Gå til hovedindhold
120

Dette jobopslag er udløbet

Royal Arctic Line A/S Nuuk First Level IT-supporterimik pissarsiorpoq

Teknologi nutaaq pillugu alapernaatsuuit? Sullisserusussuseqarpit, qiimasuullutit aammalu suliassarpassuit ataatsikkut aallussinnaavigit qiimanerillu attatiinnarlugu?

IT-supporteritut sulilerusuppit, ulluinnarni suliassatigut nikerarfiusumi kiisalu suliassat ilutigalugit ineriartornissamut periarfissaqarluartumi? Taava immaqa illiuvutit suleqatigiligassarput!

 

IT-supporteritut suliassat IT-mut tunngassutillit tamaasa, nunami umiarsuillu talisimanerini imaluunniit ungasianiit sullississutit atorlugit suliaq ingerlanneqartassalluni.. Taakku saniatigut atuisutsinnut patajaatsumik sullissisassallutit.

 

IT-qarnermut immikkoortortaqarfik ulluinnarni ingerlatsinermut attavilersorneqarnermullu tunngasunik umiarsuaatileqatigiiffiup umiarsualiviinik, umiarsuinik aammalu allaffeqarfinni Nuummi Aalborgimilu suliarinnittartuuvoq, saniatigullu immikkoortortaqarfik aamma IT-qarnikkut ineriartortitsinissaq siunertaralugu pilersaarusiornerni peqataasartuuvoq. Atortut assigiinngitsut atorpagut, kisianni siammasissumik isigalugu suliffeqarfiup iluani attaveqaateqarnermi Microsoft, Citrix, IBM, CISCO aammalu VMware atorneqarnerpaapput.

 

IT-supporteritut pissanganartumik allanngorartumillu suliffeqassaatit, pingaarnertut ukkataralugit ullormut aaqqitassat assigiinngitsut suliarinissaat, sullitanik naammagisimaarinnittunik, pitsaassutsimillu qaffasissumik angusaqarfiusussamik.

 

Suliassat pingaarnerit makkuupput:
·      Servicedesk aqqutigalugu oqarasuaatikkut orniguttunillu kiffartuussinerit
·      Suleqatit peqatigalugit atortunik ingerlatsinerit nakkutiginninnerillu aammalu atortorisatta ajutooqqanissaasa ingalassimaartinneqarnissaat
·      Systeminut tunngasut ilitsersuutit paasinartunngorlugit suliarineqarnissaat
·      Nalinginnaasumik suliffiup avataani nikerartumik vagteqartarnerit peqataaffiginissaat

 

Illit tunuliaqutillu
Piginnaasat
Naatsorsuutigaarput ingerlatsinermut, automatiseriinermut, hardwarenut, package upgradesinut, softwarenut atuutsitsilernernut, nuutitsinermut, malinnaanermullu ilisimasaqartuussasutit. Netværkinut, serverenut Microsoftikkullu teknologiinut ilisimasaqartuussaatit. Tulluartumik IT-mut tunngassusilimmik ilinniarsimasuussaatit. ITIL-imut tunngasunik ilisimasaqarneq iluaqutaasinnaavoq piumasaqaataananili. Sammisamut atatillugu tuluttut paasisinnaassaatit. Kalaallisut qallunaatullu oqaluttariarsornikkut allattariarsornikkullu attaveqarsinnaassaatit.

 

Inuttut piginnaasat
Ulluinnarni ulapaarfiusuni allanngorartuniliu pimoorussilluarlutit namminersorlutillu suliassarpassuit tigoorarsinnaassavatit. Kajumissuseqarluartuussaatit, Sammisannut atatillugu angusaqarluarumasuussaatit, sullisserusussuseqarlutit ammasuullutit qiimasuullutillu. Iliuuseeqarusussuseqartuuvutit, sullissilluarsinnaallutit, naatsorsorluarsinnaallugulu qaqugukkut sukkullu illit piginnaasavit suleqatiginninnissallu atorfissaqartinneqarnersut.

Aallartitsisinnaaneq, aallartitamillu naammassinnissinnaaneq pikkoriffigissavat.

Sullissinermi IT-lerinermillu misilittagaqarnissat iluaqutaassaaq.

 

Neqeroorutigaarput:
Suliffeqarfimmi pitsaasumi soqutiginartumi suleqatigiiffiulluartumi suleqatigiit aallussisut akornanni soqutiginartunillu unammilligassartalimmi atorfinitsinneqarneq. Aningaasarsiassat unammillersinnaasut atugassarititaasullumi allat piginnaasatit aallaavigalugit inissititserneqarsimasut. Suliffeqarfimmi nukittuumi aqutsinermik sulisunillu ineriartortitsinermik pikkorissaanermillu ukkataqartumi atorfininneq.

 

Paasissutissat allat:
Atorfik pillugu paasissutissanik sukumiinerusunik pissarserusukkuit Manager Parnûna Josefsen attavigisinnaavat oqarasuaat +299 34 91 66.

 

E-mailikkut qinnuteqaatinik tigusineq ajorpugut.

 

Atorfininneq: Sukkanerpaamik, isumaqatigiissuteqarnikkut.

Qinnuteqarfissaq kingulleq: oktoberip 14-at 2021

Qinnuteqaatit: ingerlaavartumik suliarineqassapput

Oqaloqatiginninnerit: ingerlaavartumik ingerlanneqassapput

 

Atorfik ugguuna qinnuteqarfigiuk