Gå til hovedindhold
167

Dette jobopslag er udløbet

AQUTSISOQARFIUP ALLATTOQARFIANUT PISORTAMIK PISSARSIORNEQ

Nukissiorfiit niuerpalaartumik unamminarluinnartumik inerisaruttorpoq, taamaalineranili aningaasartuutinik atorluaanikkut piuaannartumillu inerniliineq atuisartunut iluaqutissanngorlugit suliarileruttorpavut. Tamatumani nukissiuuteqarnikkut pilersuinermi inerisaaqqinneq qaffassaanerlu ingerlaruttorpoq, imermik kuuginnartumik imigassamik pilersuinermi qitiusumik pingaartitat anguniagalersuinermilu anguniakkat pitsaassutsimik qaffasissumik inornartunik sinaakkusiorlugit aaqqissuussat inissitsiteruttorlugit.

Aqutsisoqarfiup allattoqarfiani pisortap piginnaanerissavaa nutaamik eqqarsarsinnaaneq allattoqarfiullu suliassartaatigut atuuffia nukittorsassassallugu tamannalu Nukissiorfinnut aammalu suliffeqarfiup sinneranut kalaallillu inuiaqatigiinnut tunngatinneqassalluni.

 

Suliassatut pingaarnerit tassaapput
Aqutsisoqarfiup allattoqarfiata pingaarnerpaamik suliassaa tassaavoq Nukissiorfiit pisortai suliunutaasigut tapersiillunilu sullissallugit, taamaalilluni pisortat tunngavissineqassammata ajunnginnerpaamik atugaqarlutik suliffeqarfik tamaat aqussallugu. Aqutsisoqarfiup allattoqarfia qulakkeertussaava Nukissiorfiini suliassat aamma suliffeqarfiup iluani sullissinermi suleqatinullu avataaniittunut minnerunngitsumik Namminersornerusunut ingerlaatsit sunniuteqarluarnerpaamik eqaatsumillu qulakkeerneqassasut, paasissutissiisarnerullu ingerlarna nukittorsarneqassasoq.

Aqutsisoqarfiup allattoqarfia pisortanut attaveqarnermi suliassat nakkutigivai, illup iluani aamma avammut attaveqaqatigiinneq. Tamatumani ilaapput suliassarpaalussuit soorlu pisortanik sullissineq, ataatsimiinnernik pilersaarusiorneq, suliassanik sullissineq aammalu suliassat ingerlaartut aqunneri, §37 atorlugu apeqquteqaatit, tusarniaanerit, allattoqarfittut suliassat, ataatsimiinnermi imaqarniliat, pisimasunik nassuiaatit, inerisaanermik suliassat, attaveqaqatigiinneq aamma tusagassiuutitigut suliassat kiisalu suliffeqarfik akimorlugu ataqatigiissaarinikkut suliassat.

Suna naatsorsuutigisinnaaviuk?

Immikkoortortaqarfiaqqami suleqataalissaatit, suliffiaraq imminut nassaareqqilersoq. Tamanna pissutigalugu aqutsisoqarfiup allattoqarfia ingerlaasiatigut sunneeqataaffigisinnaavat. Aqutsisoqarfiup allattoqarfiata pisortaa pisortaqatigiinni ilaavoq, Nukissiorfiullu direktørianut toqqaannartumik atatinneqarluni, aallaavittullu isigalugu direktionip suliassaataannik suliaqartarluni.

 

Suliami tamatumani aqutsisoqarfiata allattoqarfia nunap immikkoortuini pisortaasut qanimut attaveqarfigivai suleqatigalugillu aammalu immikkoortortani pisortaasut qullersaqarfimmilu suleqataasut, suliassaasullu amerlasuutigut suliffeqarfimmut tamarmiusumut attuummassuteqartarlutik.

Aqutsisoqarfiup allattoqarfia aamma ilanngullugu eqqarsaatigineqarsimavoq tapertaallunilu ataqatigissaassagai suliffeqarfiup projekt`iutai, tamatumani immikkut ikorfartussallugu Nukissiorfiup pilersaaruteqarnikkut anguniagai nukissiuuteqarnikkut aammalu imermerik pilersuinermi.

Pisariaqarluinnarpoq paasissutissiillaqqinnissat, avatangiisinut kajumissaarillaqqitutit kinguneqarluartumik suleqatigiinnikkut suliaqarlutit aamma misilittagaqarsinnaavutit naalakkersuisoqarfimmiit, aqutsisoqarfimmiit aamma imalunniit pisortanit allanit.

Projekt`iutitsinni siuarsaanissamik qulakkeerinninnissat ilanngullugu pingaartipparput, taamaalillutik suliffeqarfitsinni sorlanilluarlutik ikkunniassammata, aamma pingaartipparput suliassani tigussaasuni illit peqataalluarnikkut nammineq ilisimasatit misilittakkatillu atorluartassagitit, aamma pingaartipparput immikkoortortaqarfitsinni naliginnaasumik ilisimasanik paasissutissiisarnissat akisussaaffigissagit, kiisalu ilanngullugu piviusumik suliat allattorneqartassasut kingusinnerusukkut atortariaannaanngorlugit.

 

Piginnaaneqarfigisassatut ilinni ujartukkavut
·Ingerlaqqeriartumik naleqquttumik ilinniarsimanissat aamma nukissiuutitigut anguniagaqarnermi sulinissannut kajumissuseqarnissat
·Nukissiorfiit suliassaataannut annertuumik ilisimasaqarnissat
·Naliginnaasumik tamalaamillu piginnaaneqarnissat, suliffimmi aaqqissuussinermi paasinnittuunissat naalakkersuisunullu sullissinermi misilittagaqarnissat
·Tusagassiortunik suleqateqarlutit misilittagaqarnissat
·Siumut isigaluni pilersaarusiornermik atorfissaqartitanik takunnillaqqissuseq suliassanillu amerlasuunik takkuttuaannartunillu passussillaqqinnissat naak ulluinnarput ulapaarfiusoq
·Sammiviit suulluunniit atorlugit suliffeqarfiup iluani aqutsillaqqissoq
·Pisuussutit nukittuffigigitit, suleriallaqqittutit, ulluinnarni ingerlatsinermi aalajaatsuunissat avatangiisinilu suliamik ilinniarsimasuni peqaataalluartuusutit

Pitsaaqutaasinnaavoq arlalinnik oqaaseqartuuguit, kalaallisut, tuluttut aamma qallunaatut oqaaseqaruit.

Sukkanerpaamik sulilernissat naatsorsuutigineqarpoq

 

Atorfininnermi atugassarititaasut
Akissarsianut atorfininnissamullu tunngasut isumaqatigiissut naleqquttut atortuusorlu najoqqutaralugu ingerlanneqassapput. Qaammatini pingasuni misiliutaasumik atorfeqassaaq.

Atorfimmut tunngatillugu inimik pequtitaqanngitsumik neqeroorusuppugut malittarisassat atuuttut naapertorlugit. Suliffiit aqqutigalugu ineqareeruit Namminersornerusuni atorfeqarnikkut, taava tigummiinnarsinnaavat inigisat.

Sulilernermi soraarnermilu angalaneq akeqanngitsoq ilaavoq malittarisassat atuuttut naapertorlugit.

Suleqatissarivatsigik?
Taava qinnuteqaatit ”atorfik qinnutigiuk”-kkut sukkanerpaamik qinnuteqarit.

Atorfiup imarisai atuuffiilu pillugit apeqqutissaqaruit taava Nukussiorfiit direktøriunera Cicilie Senderovitz oqarasuaammi +299 349501 attavigiuk. Akissarsiat atorfeqarnermullu tunngasut naliginnaanerusut uunga nassiunneqarsinnaapput hr@nukissiorfiit.gl

Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Tamanna pillugu annertunerusumik atuarit uani www.nukissiorfiit.gl.

Qinnuteqarnissamut killissarititaasoq: juunip 19.-at, 2022

ATORFIK UNA QINNUTEQARFIGIUK