Gå til hovedindhold
166

Dette jobopslag er udløbet

Nunatsinni Peqqinnissaqarfimmi qullersaqarfiup allatseqarfia/Pitsaassuserlu ilinniagaqassutsikkut unammilligassanut ulluinnarnullu tamatigoortunut AC-fuldmægtiginik marluk- pingasunik pissarsiorpoq

Aalajangiisartunut qanittumik avatangiiseqarluni sulineq nuannaraajuk? Sullivimmi avatangiisini assigiinngitsunik suliassalimmi kulturiniillu arlalinneersunik suleqateqarlutit ataatsimut isiginnissinnaaneq attatiinnarsinnaaviuk? Eqaatsumik periuseqarpit tunniusimallutillu? Nunatsinni peqqinnissaqarfimmik sullisseqataarusuppit? Taamassappat illit piginnaasatillu atorfissaqartippagut!
 
Atorfiniffissaq 1. maj immikkulluunniit isumaqatigiissuteqarnikkut.

Suliassaqarfiup atitunerulernera tamatumalu peqatigisaanik suleqatitsialaat marluk Danmarkimut aallarnissaq toqqammassuk, suleqatitaassatsinnik minnerpaamik marlunnik ajornanngippallu pingasunik nunatsinni Peqqinnissaqarfiup ingerlanneqarneranut ineriartorneranullu peqataarusuttunik pissarsiorpugut.

Atorfinnut tunngasut
Atorfiit qullersaqarfiup allatseqarfiani/Pitsaassutsimi inissisimapput, tassani nunatsinni Peqqinnissaqarfimmik napparsimasunut iluaqutaasussanik pitsaasunik aaqqiissuteqartoqarnissaa siunertaralugu iliuusissanik siunniussilluni ilinniagaqasutsikkullu ineriartortitsinermik ikorfartuinissaq siunertaralugu, politikkikkut allaffissornikkullu ingerlatsinermi aalajangiinissani suleqataassaatit.
Allatseqarfimmi pingaarnertut makku akisussaaffigaagut:

  • Qullersanik- allatseqarfimmillu kiffartuussineq
  • Inatsisilerineq
  • Attaveqatigiinneq
  • Pitsaassuseq napparsimasunillu sullisinermi isumannaallisaaneq 
  • Piginnaasanik inerisaaneq ilinniartitaanerlu
  • Maalaarutinik suliaqarneq napparsimasunillu siunnersuineq


Qulaani pineqartut saniatigut suliassat allat assigiinngitsorpassuit takkuttarput. Taamaalilluni suliffik sulianik isumaginninnermut atatillugu eqaatsumik pissuseqarnissaannik, taamaalilluta peqatigiilluta nukissanik naleqqussaajuarnissamik qulakkeerisinnaanissatsinnik piumasaqaatitaqarpoq.
Allatseqarfimmi suliassanik kivitsisinnaajumalluta suleqatigiiaanut pingasunut agguataarsimavugut. Atorfiit inuttassarsiuussat utaqqiisaagallartumik suleqatigiiaani taakkunani pingasuni inissinneqassapput.
Qullersanik allateqarfimmillu sullissinermut, atorfinni tamani atuuttumut, ilaatigut makkunannga suliaqarfiusumut suleqataanissaq pingaarutillit ilagissavaat:

  • Ullorsiutinik aqutsinikkut, pilersaarusiornermut tunngasunik kiisalu ataatsimiinnernut atatillugu sullissinikkut Peqqinnissaqarfimmi qullersanik ikorfartuinissaq
  • Pisortanik aqutsisunillu aaqqisuussaanikkut inissisimaffinni assigiinngitsuni allaniittunik ataatsimiinnissanut saqqummiussassanik ingerlatsinernullu ikorfartuinissaq
  • Sulisut ataasiakkaat pillugit sulianut sulisoqarnermullu atatillugu suliassanut tunngatillugu aqutsisunik sullissineq
  • Saaffiginnissutinut assigiinngitsunut akissuteqarneq sulianillu taakkunannga ingerlatsineq
  • Aalajangiivigisassatut siunnersuutinik, iliuusissatut siunniussanik allakkianillu suliaqarneq


Qulaani pineqartunut ilassutitut akisussaaffeqarfiit allat ataanni suliassanik suliaqarfiussammat, atorfinittussat allatseqarfimmi kiffartuussinitsinnik qaffasissumik pitsaassuseqartitseqataanerup saniatigut, misilittagaqartoq imal. akisussaaffeqarfitta arlaannit ataatsimit arlalinniilluunniit- pingaartumik makku arlaannik soqutigisaqartoq assut pissarsiarerusupparput:

  • Sulisoqarneq piginnaasanillu inerisaaneq

Sulisoq sulisoqarnermut atatillugu suliassanik allatseqarfimmit isumagineqartunik ikorfartuinissamut immikkut soqutigisaqartoq pissarsiarerusupparput. Ataatsimiittarnerit aalajangersimasut suliassallu arlallit ataqatigiissaarneqarnerat allatseqarfimmit isumagineqartut, Peqqinnissaqarfimmi aqutsisuni atorfinititsinerni periutsinik ikorfartuineq sulisunullu ataasiakkaanut tunngatillugu sulianik ingerlatsineq ilaatigut pineqarput. Tamanna sulisoqarnermut immikkoortortarput suleqatigalugu pisarpoq. Tamatuma saniatigut piginnaasanik inerisaanermut tunngatillugu ilinniaqqittarnernik isumaginninneq kiisalu nakorsanngornianut nakorsanngorlaanullu tunngatillugu ingerlatsinerni arlalinni ataqatigiissaarisuulluni suleqataanissaq periarfissaavoq.

  • Pitsaassuseq napparsimasunillu sullissinermi isumannaallisaaneq

Pitsaassutsimut napparsimasunillu sullissinermi isumannaallisaanermi Peqqinnissaqarfimmi pitsaassutsimut tunngatillugu iliuusissatut siunniussassanik inerisaanermut aallarteruttortumut tunngatillugu suliniut annertooq aallartisarneqarpoq. Tamatuma saniatigut kukkuluttornernik nalunaarutiginnittarnermut tunngatillugu aaqqisuussinernik siunissamilu kiffartuussinermut tunngatillugu maalaarutinik suliaqarnermik ataatsimuulersitsinissamik suliaqarpugut. Tamatuma saniatigut nakorsaanermi allaffissornikkullu maleruagassanik suliaqarnermi malitseqartitsinermilu suliffeqarfimmi ikiuunnissamut suliaq annertooq ingerlanneqarpoq. Piginnaaneqaruit misilittagaqaruillu imal. qulaani pineqartunik soqutiginnikkuit suleqataanissamut annertuumik periarfissaqarputit.
 

  • Siunnerfilimmik attaveqatigiinneq

Peqqinnissaqarfiup sulisunut nittartagaata avammullu nittartakkap nutarterneqarnissaannut Peqqinnissaqarfiup iluani avammullu innuttasunut attaveqarnermut sunniuteqartussamut tunngatillugu suliniut annertooq aallarteqqammerparput. Taamaalilluni suliniutip tamakkiisup nassuiarnissaa aqunnissaalu kingornalu atuutilersitsinissaq suliassaalerpoq annertooq. Tamatuma peqatigisaanik attaveqatigiinnermi iliuusissatut pingaarnertut siunniussassanik suliaqarnissamik toqqammavissiisinnaasumik, siunissamut ungasinnerusumut Peqqinnissaqarfimmi attaveqatigiinnermik naleqartitanik pilersitsisinnaasumik siunnerfiliisinnaasumillu aallarnisaanissaq pisariaqartipparput.

Ilisarnatitit
Naapertuuttumik kandidatitut qaffasissumik ilinniagaqarsimasuunissat naatsorsuutigaarput- immaqalu peqqinnissamut tunngasumik ilalik- taannali piumasaqaataanngilaq. Ilinniarnerit naammasseqqammerukku naapertuuttumik ilinniartutut saniatigooralugu suliffeqarsimaneq imal. sulinermik sungiusarsimaneq uppernarsarsinnaassavat.

Iliuuseqarsinnaassuseqarnissaq, suliassanik inerisaanermi pimoorussisinnaanissaq - piffissakilliorfimmissaaq sulianik qaffasissumik pitsaassusilinik tunniussaqarsinnaanissaq atorfinni taakkunani pingasuni tamani atuuppoq. Taamaalilluta piffissamik atuilluarsinnaajumallutit pingaarnersiuillutit tulleriiaarisinnaanermut pikkoriffeqarnissat, suliassat ilaasa pilertortumik naatsumik ersarissumillu akissuteqarfigalugit naammassineqarsinnaanerat, allalli oqimaassutsikkut pingaaruteqassutsikkullu annertunerusumik peqqissaarunneqarnissamik, ersarissarneqarnissamik uppernarsarneqarnissamillu piumasaqaatitaqarnerat ilisimagit naatsorsuutigaarput.
Tamatuma saniatigut:

  • Aaqqiissutissanik nassaallaqqissuuvutit suliat naammassinissaannut nammineq iliuuseqarsinnaallutillu akisussaaffimmik tigusisinnaavutit
  • Allakkatigut ingerlatitseqqiinermik pikkoriffilik peqqinnissamut tunngasunik politikkikkut allaffissornikkullu aalajangiivigisassatut siunnersuutinik ersarissunngortitsinermik piginnaanilik
  • Eqaatsumik periaasilik, kiffartuussiumatooq ikiuukkumatoorlu kiisalu kulturikkut ilinniagaqassutsikkullu assigiinngissutsit akimorlugit suleqat pitsaasoq tunniusimasorlu.
     

Illugiinnik kalaallisut qallunaatullu oqaaseqaruit iluaqutaassaaq piumasaqaataanngilarli.

Suliffiit
Qullersaqarfiup allatseqarfia/Pitsaassuserlu aaqqisuussaanikkut Kalaallit Nunaanni Peqqinnissaqarfiup ataani qullersanut siunnersuisoqarfiuvoq. Maanna sulisut quliuvugut suleqatigiiaanut pingasunut nunatsinni Peqqinnissaqarfimmi qullersat allaffiisa inissisimaffiannissaaq tamarmik immikkut allaffimmi ataatsimoortunut agguataarsimasut. Illit aaqqisuussaanikkut allatseqarfimmi pisortap ataani inissisimassaatit. 

Persuarsiortuunnginneq – inuttut ilinnigaqassutsikkullu suleqatikkuminartuusinnaaneq pingaartippagut. Angusaqarusussusilimmik, qiimasumik nukissaqarluartumillu suleqatitaarusukkatta suliffik pissanganartoq assigiinngitsunik suliassaqarfiusoq, ilinniagaqassutsikkut inuttullu ineriartornissamut pitsaasunik periarfissalik neqeroorutigaarput.

Sulinngiffeqarneq
Danmarkimi kommunini naalagaaffimmilu atorfillit Namminersorlutik Oqartussani atorfininnissamut atatillugu killiligaanngitsumik sulinngiffeqartitaasinnaanermut pisinnaatitaaffeqarput.

Paasissutissat allat
Atorfik pillugu paasisaqarnerorusukkuit allaffimmi aqutsisoq Else-Marie Brødsgaard oqarasuaat +299 34 47 00 imalt. e-mailikkut embr@peqqik.gl attavigisinnaavat.

Kalaallit Nunaanni Peqqinnissaqarfik pillugu uani annertunerusunik paasisassarsiorsinnaavutit: www.peqqik.gl aaqqisuussaanermullu tunngasoq: https://peqqik.gl/Footerpages/Til-fagpersoner

Qinnuteqarneq
Qinnuteqarfissatut killiliussaq 14. april 2021.
Qinnuteqartunik oqaloqateqarnerit sap. ak. 15-imi 16-imilu ingerlanneqarnissaat naatsorsuutigineqarpoq.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk