninni immikkoortortaqarfigisannilu kajumissaaniarninni atortinneqarnissaat

 

Illit ilinniarsimasallu
Inuttut piginnaasatit
Naatsorsuutigivarput imarsiornerup allaffissornerulluunniit iluani ilinniarsimasuunissat misilittagaqarnissalluunniit. Aqutsinermik misilittagaqassaatit. IT-nik atuisinnaavutit. Tulleriiaarisinnaassuseqarputit. Kalaallisut qallunaatullu oqaaseqarputit tuluttullu paasisinnaallutit.

 

Inuttut piginnaasatit
Aqutseriaatsit aaliangersimasuuvoq anguniagaqarsinnaassusilik kiisalu sulisunnut maligassiuisuuvutit kaammattuisuullutillu. Ammasumik tatiginartumillu oqalussinnaavutit nuannerpallaanngitsunilluunniit aaliangiussassaqartoqaraangat. Ilikkajasuuvugtit allannguutinut nalimmassarsinnaassuseqarlutit ulapaarfimmilu sulisinnaassuseqarlutit. Suliassanik ingerlatitseqqissinnaassuseqarputit suliallu ingerlanerinut malinnaasinnaassuseqarlutit.

Erngertumik iliuuseqarsinnaassuseqarputit – naammassisassanullu ukkataqarsinnaassuseqarlutit. Ajornartorsiutinik nalaataqartillutit aaqqiissinnaassuseqarputit. Attaveqartariaatsit patajaatsuuvoq paasiuminarlunilu.

 

Neqeroorutigisinnaasagut
Suliffeqarfimmi soqutiginarluinnartumik avatangisigissaartumi – sulisugissaartumi unammilligassartalimmilu atorfininneq. Piginnaasatit aallaavigalugit akissarsiat atugassarititaasullu naapertuuttut. Suliffeqarfimmi nukittuumi aqutsinermi sulisunillu ineriartortitsinermi pitsanngorsaanermilu ukkataqartumi atorfininneq.

 

Pinerlussimannginnermut allagartaq
Qinnuteqartut tamarmik pinerlussimannginnermut allagartamik naammaginartumik takutitsissapput.

 

Sukumiinerusumik paasissutissat
Atorfik pillugu sukumiinerusumik paasisaqarusukkuit Regionshavnechef Magseranguaq S. Albinus, uunga +299 89 49 40-imut saaffigineratigut.

 

E-mailikkut qinnuteqaatinik tigusineq ajorpugut, nittartakkatsinniit qinnuteqassaatit.


Atorfinissaq: Erngertumik

Qinnuteqarfissap kingulleq: augustip 28-at 2022

Qinnuteqaatit: ingerlaavartumik suliarineqassapput

Oqaloqatiginninnerit: Nuummi ingerlaavartumik ingerlanneqassapput

 

Atorfik ugguuna qinnuteqarfigiuk