Find job
Dette jobopslag er udløbet
Atugarissaarnermut pisortaq Maniitsoq
Qeqqata Kommuniani Maniitsumi Atugarissaarnermut pisortatut atorfik inuttassarsiorneqarpoq
Qinnuteqarfissaq kingulleq:
10. august 2022
Sumiiffik/Pisortaqarfik:
Maniitsoq
Sivisussuseq:
Tamakkiisumik
Atorfininnermi ulloq:
1. september 2022
Akissarsiat:
ASK aallaavigalugu lønramme 38
Atorfininneq isumaqatigiissutillu
Qeqqata Kommuniani Maniitsumi Ilaqutariinnermut pisortatut atorfik inuttassarsiorneqarpoq.
Atorfik allaffissornikkut Maniitsumi inissisimavoq, Kommunimilu Atugarissaarnermut pisortaasup ataani aaqqissuussaanikkut inissisimalluni. Maniitsumi kommunip allaffissuani sulisut 190-it missaaniipput, taakkunannga 27-t ilaqutariinnermut pisortap immikkoortortaaniillutik, makkuusuni: allatseqarfik, ilaqutariinnut immikkoortortaqarfik, ikiorsiisarnermut immikkoortortaqarfik, utoqqarnut immikkoortortaqarfik aamma innarluutilinnut immikkoortortaqarfik. Maniitsumi Ilaqutariinnermut Immikkoortortap ataani suliffeqarfiit, soorlu ilaqutariinnut kiffartuussivik, utoqqaat angerlarsimaffiat, angerlarsimaffimmi ikiortit, najugaqatigiiffiit, innarluutilinnullu sannaviit ilanngullugit sulisut 163-it missaanniipput.
Suliassat akisussaaffiillu kiisalu Atugarissaarnermut pisortap suliassai pingaarnerit:
- Immikkoortortami ulluinnarni ingerlatsineq aqutsinerlu
- Immikkoortortami missingersuutinik aningaasaqarnermillu malitseqartitsinermik nakkutilliineq kiisalu missingersuutit aningaasaliissutitigut killiliussat iluiniinnissaat, sukangasuumillu aningaasaqarnermik aqutsinissap qulakkeernissaa
- Innuttaasunut sullissinerup nukittorsarneqarnissaanut, nutarterneqarnissaanullu oqallissaarutigalugu saqqummiussaliorneq iliuusissatullu pilersaarusiorneq
- Ilaqutariinnermut Immikkoortortap iluani innuttaasunik sullissinermi ullutsinni piumasaqaatit naapertorlugit sulisut ilinniarteqqissallugit ineriartorteqqissallugillu.
- Sulisut pitsaasumik atugassaqartitaanissaat qulakkiissallugu.
- Sulisut suliassaminnik naammaginartumik suliarinnissinnaanissaat pillugu paasissutissat pisariaqartut takoriaannaasinnaanissaannut illup iluani paasissutissiiveqarnissaa qulakkiissallugu
- Immikkoortortami allannguutit pillugit innuttaasut ataavartumik paasissutissinneqartarnissaat qulakkeerumallugu illup avataanut paasissutissiisarnissaq qulakkiissallugu
- Ilaqutariinnermut ataatsimiititaliap oqaluuserisassaannik innersuussusiortarneq
- Kommunimi suliniutigineqartuni suleriaatsinik nutaanik atuutsilersitsineq, assersuutigalugu ilaqutariinnik isumasioqatigiisitsineq, meeqqanut suliniutit il.il.
Piginnaasassat:
· Isumaginninnermi Siunnersortitut ilinniarsimanissaq saniatigullu ilinniaqqissimagaanni aamma iluaqutaassalluni
· Pisortatut ammasumik ersarissumillu aqutsisuusinnaasutit
· Siornatigut suliffigisimasanni aqutsisutut misilittagaqassasutit
· Aalajangiisinnaassuseqassasutit
· Sulisunik kajumissaarisinnaassuseqassasutit
· Kommunimi missingersuutinik naatsorsuutinillu aqutsinermik misilittagaqassasutit
· Politikkikkut aqunneqartumik suliffeqarfimmi sulinermik ilisimasaqarlutillu misilittagaqassasutit.
Neqeroorutigisinnaavarput:
- Suliffik pissanganartoq unammillernartorlu
- Suliffeqarfik uummaarissoq ulluinnarni unammillernartorpassualik
- Suleqatit amerlasuut pitsaasut suleqataalluartut
- Illup avataani iluanilu suleqateqarneq
Ilaqutariinnermut pisortaq Atugarissaanermut pisortaq qaninnertut qullersarissavaa, kommunimilu pisortaaqatigiinni ilaasortaalluni.
Akissarsiat atorfeqarnermilu atugassarititaasut
Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
Meeqqamik pinerliisimannginnermut uppernarsaat
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerliisimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik meeqqanik pinerliisimannginnermut uppernarsaammik naammaginartumik kommunimi naalagaaffiup politiivinit pissarsereerpat, aatsaat atorfinittoqarsinnaasoq erseqqissaatigineqassaaq.
Meeqqanik pinerliisimannginnermut uppernarsaammik aamma pinerlussimannginnermut uppernarsaammik Qeqqata Kommunianit pissarsiariniarneqartumik naammaginartumik peqartoq atorfinitsinneqassaaq.
Inissaqartitsisoqarsinnaavoq, malittarisassallu atuuttut naapertorlugit akilersorneqassalluni.
Piaartumik, isumaqatigiissuteqarnikkulluunniit atorfinitsitsisoqassaaq.
Atorfik pillugu paasissutissat annertunerusut, kommunimi Atugarissaarnermut pisortamut Martha Lund Olsen-imut, oqarasuaat (+299) 86 73 03-imut imaluunniit e-mail: mlol@qeqqata.gl-imut saaffiginninnikkut pissarsiarineqarsinnaapput.
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik 2022-imi augustip 22-iani tigoreersimassavarput.
Qinnuteqaat uunga nassiunneqassaaq:
Qeqqata Kommunia
Sulisoqarnermut immikkoortortaq
Postbox 1014
3911 Sisimiut
E-mail: job@qeqqata.gl
Web: www.qeqqata.gl