Gå til hovedindhold
135

Dette jobopslag er udløbet

Campus kujallermi takonarialermi immik. atorfissarsiuussineq

Campus Kujallermi takornarialernermi immikkoortortami ilinniatitsisumik pissarsiorpugut
Campus Kujallermi ingerlaqqittumik ilinniakkanut sivikitsinut immikkoortortaqarfiup Sullissinermi aningaasarsiornermut – aamma takornarialerinermut ilinniartitsinermut ilinniartitsisussamik pissarsiorpoq.

Atorfik pillugu:
Ilinniartitsisup ingerlaqqittumik naatsunik ilinniartitsinerit ingerlanerani assinngiinngitsutigut atuartitsisarnissani ingerlatassavai.
Ilinniartitsineq kalaallisut, qallunaatut imaluunniit tuluttut ingerlanneqartassapput.

  • Takornarialerineq, sullissineq aamma sullissinermi ilusilersuineq
  • Kulturit assigiinngitsut sullinneqarnissaannik piginnaasaqarneq/kulturinut paasinittuuneq (sapinngisamik tuluttut)
  • Umiarsuarnut takornariartaassuarnut sullissinermi piginnaasaqarneq
  • Ungasissoq isigalugu pilersaarusiorneq, nassaassarsiortuuneq, nutaaliornerlu
  • Piujuartitsineq – atuagarsoneq tigussaasumillu takussutissiat
  • Suliffeqarfittut ingerlatsinemi attaaveqariaaseq & siammasissumik attaveqariaatsit (tuluttut)
  • Attaveqariaatsit aammalu angallassisartuunermi teknikkit (iliuutsit tulluarsakkat)
  • Aqqissuussanut angisuunut pilersaarusiorneq – aamma naammassillugu ingerlannera
  • Kiffartuussinermi nittarsaassinerit & Nutaaliat najoqqutarineqarnerat
  • Misigisassarsiornermut tunngatillugu aningaasarsiorneq, angallassinermi ilusilersuineq (neqerooriaatsit).
  • Kiisalu ilaatigut immikkoortortani allani atuartitsisarnissaq.


Naatsorsuutigaarput:

  • Atuartitsinissamut piumassuseqarluassasutit sapinngisamik takornarialernermi sullissaqarnermi sammiveqartumik ilisimasaqassasutit.
  • Minnerpaamik ilinniagartuutut bachelotut naammassisaqarlutit ilinniagaqarsimassasutit
  • Inuiaqatigiinnut kalaallinut ilisimasaqartuussasutit
  • Sullarissuussasutit aamma inuit akorniissinnaanermut piumassuseqartuussasutit


Neqeroorutigarput:

  • Suliffik ingerlalluartumik avatangiisilik suleqatillu piumassuseqarluartut
  • Ilinniarneq takornarialerinerup ineriartorneranut malinnaasoq suliffeqarfiit attuumassuteqartut aammalu nunarsuarmi takornariaqartitsiviit kattuuffiisa allattoqarfiat (DMO’er) attaveqarfigisarneratigut.
  • Atuartitsineq takornarialernerullu akornanni assigiinngiiaartunik suliaqartartoq.

Qinnuteqaatit nassiuguk, CV, ilinniarnernut- aamma pikkorissarnermut uppernarsaatit, kiisalu uppernarsaatit attuumassuteqartut una toorlugu “ Qinnuteqaatit nassiuguk / Send ansøgning”.
Qinnuteqaatit emailikkut nassiussat tiguneq ajorpavut.
Annertunerusumik paasisaqarusukkuit, uani takuuk Cak.gl imaluunniit ilinniartitaanermut pisortaq  Rie Oldenburg (ro@cak.gl)

Campus Kujallermi takornariaqartitsinermik immikkoortortaqarfik pillugu:
Campus Kujalliup takornariaqartitsinermi ilinniartitaanermut pingasunik neqerooruteqarpoq: Sullissinermi aningaasarsiorneq, Issittumi Takornarissanik angallassineq- aamma Misigisassarsiorluni Angallassisarneq. Sullissinermi aningaasarsiorneq ilinniaqqiffiuvoq ukiuni marlunni affarmillu sivisussusilik taassumalu annerusumik sammisarivaa takornariaqarnermi – aamma kiffartuussinermi suliffeqarneqarnerup inerisarneqarnissaa ingerlanneqarnissaalu. Issittumik Takornarissamut angallassisartut suliassaaraa illoqarfinni nunaqarfinnilu sammisaqarneq, Misigisassarsiorlinilu Angallassinerup tassaavoq silami pinngortitamlui (Outdoor)- ilinniarneq sammivigalugu isumannaallisaaneq qaqqamilu angallassineq. Taakku inuussutissarsiutitut ilinniarneqarsinnaasut tamarmik ukiup affaanik sivisussuseqarput. Angallassisartutut ilinniarnermut atuartitsinerit Qaqortumi ingerlanneqartarput aamma illoqarfinni allani Kalaallit Nunaanaata qeqqani avannaanilu ingelanneqarput.

Paasissutissat annertunerusut atuarfik / ilinniarneq pillugu nittartakkatsinnik www.cak.gl takuneqarsinnaapput.

Qinnuteqarfissatut killiliussaq tassaavoq 9/7 – 2021.
Atorfininnissaq pissaaq augustusip aallaqqaataani imalunniit isumaqatigiissuteqarnikkut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk