Gå til hovedindhold
171

Dette jobopslag er udløbet

Katuaq aningaasaqarnermut allaffissornermullu sulisussarsiorpoq

Naatsorsuuserinermik misilittagaqarluarpit? Assigiinngisitaartunik ulloqarlutit ulapaarfiusumi suliannullu sunniuteqarluarlutit sulineq nuannaraajuk? Suleqatitillu pikkorissut peqatigalugit Katuamik ineriartortitseqataarusuppit? Taamaappat suleqatigiinni illit amigaatigaatsigit.

 

Aningaasaqarnermut allaffissornermullu pisortaq pisortaralugu aningaasaqarnermut immikkoortortami naatsorsuusiornermut akisussaasuussaatit. Suliassat assigiinngisitaassapput immikkoortortallu allat suleqatigalugit namminneerlutit sulisinnaassallutit. Suliassatta suliarineranni aningaasaqarnikkullu atuuffimmi sullissineq pitsaasoq qulakkeerniarlugu Katuami tamarmiusumi attaveqassaatit.

 

Suliassat:

  • Katuami ullormut kaaviiaartitanik ataavartumik naatsorsuineq
  • Naatsorsuinerit tamarmik, ilanngullugit nalikilliliinerit nioqqutissaatillu tigummisat, akiligassaqarfinnut akiliinerit nikingasoornaveersaartitsinerillu. Pisassanik akiliinerit ataavartumik ingerlanneqartassapput
  • Akiligassalinnik naatsorsuineq, akiligassaannik nassiussineq nikingasoornaveersaartitsinerlu kiisalu qaammatit tamaasa akileeqqusilluni allagaqarnerit
  • Akiligassaqarfinnik, akiligassalinnik, aningaasarsianik bankimilu kontonik tamanik qaammatikkaartumik nikingasoornaveersaartitsineq
  • Kortimik akiliinernik assigiinngitsunik nikingasoornaveersaartitsineq
  • Akiligassanik sapaatit akunneri tamaasa nassiussineq
  • Akunnermut/qaammammut aningaasarsianik nalunaarsuineq nikingasoornaveersaartitsinerlu
  • Akunnermusialinnut qaammammusialinnullu aningaasarsititsineq
  • A-mut akileraarutinik akiliineq
  • Katuap kontuinik ataavartumik nikingasoornaveersaartitsineq
  • Ullormusiassanik akissarsiassanillu akiliineq, ilanngullugit aaqqissuussinernik assigiinngitsunik naatsorsuineq
  • Qaammammut isertitat akiligassallu assigiinngissutaannik aningaasaqarnermut allaffissornermullu pisortamut tunniussineq, kingusinnerpaamik qaammammi ullut qulinganni
  • Illumi aningaasat immikkoortortaniittut ataasinngornerit tamaasa misissornissaat
  • Toqqorsineq
  • Ilitsersuutinik ataavartumik iluarsiineq
  • Naatsorsuutinut immersugassanik assigiinngitsunik immikkoortortanut tunngassuteqartunik ataavartumik nutarterineq
  • Suliassat assigiinngitsut aningaasaqarnermut allaffissornermullu immikkoortortami nalinginnaasumik suliarineqartartut

 

Ujartorparput:
Naatsorsuutinut tunngasumik naleqquttumik ilinniagaqassaatit minnerpaamillu atorfimmit assingusumit ukiuni marlunni misilittagaqarlutit. Suliaqarfinni alapernaatsuuvutit suliassaqarfimmilu ineriartornissannut nutaanillu piginnaasaqalernissamut soqutiginnillutit. Suliassatit pitsaasumik naammassinissaat pingaartippat ilutigitillugulu aaqqissuussaanermik pilersitsillutit akisussaaffimmillu tigusillutit. Ilisimasanik suleqatinik avitseqateqarneq pingaartutut isigaat, kiisalu attaveqarnermik suleqatigiinnermillu pilersitsillaqqillutit.

 

Piginnaasat naapertorlugit aningaasarsianut atorfeqarnermullu atugassarititaasut aalajangersarneqassapput.

 

Atorfinitsitsineq 1. aggusti sukkanerpaamilluunniit.

Soqutiginnittut attavigisinaavaat aningaasaqarnermut allaffissornermullu pisortaq Thora Ludvigsen oqarasuaammut 55 63 04-mut imaluunniit e-mailimut: thl@katuaq.gl.

Qinnuteqaat, piginnaasat pillugit paasissutissat kiisalu imminik pilluni saaffigisassat ilanngullugit e-mailimut uunga nassiunneqassapput: thl@katuaq.gl.

Qinnuteqarnissamut killissarititaq tassaavoq ulloq 24. juuli 2022.

 

Katuaq pillugu
Katuaq inuussutissarsiutinik ingerlatsisutut aningaasaateqarfiuvoq, Kalaallit Nunaanni kulturip illorsua aallaavigalugu nunatsinni nunattalu avataani kulturikkut avitseqatigiittarneq suleqatigiinnerlu piorsarneratigut kalaallit kulturiannik nittarsaassinissamik suliaqartoq. Katuaq nammineq filmertarfimmik cafémillu ingerlataqarpoq, soorlu aamma ataatsimiittarfeqartoq ataatsimeersuartarfeqarlunilu. Katuaq kulturip silarsuaani peqatigiiffinnik, suliffeqarfinnik, kattuffinnik inunnillu ataasiakkaanik kulturi pillugu suleqaterpassuaqarpoq. Katuaq Namminersorlutik Oqartussanit Kommuneqarfik Sermersuumillu aningaasaliiffigineqartarpoq. Taakkua saniatigut Katuaq aningaasanik tapersiisartoqarpoq, sinerissami assigiinngitsunik kulturimut tunngasunik aaqqissuussinernut tapiisartunik.