Gå til hovedindhold
131

Dette jobopslag er udløbet

NUKISSIORFIIT INGERLATSINERMUT SIUNNERSORTIMIK PISSARSIORPOQ

Innaallagiaq sarfaa sakkortooq, relæ-t aamma qamittaatit immikkut ilisimasaqarfigaagit? Inaallagissamik siaruarterineq aamma ingerlatitseqqineq, KLS aamma L-AUS tamaasa nalunngiligit? Taava Nukissiorfiit assut tusarfigerusuppaatsit!  

 

Nioqqutissiornermi ikiuisartunut immikkoortortaqarfik Nuummi Qullersaqarfimmiittoq innaallagissamik siaruarterinermut aamma ingerlatitseqqinnermut ingerlatitsinermut siunnersortimik pissarsiorpoq. Illit atorfissaqartippatsigit suliannut tunngatillugu katersuinermut, nalilersuinermut aamma allanut ingerlatitseqqinnermut ilisimasanik nutaanerpaamik pikkorissoq. Ujartugarput tassaavoq piukkunnartoq aallussilluartoq aamma suliatigut pikkorissoq attaveqaqatigiinnermut aamma allanut ilisimasanik ingerlatitseqqinnermut pikkorissuseqartoq. Suliniutitut aaqqissuussaasumik sulinermut pikkorissaatit kingusinnerpaamik suliassat naammassinissaanut killiussat malillugit aamma immikkuualuttortai ilanngullugit naammassillugit. Atorfimmi assingusumi misilittagaqarneq iluaqutaassaaq, kisianni aammattaaq iliniakkamik naammasseqqaatuusutit tusarfigerusuppatsigit.     

 

Suliassatit pingaarnerit tassaapput

 

  • Innaallagissamik siaruarterineq aamma ingerlatitseqqinneq pillugu oqartussaasuut attaveqartarnermut akisussaasoq
  • Innaallagissamik siaruarterinermut aamma ingerlatitseqqinnermut malitassanik nalinginnaasunik, periutsinik aamma ilitsersuutinik suliaqartarnermut akisussaasoq
  • Nukissiorfiit nioqqutissiornermut atortunit teknologiikkut ineriartortuarnissaannik qulakkeerinninneq
  • Nukissiorfiit ukununnga atortuinik KLS-A & KLS-D ataqatigiissaarineq
  • Ledninginik silaannakkoortunik ingerlatitseqqinnermut 132 aamma 60 kV-nik atorneqartunik pilersaarutaasumik misissuisarnernik ataqatigiissaarineq
  • Innaallagissamik siaruarterinermut atortunik atuutilersitsineq aamma aserfallatsaaliuineq Sertica aserfallatsaaliuinermut atortorput atorlugu.

Sulinermi misilittakkatit, ilinniagaqarnermi tunngavigisatit aamma suliatigut soqutigisatit apeqqutaatillugit periarfissaqarputit atorfimmi suliassat sunniuteqarfiginissaannut.

 

Suut naatsorsuutigisinnaavigit?

 

  • Suliffik pikkorissuseqarfiusoq aamma suliffeqarfimmi kulturi aallussiffiusoq
  • Atorfik pissanganartoq nammineersuutigalugu annertuumik nakkutigisaqarluni aalajangeeqataaffigisaqarfiusoq, kiisalu suliassat aaqqiissuteqarfiginissaannut sunniuteqarnissamut periarfissartalik
  • Sullivimmi avatangiisit aallussilluarfiusut, tassani illit suliatigut aamma inuttut ineriartornissamut periarfissaqarputit
  • Ataatsimoornermik pitsaasumik misigisaqarfiusoq, tassani uagut suliffimmik iluarisimaarinninneq aamma sulinermik nuannarisaqarneq qitiutillutigu.
  • Suliffeqarfimmi inissisimassaatit, tassani iluatsitsineq pikkorissuseqarneq aamma pitsaasumik suleqatigiinneq aqqutigalugit pilersinneqartarpoq. Tamatumunnga ilutigitillugu qilanaarisinnaavat suliffeqarfimmi sulisut annertuumik iluarisimaarinnittut akornanni suleqataalernissat – Kalaallit Nunaanni aamma Danmarkimi pitsaanerpaat akornanniippugut.

 

Illit ujartorpatsigit tassaasutit:

 

 

Allanik aammattaaq piginnaasaqaruit uagut suliffeqarfitsinnut tulluartunik taakku allaaserikkit. Pingaarnersaavoq suliassanut nutaanut piareersimanissat aamma unamminartunut nutaanut sapiutinngikkuit. Nukissiorfinni periarfissaqaqaaq suliatigut misilittagaqarnissaq aamma misilissallugu Kalaallit Nunaata nukissiornermut mingutsitsinngitsumut anngunnissaanut peqataanissaq.

 

Sulilernissaq sapinngisamik piaartumik imaluunniit isumaqatigiissuteqarnikkut.

Atorfeqartitaanermi atugassarititaasut

 

Aningaasarsiat aamma atorfinitsinneqarneq isumaqatigiissut attuumassuteqarfigisaq aamma attuuttoq naapertorlugu ingerlanneqassapput. Qaammatit pingasut misilitsiffiupput.

Atorfimmut atatillugu inissaq pequsersorneqanngitsoq neqeroorutigaarput maleruaqqusat atuuttut naapertorlugit. Namminersorlutik Oqartussani atorfeqartitaanerit aqqutigalugu atorfimmut atatillugu ineqartinneqaruit pisinnaatitaaffik taanna atuutiinnassaaq.

Atorfininnermut aamma suliunnaarnermut atatillugu angalanermut akiliussisoqassaaq maleruaqqusat atuuttut naapertorlugit.

 

Illit tassaavit suleqatissatut ujartugarput?

 

Taava qinnuteqaatit una aqqutigalugu ”Atorfik una qinnuteqarfigiuk” piaartumik nassiuguk.

Atorfimmi suliarisassat aamma sulerinissaq pillugit apeqqutissaqaruit taava nioqqutissiornermi siunnersuisarnermut pisortaq Jannik Kappel, uunga +299 522300 attaveqarfigiuk.  Aningaasarsiat aamma atorfeqartitaanermi  atugassarititaasut nalinginnaasut pillugit apeqqutit uunga hr@nukissiorfiit.gl nassiunneqarsinnaapput.

 

Nukissiorfiit pillugit

 

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Uagut pilluta annertunerusumik atuarit uani www.nukissiorfiit.gl.

 

Qinnuteqarnissamut killissarititaasoq: juulip 14.-at, 2021

ATORFIK UNA QINNUTEQARFIGIUK