Gå til hovedindhold
80

Dette jobopslag er udløbet

Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik naalakkersuisoqarfiup oqaatsit pillugit suliaqarfiani oqaluttaanermik pissarsiorpoq

Kalaallit Nunaanni isumaginnittoqarfiup aamma inatsisinik atuutsitsisoqarfiup ineriartortinnissaanut peqataarusuppit?

Isumaginnittoqarfimmi suliaq pingaartoq inatsisinik qallunaatuumiit kalaalisuumut nutserinermik suliaqarneq naammasseqataaffigerusuppiuk? Inatsiseqarnerup iluani kalaallisut taaguusersuinerup ineriartortinnissaanut ilanngusserusuppit? Ulluinnarni sulianik aqutsillutillu agguataarisinnaavit? Taava immaqa Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfimmi naalakkersuisoqarfiup oqaatsit pillugit suliaqarfiani oqaluttaanertut atorfik ilinnut tulluarpoq.

Atorfik pillugu:
Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfimmi naalakkersuisoqarfiup oqaatsit pillugit suliaqarfiani oqaluttaanertut naalakkersuisoqarfiup nutsigassaatai tamaasa aqussavatit agguaattarlugillu. Kalaallisut allatat tamarmik eqqortumik nutserneqarsimanerisa suliamullu tunngasumik annertuumik pitsaassuseqarnerisa qularnaarnissaat isumagissavat. Ilutigalugu inatsiseqarnerup iluani aamma Namminersorlutik Oqartussani allaffissornikkut aqutsinerup iluani kalaallisut taaguusersuinerup ineriartortinnissaanut ilanngussisassaatit.

Taakku saniatigut Naalakkersuisunut Inatsisartunullu sulianik ataqatigiissaarineq tunniussinerlu Inatsisartut ataatsimiinnerisa nalaanni avataannilu peqataaffigissavatit.
Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfimmi naalakkersuisoqarfiup oqaatsit pillugit suliaqarfiani oqaluttaanertut ulluinnarni suliat naammassineqarnissaannut suleqataasut allat aqussavatit, ilaatigullu makkuninnga suliaqarsinnaavutit:

  • Naalakkersuisoqarfiup nutsigassaataasa tamarmik aqunnissaat agguataarnissaallu
  • Inatsiseqarnerup iluani aamma Namminersorlutik Oqartussani allaffissornikkut aqutsinerup iluani kalaallisut taaguusersuinerup ineriartortinnissaanut ilanngussisarneq
  • Qallunaatuumiit kalaallisuumut illuanullu nutsikkat pitsaassusaannik qularnaarineq
  • Qallunaatuumiit kalaallisuumut illuanullu allattarissatigut nutsigassanik suliarinninneq
  • Naalakkersuisunut aamma Inatsisartunut sulianik tunniussineq
  • Oqaloqatiginninnerni oqaluttaaneq/Toqqaannartumik oqaluttaaneq
  • Naalakkersuisoqarfimmi pisariaqartitsinikkut suliassat takkuttut


Illit pillutit:
Oqaluttaaneq tunniusimasoq, uummaarilluinnarluni suliaminik suliaqartartoq, eqaatsumik pissusilik atuuffimminullu pikkorissoq. Taamaattumik iluarissavarput:

  • Naleqquttumik ilinniarsimaguit, - nutserisutut/oqalutsitut, immaqa kalaallit oqaasiinut cand.mag.-itut imaluunniit BA-tut
  • Kalaallisut qallunaatullu piginnaaneqarluaruit – tuluttut aamma iluaqutaassaaq
  • Aqutsisinnaanermik piginnaasaqaruit
  • Sulianik agguataarinissamut ataatsimut isiginnissinnaaguit
  • IT-mik atuinermik ilisimasaqaruit
  • Ulapaarfimmi ataatsimut isiginnissinnaanerit allanngortinnagu sulisinnaaguit
  • Naalakkersuisoqarfiup suliassaanik naammassinninniarnermi nammineerlutit akisussaaffimmik tiguserukkuit
  • Eqaatsuuguit suleqatiginninnissamullu piginnaaneqarluaruit  


Pisortat allattoqarfiat aamma Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik pillugit:
Pisortat allattoqarfiat Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfiup ilagaa. Naalakkersuisoqarfimmi suleqataasut 30 missaanniippugut immikkoortortaqarfinnut ukununnga agguataarneqarluta: Periusissiat aamma Ineriartorneq, Inatsisinik Atuutsitsineq, Isumaginninnermut inatsisit kiisalu Nakkutilliinermik Ingerlatsivik. Taakku saniatigut naalakkersuisoqarfik imminut atasumik immikkoortortaqarpoq, tassa Pinaveersaartitsinermut aamma Isumaginninnermi Pissutsinut Aqutsisoqarfik.  
Pisortat allattoqarfianni tassaavugut allaffimmi pisortaq ataaseq, suleqataasut tunniusimasut arfinillit, taakkununnga ilaallutik oqaatsitigut siunnersortit marluk, allaffimmiu ataaseq, nikerartunik suliffeqartoq ataaseq aamma ilinniarnertuutut ikiortit marluk.  
Oqaluttaanertut Pisortat allattoqarfianni allaffimmi pisortaq qaninnerpaatut pisortarissavat.   

Atorfininnermi atugassarititaasut:
Akissarsiat atorfininnermilu atugassarititaasut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat:
Atorfik pillugu paasisaqarnerorusukkuit Pisortat Allattoqarfianni allaffimmi pisortaq Lone Snedker Adamsen attaveqarfigissallugu tikilluaqqusaavutit e-mailikkut: losa@nanoq.gl, oqarasuaatikkut 346609 imaluunniit oqarsuaatikkut angallattakkakkut 562694.

Qinnuteqarnissaq:
Qinnuteqarnissamut killigititaasoq tassaavoq ulloq 16. februaari 2021.
Ulloq sulilerfissaq tassaavoq 1. marsi 2021 imaluunniit qinnuteqartumut naleqquttumut qaninnerusumik isumaqateqarnikkut ullulerneqarsinnaavoq.

Qinnuteqaat imminut ilisaritinnermik cv-mik aamma soraarummeersimanermut allagartat allagartallu uppernarsaatit allat ilanngullugit “Qinnuteqaat nassiuguk” toorlugu nassiuguk.
E-mailikkut qinnuteqaatit tiguneq ajorpavut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk