Gå til hovedindhold
104

Dette jobopslag er udløbet

Arctic Circle FabLab Sisimiut aqutsisussarsiorpoq

Atorfik pillugu
Qeqqata Kommuniani atasumi Arctic Circle Business-mi pilersaarutigaarput Kalaallit Nunaani FabLab siullerpaaq. Teknologimik, digitalimik atortussiornermik ineriartortuartussamik suliaqarniarpugut tapersersortuagassatsinnik, meeqqat atuarfiini ilusilersugassanik eqqarsartarnikkut aamma ilinniarfinni allani kiisalu suliffeqarfinni, nutaarliortunilu innuttaasunilu.

Arctic Circle FabLab Teknikkimik Ilinniarfik KTI, Sisimiuni, angerlarsimaffeqarpoq.

Arctic Circle FabLab Sisimiuni ingerlatseqatigaa DTU ARTEK, Sisimiut. Pilersaarutaavoq siunissami allanik aamma suleqatissarsiornissaq.

Arctic Circle FabLab Sisimiuni aqutsisutut akisussaaffigissavat ulluinnarni aqutsineq, FabLabimi ingerlatsineq, ataqatigiissaarineq aamma ineriartortitsineq. Ilaalluinnarpoq Qeqqata Kommuniani meeqqat atuarfiini qanimut suleqateqarneq, atuartummi isersinnaasariaqarput. Atuartut ilinniassavaat paasiniassallugu teknologi FabLabip atortuiniittut atorsinnaanissaat taaamaaqataanillu suliakkiutigineqartut aamma atortussiornermi suliassat.
 

Ilinniartitaanikkut, inuussutissarsiornikkullu aamma innuttaasunut Kommunip neqeroorutai allat qanimut suleqataaffigissavatit. Suliassarissavat pilersaarusiornikkut ineriartortitsineq aamma ataqatigiissaarineq FabLabimi suliaqartut allat peqatigalugit.

Pingaaruteqarpoq takorluuisinnaasutsit kiisalu piareersimallutit suliassat tigunissaannut, tassami Arctic Circle FabLabip neqeroorutigisinnaasai kiisalu suliffeqarfinnguaq qanoq ineriartortinneqarsinnaanersoq.

Kissaatigaarput isumaqatigiissuteqarnikkut sulilersinnaassallutit, sapinngisamik 01. martsi 2021 aallarnerfigalugu.
 




Naatsorsuutigaarput

  • Uppernarsaatitalimmik misilittagaqassasutit aqutsinissamik piginnaasaqartoq aamma FabLabimik ineriartortitsinissamik. Sulilereerninni FabLabimi aqutsisutut pikkorissassaatit (pereersimanngikkukku).
  • Suliffeqarfimmi inuusuttunik suleqateqarusussaatit, taakkumi nalorninatik ilinniassavaat paasiniassallugulu teknologi aamma sakkut atorneqartut.
  • Hardware-nik ilisimasaqassaatit, ingammik teknikkitaa eqqarsaatigalugu, taakkumi FabLabip atortorai.
  • Inuusuttunik ilinniartitsinissamut uppernarsaatitalimmik misilittagaqassaatit.
  • Paasissutissiinissannut pikkorissuusaatit, teknologimut sanaartugassanullu ilusilersuinissamut nassuiaasinnaasariaqarlutit, kikkut tamarmik paasisinnaasaannik.
  • Attavigiuminartuussaatit suleqatikkuminarlutillu, taamaalilluni FabLab nutaanik suleqatitaarsinnaaniassammat.
  • Suliniutit pillugit nalunaarusiorsinnaassaatit taakkulu aningaasalersornerat ilanngullugu.
  • Nammineerlutit sulisinnaasariaqarputit, ulluinnarnilu FabLabimi suliat ataqatigiissarlugit, soorlu suleqatit allat nutaat ilanngukkaangata.
  • Akunnerit suliffigisassatit piareersimaffigalugit, tassami FabLab suliffiit nalinnginnaasut avataatigut ammasarsinnaammat (sap.ak. akunneranut 40-t).
  • Suliffiusumi isumassarsiat arlaqarsinnaasut soqutigalugit suliffeqarfimmiissinnaasaatit.
  • Suliffeqarfimmi suleqatigisat suleqatigilluinnarnissaat piginnaaneqarfigalugu.
  • Aningaasaateqarfinnut qinnuteqarsinnaanermut misilittaqarsimaguit iluaqutaasinnaavoq.

Neqeroorutigaarput
Arctic Circle FabLabimi Sisimiuni ingerlatsisutut Qeqqata Kommuniani suliffeqarfiuteqarnermi ineriartortitsinermilu pilersaarutaanut ilaalissaatit. Siunissami periarfissat suusinnaaneri misissortuarpavut, ingammik meeqqat atuarfiani atuartunut, inussutissarsiortunut aamma innuttaasunut teknologi suliumassuserlu aqqutigalugit. Qullersarissavat Arctic Circle Business, taamaaqataanillu aqutsisoqatigiinni ilaalissallutit.

Suliffeqarfimmi nalinginnaanngitsumi aqutsisutut sulilersinnaavutit, tassami Kalaallit Nunaanni Fablab siulleq aallartisarpoq. Periarfissaqassaatit illit nammineq sunniuteqarsinnaanissannut ulluinnarni FabLabimi sulinissannut aamma suliffeqarfiup iluani atortui ilanngullugit ineriartortissinnaallugit. Suliffeqarfimmut naleqquttumik piginnaasaqalernissamut ineriartortitsisinnaaneq.

Atorfininnermi atugassat
Aalajangersimasumik atorfinitsinneqarneq.

Sapaatit akunneranut akunnerit 40-t.

Akissarsiat atorfininnermilu atugassat isumaqatigiissutit atuuttut malillugit.

Atorfininnermut atatillugu inissaqartitsisoqarsinnaanngilaq.

 

Uagut pilluta
Qeqqata Kommunia ingerlarsorpoq, Arctic Circle FabLab Sisimiuniittup takorloorneqarnera suli nukittunerulissasoq taamaaqataanillu Kommune siumut takorluuisinnaasoq eqqarsarsinnaasorlu. FabLabip teknologimik atortui moderniusut pingaartorujussuupput aamma atortut atornerinut misilittagaqalernissaq periaaserisassallu pingaartorujussuupput.

Uagut pilluta paasisaqarnerorusukkuit, uani atuarsinnaavat www.acb.gl aamma www.qeqqata.gl, www.kti.gl  aamma https://www.artek.byg.dtu.dk/

Inuiaqatigiit avatangiiserisagut tarrarsorfigerusuppagut, taamaattumillu kikkulluunniit piukkunnaatillit tamarmik innarluuteqarneq, suiaassuseq,
ammip qalipaataa, upperisaq sumiuussuserluunniit apeqqutaatinnagu qinnuteqarnissaannik kajumissaarpagut.

Paasissutissat allat
Tikilluaqqusaavutit attavigissallugu Susanne Høegh, atorfik pillugu paasisaqarsinnaallutit, oqarasuaat: 86 35 00 imaluunniit e-mail: susanne@acb.gl

Kingusinnerpaamik qinnuteqarfissaq
Qinnuteqaat erseqqissumik suliarilluagaq, ilinniagaqarsimanermut sulerisimanermullu uppernarsaatit kiisalu CV ilanngunneqassapput, suliffigisimasamit oqaaseqaatit il.il. kingusinnerpaamik 19. februar 2021 uagutsinneeriissaaq.

Uunga nassiunneqassaaq: acb@acb.gl

Børneattest (meeqqerisinnaanermut uppernarsaat)
Meeqqerisinnaanermut pineqaatissinneqarnermullu uppernarsaammik pissarsiniarsinnaavugut.