Gå til hovedindhold
128

Dette jobopslag er udløbet

Nunatsinni Peqqinnisaqarfimmi aningaasaqarnikkut aqutsinermi qaffasissumik ilinniagalik

Aningaasaqarnermi iliuusissatut siunniussani kinguneqarluartunilu immikkut ilisimasalittut Ilisimaneqarpit? Suleqatigiinnerlu piginnaaneqarfigilluarpiuk? Taamaassappat maani Aningaasaqarnermut Pisiniarnermullu immikkoortortami qinnuteqaativit tigunissaa qilanaaraarput.

Peqqinnissaqarfik ineriartuleruttortoq peqqinnissakkut sullissinermut neqeroorutinut Peqqinnissaqarfiullu pisariillisaaviginissaanut nukissanik pilersitsiviussaaq. Tamatumani Peqqinnissaqarfik ataatsimoornerusoq ataqatigiinnerusorlu immikkut ukkanneqarluni, pitsaassutsimik inerisaanissami iliuusissatut siunniunneqarumaartussat kiisalu aningaasartuutissatut missingersuutinik 1,6 mia. koruuniusunik aqutsinermut tunngatillugu paasilertoruminarsaanissaq, pingaarnertut pineqarput.

Tassani Peqqinnissaqarfiup anguniagassatut siunniussaasa ingerlatallu paasissutissartaasa, immikkoortortanut naapertuuttunngorlugit, Peqqinnissaqarfimmi nakorsaanermi immikkoortortani pisortat aalajangigaannik ikorfartuisinnaasoq pisariaqartipparput.

Aningaasaqarneq Pisiniarnerlu, Peqqinnissaqarfimmi qullersanut siunnersuisarfimmut 18-inik pimoorussisunik nammineersinnaassusilinnillu sulisulimmut ilaavoq. Immikkoortortaq Nuummiippoq sinerialli tamakkerlugu qitiusumik napparsimmavinni peqqissaavinnilu suliassaqartuarpugut.

Atorfimmi tamatumani suleqatitaassaq aningaasaqarnermut tunngasuni misissueqqissaarnermik piginnaaneqarluartoq aaqqisuussaanikkut inerisaanermik pilersaarusiornermillu piginnaanilik ujartorparput.

Suliassat makkuupput:

  • Nalunaarusianik Peqqinnissaqarfimmi aqutsinermi sakkussanik inerisaaneq.
  • Aningaasartuuteqarfinni pingaarnerni Peqqinnissaqarfiup aningaasaqarneranik misissueqqissaarneq malitseqartitsinerlu.
  • Peqqinnissaqarfiup qullersaanik nakorsaanermilu immikkoortortani amerlasuuni aqutsisunik aningaasaqarnikkut siunnersuineq.
  • Iliuusissanik akimuisunik ass. aaqqiissutissanik paasissutissanut ikorfartuutaasunik suliaqarneq ataqatigiissaarinerlu.
  • Iliuusissanik siunniussinermi suliaqarnermilu iliuserisinnaasanik allanik saqqummiussineq.

Peqqinnissaqarfiup aningaasaqarneranik aqutsinermi unammilligassani inerisaaqqinnermilu peqataanissat anguniagaraarputtaaq. Naatsumik oqaatigalugu, aaqqisuussamik suleriaasilik peqqinnissakkullu sullissisunik ilinniagaqassutsimik qaffasissumik nukittuumik tunngaveqarluni kinguneqarluartussamik suleqatiginnissinnaassusilimmik pissarsiorpugut.

Tamatuma saniatigut pingaartipparput:

  • Qaffasissumik ilinniagaqarsimasuunissat
  • Sulianik ingerlatsinermi ataatsimut isiginnissinnaanermik ingerlatsinermillu qaffasissumik pitsaassusilimmik attassisinnaanissat
  • Paasinnissinnaassuseqarnissat ataqqinnittumillu suleqatiginnissinnaanissat naammassisaqarsinnaanissallu

Suliffik ulapaarfiusoq eqaatsorli pisariitsumillu aalajangiiniarsinnaaneq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. Qinnguteqaatit tiguneqartut naliliivigineqartassapput.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk