Gå til hovedindhold
77

Dette jobopslag er udløbet

Peqqinnissaqarfimmi aningaasartuutissatut missingersuutinik nakkutilliisoq

Aningaasartuutissatut missingersuutinik nakkutilliineq naatsorsuuserinerlu misilittagaqarfigaagit? Ulluinnarni suliat allanngorartuunissaat kissaatigaajuk? Peqqinnissaqarfimmi inerisaaffiusumi sulinissaq soqutigaajuk? Taamaassappat maani aningaasaqarnermut pisiniarnermullu immikkoortortami qinnuteqaativit tigunissaa qilanaaraarput.
Nunatsinni Peqqinnissaqarfik politikkikkut, aningaasaqarnikkut nakorsaanikkullu soqutigisanit ulluinnarni unammillerneqartuarfik uummaarissumik pissanganartumillu pisoqarfiusussanngorpoq. Aningaasaqarnermut immikkoortortami suleriaatsinik pitsanngorsaanerit aningaasartuutissanut missingersuutit malittarinninnerit il.il. ukkappagut.
Aningaasaqarnermut pisiniarnermullu immikkoortortaq 16-inik pimoorussisunik namminersorsinnaasunillu sulisulik Peqqinnissaqarfimmi qullersanut siunnersuisoqarfinnut ilaavoq. Immikkoortortaq Nuummi inissisimavoq nunali tamakkerlugu qitiusumik napparsimmaviit peqqissaaviillu sullitaralugit.

Suliassat makkuupput:

  • Naatsorsuutinik nakkutilliineq ilaatigut naatsorsuutinik kukkunersiuilluni misissueqqissaaneq, immikkoortortat naatsorsuutinut nalunaarsugaat ukiullu naanerani naatsorsuugaat
  • Akissarsianik nakkutilliineq nalunaarusiornerlu
  • Suliffeqarfimmi aningaasaqarnikkut qarasaasiakkullu sullississutinut tunngatillugu siunersioqatigiinneq, siunnersuineq, ikiorsiineq ilinniartitsinerlu
  • Aningaasartuutinik nakkutilliineq pitsanngorsaanissarlu siunertaralugit misissueqqissaarnerit
  • Aningaasaqarnermut tunngatillugu suleriaatsinik inerisaaneq pitsanngorsaanerlu
  • Suleqatinik tapersersuineq


Tamatuma saniatigut pingaartipparput:

  • Naapertuuttumik ilinniagaqarsimanissat
  • Nakkutilliinermi, naatsorsuuserinermi suliniutinillu aqutsinermi ukiuni arlalinni misilittagaqarnissat
  • Excel-imik atuinermik sungiussisimanissat qarasaasiarsornermullu pikkoriffeqarnissat piumasaqaataapput
  • Misissueqqissaarsinnaaneq kisitsisnullu kakkattuuneq


Suliffik ulapaarfiusoq eqaatsorli aalajangiinissamut pisariitsumik periarfissiisoq neqeroorutigaarput.

Atorfik pillugu apeqqutissaqaruit aningaasaqarnermut pisortaq Pierre Vassard oqarasuaatikkut: +299 554343 imal. mailikkut: piva@peqqik.gl attavigisinnaavat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk