Gå til hovedindhold
194

Dette jobopslag er udløbet

Tusass søger afdelingsleder til 1.Line i Kundeservice

Tusass Atuisunik Sullissivimmi 1. Linemi immikkoortortamut aqutsisussarsiorpoq

 

Suleqatigiinni inuusuttuni, nammineertuni ulapporissuni siuarsartuartunilu, suliassallu aaqqiissutissaannik ikioqatigiilluartartuni suleqataassaatit.

Sullitatta tamatigut nuannersumik misigisaqartinneqarnissaat anguniagaraarput.

 

Tusass sulinissamut kajumissisitsisumik ammasumillu Atuisunik Sullissivimmi 1. Linemi immikkoortortamut aqutsisussarsiorpoq. Immikkoortortaqarfimmi innuttaasunik sullissinermik siunnersuinermillu akisussaaffeqartumi suleqataalissaatit. Suleqatitit peqatigalugit atuisunik sullissinerput suli pitsaanerulersitseqataaffigissavat.

 

Atorfimmut tunngasut:
Illit akisussaaffigissavat Atuisunik Sullissiviup ineriartortinneqartuarnissaa, sullitatsinnik sullissinitsinni siunnersuinitsinnilu pitsaassuseq tamatigut pingaarnerpaatittuaannarlugu. Tamatuma saniatigut immikkoortortaqarfinnik Atuisunik Sullissiviup ulluinnarni suleqatigisaanut suleqatiginninneq pitsaasoq sunniuteqarluartorlu qulakkiissavat.

Atuisunik Sullissiviup ammasarfi naapertorlugit piffissat suliffiusussat allanngoralaartarsinnaapput.

 

Suliassatit pingaarnerit

  • Suleqatigiinnik ulluinnarni aqutsineq
  • Saaffiginnittunik sullissinermut suleqataaneq
  • Sulisunik ineriartortitsineq sulinermilu avatangiisit pitsaasuutinnissaat
  • Suliamik ilisimannilluartumik qiimasumillu sullissinerup qulakkeernissaa
  • Sulisut qaqugukkut sulinissaannik pilersaarusiorneq, sulisussarsiorneq allaffimmilu suliassat allat suliarinissaat
  • Tusassip Atuisunik Sullissivianik ineriartortitseqataajuarnermut peqataaneq

 

Atuisunik Sullissivimmi pisortaq qullersarissavat.

 

Piginnaasatit:
Sullitatsinnik sullissinerup siunnersuinerullu suliamik ilisimannilluartumik ingerlanneqarnissaa pingaartilluinnarparput – taamaattumillu pingaaruteqarpoq:

·      Pitsaasumik sullisserusussuseqartuunissat

·      Ammasuunissat

·      Sulerusussuseqalersitsisinnaanissat nuannaartuunissallu, aamma ulapinnitta nalaani

·      Inuit pissusilersuutaannik maluginnissinnaassuseqartutit

·      Nukissaqarluarpasittuusutit sullitatsinnillu nuannarinnippasittuusutit aamma suleqatinnik suleqateqarninni

·      Naatsorsuutigaarput aqutsinermik atuisunillu sullissinermik misilittagaqartuusutit

·      Kalaallisut, qallunaatut ajornanngippallu tuluttut oqalussinnaasutit

·      Ajornanngippat IT-mik suliaqarnermik tunuliaqutaqartutit.

 

Neqeroorutigaagut:
Suliffik pissanganartoq ulluinnarni unamminartunik ulikkaartoq, suleqatit suliaminnut piukkunnarluartut akornanni avatangiiseq ulapiffiusoq.

Sulianut inuttullu ineriartornissamut periarfissaqarluarpoq.

Piginnaasat naapertorlugit akissarsiaqartitaaneq.

 

Atorfik pillugu allanik paasisaqarusukkuit, tikilluaqquatsigit Atuisunik Sullissinermut pisortaq Debora K. Blytmann 531785-imut attavigeqqullugu imaluunniit allaffigeqqullugu ugguuna dkt@telepost.gl

 

Qinnuteqarneq: https://www.tusass.gl/atorfiit/job/?id=2021-11-03 aqqutigalugu qinnuteqarit.

 

Qinnuteqarnissamut killiliussaq:
31. decembari 2021