Atuareernerup kingornga ornittagaq Miniklub atuartunut 1. – 3.-nut atuareernerup kingornga paaqqinnittarfiuvoq 180-inut inissaqartoq, maanna isersimasut 132-iugallarput, meeqqanut 6-niit 9-nut ukiulinnut ornittagaalluni. Sulisut maanna 16-iuvugut 18-iusussaagaluarluta, ima agguataarneqarsimasut: Pisortaq, tullersorti, perorsaasut tallimat, meeqqerisut-/isumaginninnermi ikiortit tallimat, ikiortit arfinillit asaasoq ilanngullugu.

Atuareernerup kingornga ornittaqaq ammasarpoq nal. 7.00-imit 17.00-mut. Qinngutsinni Hans Lyngep aqq 12 A-mi inissisimalluni.

Perorsaasutut ilinniarsimasuussaatit, kiisalu meeqqanik sullissinissamut soqutiginnittuusariaqarputit. Suliannut ilisimannippalaartumik periuseqarlutit, inissaqartitsillutit allanngornissamullu piareersimallutit. Meeqqanut tusarnaarsinnaassuseqarlutit. Meeqqat pisariaqartitaat aallaavigalugu pilersaarusiorsinnaassuseqarlutit. Uummaarillutit suleqataalluartuunissat suliffiullu nuannersuunissaanik pingaartitsillutit anguniarnissaanut peqataallutit suleqataanissat.

AKO-mi sulinermi ilaavoq meeqqat Hans Lyngepp atuarfiani atuarnerisa nalaani AKO-mi sulisut peqataatinneqartarnerat, peqataatitsinermi suliassaavoq meeqqap pitsaasumik atugaqarnissaa eqqarsaatigalugu AKO-mi sulisup isumagissagaa. Taassumalu saniatigut upernaakkut atualertussat februar marts-imiit siusinaartumik AKO-nut isertinneqartarnerat, taamaattumillu August-imi atualernissaata tungaanut meeqqerivimmiut immikkut AKO-mi aamma paaqqutarissallugit.

Naatsorsuutigaarput illit:

• Perorsaasutut ilinniarnikuusimassasutit
• Inimi aqutsisinnaassuseqartutit
• Meeqqanut inatsisit, FN-illu meeqqanut pisinnaatitaaffii maleruarneqarnissaannut qulakkeerinneqataasinnaasutit
• Ukiumut perorsaanikkut anguniakkanik ingerlaavartumik aallusseqataasinnaasutit
• Meeqqanut, sulisunut angajoqqaanullu suleqateqarluarsinnaasutit
• Sungiussiasuusutit aalajaatsuullutillu
• Qinnuteqartut marluinnik oqaasillit (kalaallisut/qallunaatut) piumaneqarnerupput 

Neqeroorutigaagut:

• Perorsaariaatsinik ineriartortitsinermi unamminartumik sulineq
• Atuarfimmi suleqateqarluarnerput
• Pinngortitaq qanillugu sammisassat nuannersut aallunneqartarneri
• Sulisut qiimasut
• Illu nutaaq
• Suliffimmut atatillugu inissaq

Meeqqerivinnut Immikkoortortaq meeqqerinermut aqutsisoqatigiinnullu naleqqussakkanik pikkorissarnernik ingerlaavartunik neqerooruteqartarpoq. 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup nr. 13/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.