Gå til hovedindhold
131

Dette jobopslag er udløbet

Københavnimi Kalaallit Nunaata Sinniisoqarfiani pisortaq

Københavnimi Kalaallit Nunaata Sinniisoqarfiani pisortatut atorfik julip aallaqqaataani 2021-mit atofinittussamik inuttassarsiuunneqarpoq.  

Suliffik
Sinniisoqarfiup pisortaata Namminersorlutik Oqartussat sinnerlugit Danmarkimi suliaqartuussaaq – suliaqarfiisalu ilagissallugu danskit pisortaqarfiinut, Københavnimi nunat allat sinniisoqarfiinik, danskinut tamanut aammalu inuiaqatigiit pilugit kattuffiit, suliffeqarfiit peqatigiiffiillu Kalaallit Nunaannut attuumassuteqartut suliaqarfigineri.
Sinniisoqarfimmi pisortap Kalaallit Nunaata Sinniisoqarfiata ingrlanneqarnera akisussaaffigissavaa aammalu sulisunut 12-iusunut qullerpaamik akisussaasuussalluni. Sinniisoqarfiup pisortaata toqqaannartumik qaninnertut pisortarissavaa Nunanut allanut, Niuernermut, Inuussutissarsiornermut Silallu pissusaata allanngorarneranut Naalakkersuisoqarfiup pisortaa.
Sinniisoqarfik Nunanut allanut, Niuernermut, Inuussutissarsiornermut Silallu pissusaata allanngorarneranut Naalakkersuisoqarfiup ataani immikkoortortaavoq makkuninnga suliassaqartoq:

  • DNMrkimi Naalakkersuisunut sinniisuuneq
  • Nunani allani aallartitaqarfiit, danskit pisortaqarfii, kattuffiit suliffeqarfiillu sinniisoqarfittut siunnersuineq.
  • Namminersorluni Oqartussani sulisunik nutaanik pikkorissaaneq.
  • Naalakkersuisut Namminersorlutik Oqartussanilu allaffimmi atorfilittat ataatsimiinnerni, isumaqatigiinniarnerni, ataatsimeersuarnerni il.il. kiffartuullugit, ikiorlugit allaffeqarfissaannillu piareersimatitsinissaq.
  • Namminersorlutik Oqartussat sinnerlugit allaffissornikkut pisortanit kiffartuussinerit assigiinngitsut.
  • Nuummi Namminersorlutik Oqartussat naalakkersuisoqarfiisa pisortaqarfiisalu suliassaat suleqatit peqatigalugit ataatsimut sullissineq.

Inuup piginnaasai/piginnaasassatut piumasaqaatit
Sinniisoqarfimmi pisortaq tassaassaaq:

  • Kalaallinut inuiaqatigiinnut siammasissumik nalinginnaasumik ilisimasaqarnissaq aammalu minnerunngitsumik Namminersorlutik Oqartussanik ilisimasaqarneq.
  • Politikkikkut aalajangiiniarnermi periusaasartunik misilittagaqarlunilu paasinnissimaneq taamatullu politikerinik attaveqarneq.
  • Nunarsuarmioqatigiinnik suleqateqarnermut misilittagaqarlunilu soqutiginninnissaq.
  • Namminersorlutik Oqartussat sinnerlugit avammut sinniisinnaaneq Namminersorlutillu Oqartussat politikkiannik siammarterinissaq siunertaralugu suleqatigisanut attaveqarsinnaanermik pilersitsisinnaaneq.
  • Ataqatigiissaarisinnaanermut suleqateqarsinnaanermullu piginnaaneqarneq.
  • Tulluartumik ingerlaqqiffiusumik ilinniagaqarsimaneq.
  • Tulluartumik inuussutissarsiornermik- aqutsinermillu misilittagaqarneq.
  • Kalaallisut, danskisut tuluttullu ikkarnaateqanngitsumik piginnaaneqarneq.

Atorfininnermi atugassarititaasut
Atorfik maannakkorpiaq inissinneqarsimavoq LR 37 (aalajangersimasumik inissinneqarani) immikkut tapeq ukiumut 115.300 kr. Aammalu pisortaanermut tapeq 92.000 kr. (tunngaviusumik inissisimanera 31.03.2012). Aningaasarsiat tunngaviusumik ukiut aalajangersimasut atorfeqartitaanermi tapit soraarnerusutisiaqarnissamullu tapit ilanngunnagit annertussuseqarput: februarip aallaqqaataa 2021 qaammammut 66,903,00 kr. ukiumullu 802.844 kr.
Atorfik piffissami ukiuni killissaleriikkami inuttalerneqarnissaa kissaatigineqarpoq. Aallaavittut atorfinitstitsinermi isumaqatigiissut aallaaviusssaaq. Atorfimmut atatillugu inissaqartitsisoqarsinnaanngilaq. Kalaallit Nunaannit atorfinitsitsisoqarpat atorfininnermi soraarnermilu angalanerit pisattallu assartorneri Kalaallit Nunaanni atorfininnermi malittarisassat malullugit ingerlanneqassapput.

Paasissutissat sukumiinerusut
Apeqqutissaqaruit naalakkersuisoqarfimmi pisortaq attaviginearsinnaavoq Kenneth Høegh (kenh@nanoq.gl). telefon +299 345148.

Qinnuteqarneq
Atorfik iserfissaq ataaniittoq iserfigalugu qinnuteqarfigineqassaaq, tassani qinnuteqaat, cv, soraarummeersimanermut uppernarsaatit paasissutissallu pisariaqarsinnaasut ilanngunneqarsinnaallutik. Qinnuteqartut piukkunneqartut naatsorsuustigissavaat misilittaaffigineqarnissartik.

Qinnuteqarnissamut killiussaq tassaavoq 6. juni nalunaaqutaq 12.

Kalaallit Nunaata Sinniisoqarfia
Naalakkersuisunit pisinnaatitaaneq naapertorlugu Kalaallit Nunaata Sinniisoqarfiata suliassarai Namminersorlutik Oqartussat Danmarkimi soqutigisaasa isumaginissaat suliassallu allat Danmarkimi imaluunniit Danmarkimit suliarineqartariaqartutut isigineqartut. Tassunga atatillugu sinniisoqarfiup Naalakkersuisut, Inatsisartut, Namminersorlutik Oqartussani allaffeqarfiit suliffeqarfiillu kiisalu Kalaallit Nunaanni kommunit sullitarai. Kalaallit Nunaata Sinniisoqarfia pillugu paasissutissat uani takukkit www.nanoq.gl/ghsdk.
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk