Gå til hovedindhold
80

Dette jobopslag er udløbet

Ilinniartitaanernut

Peqqissaanermik Ilinniarfik ilinniartitaanernut aqutsisussarsiorpoq
Aqutsineq peqqinnissamullu tunngatillugu ilinniartitaaneq soqutigilluinnarukkit tassaasinnaavutit pissarsiarerusutarput.
Ulluinnarni peqqinnissamut tunngatillugu ilinniartitaanernik aqutsinissamut kajumittumik piumassusilimmillu, ilinniarfiup anguniagassatut takorluugai aallaavigalugit ilinniartitaanernik inerisaajuarnissamik qulakkeereqataarusuttumik ilinniartitaanernut aqutsisussarsiorpugut.
 
Atorfiniffissaq: 1. april 2021 immikkulluunniit isumaqatigiissuteqarnikkut.
 
Atorfik
Makku suliassatut naatsorsuutigineqarsinnaapput:

  • Ilinniartitaanernut atatillugu ulluinnarni suliassanik aqutsineq ilaatigut allaffisornikkut ingerlatsinermik, aningaasaqarnermut, ilinniagaqassutsimut ilinniartitsinermullu tunngasunik suliaqarneq
  • Ataqatigiissaarineq
  • Pilersaarusiorneq- inerisaanerlu

 
Tamatuma saniatigut neqeroorutigisinnaavagut:

  • Suliassat namminersuutigisinnaanerannut annertuumik periarfissinneqarneq
  • Ilinniagaqassutsikkut ilinniartitsinikkullu- kulturikkut assingiinngissutsit arlallit avatangiisaasut iluanni- ilikkagaqartitsinermut piginnaasanillu ineriartortitsinermut tunngatillugu unammilligassinneqarneq
  • Avatangiisit ilinniartitsiviit kusanartut
  • Suleqatit tunniusimasut kajumissusillillu

 
Naatsorsuutigaarput:

  • Peqqinnissamut tunngasumik ilinniagaqarneq peqqinnissaqarfimmiillu misilittagaqarneq
  • Master /kandidat qaffasinnerusumik ilinniagaqarsimaneq
  • Aqutsinermik misilittagaqarneq
  • Peqqinnissakkut tunngaviusumik ilinniartitaanernik misilittagaqarneq
  • Ilinniartitsisoqatinik suleqatinillu allanik ineriartuutaasumik suleqatiginninnissamut kajumissuseqarneq piginnaasaqarnerlu
  • Ajornanngippat illugiinnik (kalaallisut/qallunaatut) oqaaseqarneq

 
Paasissutissat sukumiinerusut
Atorfik pillugu annertunerusunik paasisaqarusukkuit pisortaq Lisa Ezekiassen oqarasuaatikkut: 349953, imal. e-mailikkut: lie@nanoq.gl attavigisinnaavat.
 
Kalaallit Nunaat Namminersorlutillu Oqartussat annertunerusunik paasisaqarfigerusukkukkit nittartakkap www.nanoq.gl, atorfinnut inuttassarsiuussanut tunngasortaa alakkarsinnaavat.  
 
Qinnuteqaat
Qinnuteqarfissaq kingulleq: 12. februar 2021.
 
Qinnuteqartunik oqaloqateqarnissat sap. ak. 7 og 8-imi ingerlanneqarnissaat naatsorsuutigineqarpoq.
 
Namminersorlutik Oqartussat naatsumik oqaatigalugit
Kalaallit Nunaanni namminersorneq eqqunneqarpoq juunip 21-ani 2009. Namminersorlutik Oqartussat Naalakkersuisoqarfinnut qulinut agguakkamik 650-illu missaannik sulisulimmik qitiusumik aqutsisoqarfeqarput, taakku ataanni immikkoortortarpassuaqarpoq katillutillu 2500 missaanniipput.
Naalakkersuisoqarfiit politikkikkut aalajangiinissamut patajaatsumik tunngavissinnissaasa qulakkeerneqarnissaa politikkikkullu aalajangiussat piviusunngortinnissaat, qitiusumik aqutsisoqarfiup suliassarai. Innutaasunik 56.000-it missaanniittunik qanimut sullissinissaap piviusunngortikkiartuaarnissaa, pisortaqarfiit iliuusissatut siunniussaasa pingaarnerit ilagaat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffiusussaq: sap. ak. nal. ak. 40-it.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk