Gå til hovedindhold
77

Dette jobopslag er udløbet

Suliffeqarnermut Isumaginninnermullu Ingerlatsiviup Oqartussaqarfiani inunnik isumaginninnermi pisortaq / Atorfiup nr. 38/21

Kommuneqarfik Sermersooq Suliffeqarnermut Isumaginninnermullu Ingerlatsiviup Oqartussaqarfiani inunnik isumaginninnermi pisortamik pikkorissumik kajumissuseqarluartumillu isumaqatigiissuteqarnikkut piaartumik atorfinittussamik pissarsiorpoq.

Oqartussaqarfik ilaatigut inersimasunut tunngassuteqartunik, Isumaginninnermi inatsimmut tunngassuteqartunik ikiorsiissutinillu tunniussisarnermi sulianik sullissinermik ilaatigullu inuuniarnikkut ajornartorsiuteqarnerup iluani suliaqartarpoq.
Immikkoortortaq 40-nik sulisoqarpoq suleqatigiiaarlunilu – innarluutilinnut /pensionisialinnut, oqartussaaffeqarfimmi (pisortanit ikiorsiissutit), ikiorsiinermi aammalu aqqusinermi ujartuillutik angalaartartut.

Atorfik pilersinneqaqqittoq, piffissaq tamakkerlugu atorfiuvoq oqartussaqarfimmilu aqutsisumut atassuteqarluni.

Atorfiup imarisaa:
Inunnik isumaginninnermi pisortamik immikkoortortatsinnut ilannguttussamik ujaasivugut. Suliffeqarnermut Isumaginninnermullu Ingerlatsiviup Oqartussaqarfiani sullissinerup pitsaassusaata qulakkeernissaa atorfiup pingaarnertut akisussaaffeqarfigaa.

Pingaarnertut suliassatit tassaapput:

  • Kommuneqarfik Sermersooq tamakkerlugu inersimasunut tunngassuteqartuni isumaginninnermi siunnersortit sullissisullu ilinniartinnissaat, siunnersornissaat ilitsersornissaallu.
  • Oqartussaqarfimmut apeqquteqaatit naammagittaalliuutillu takkuttut tungaatigut suliatigut siunersiuineq.
  • Suliffeqarnermut Isumaginninnermullu Ataatsimiititamut, Assigiinngitsunik suliaqartut Ataatsimiititaliaannut oqartussaassusilinnullu attuumassuteqartunut saqqummiussat katersornissaat pitsaassusiisalu qulakkeernissaat.
  • Immikkoortortami aqutsisoq inatsisileritoorlu qanimut suleqatigalugit Isumaginninnermi Naammagittaalliuuteqartarfimmit Ombudsmandimillu saaffiginnissutinik ataqatigiissaarineq.
  • Suliassanik takkussuuttunik suliaqarneq

Oqartussaqarfimmi sulisut allat kiisalu ingerlatsiviup suliassaqarfiini allani suleqatit qanimut suleqatigalugit suliassat naammassineqartassapput.

Qinnuteqartunut naatsorsuutigisat:

  • Isumaginninnermut siunnersortitut ilinniagaqarsimaneq
  • Isumaginninnermi inatsimmik siammasissumik qajannaatsumillu ilisimasaqarnermik takutitsisinnaaneq
  • Sullissinikkut ilisimasanik ingerlatitseqqiisinnaanissaq

Pingaartipparputtaaq:

  • Aalajaatsuunissaq, pitsaassutsimik ilisimasaqarluarnissaq ataasiakkaanullu maluginiaasinnaaneq
  • Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaanissaq
  • Akisussaassuseqarluni sullissiumatuujullunilu nammineerluni sulisinnaaneq
  • Sulianut atatillugu sungiussilluarsimaneq ataavartumillu suliat agguataarneqartarnerannik nalimmassaalluarsinnaaneq
  • Aaqqissuussamik suliaqarsinnaaneq tamakkiisumillu isiginninnissamut ilassuteqarsinnaaneq
  • Aaqqiissutissanik ujartueqataasarnissaq
  • Arlalinnik suleqateqallaqqissuunissaq
  • Qinnuteqartut marlunnik oqaasillit (kal/da) piumaneqarnerupput

Neqeroorutigaavut:
Suliffik unammillernartoq suliatigut piginnaanngorsarnissamut suliffeqarfimmilu ineriartortinneqartuartumi allanngorartuartumilu annertuumik akisussaassuseqarnissamut periarfissaqartitsisoq. Aqutsisunik qanimut suleqateqarnissap suliffimmilu pitsaasumik avatangiiseqarnissap kiisalu aallartitsinissamik nutaaliornissamillu inissaqartitsinissap qulakkeernissaa anguniartuarparput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq Isumaginninnermi Siunnersortitut sullissisulluunniit AK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissiamik atugassiisoqanngilaq.

Qinnuteqaatip
Qinnuteqaatip ilisarnaataata Atorfiup nr. 38/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq ingerlalluartoq innuttaasunut sullissineq pitsaanerusumik akikinnerusumik sunniuteqarluarnerusumillu ingerlassinnaajumallugu. 

 

Suliatsinnut atatillugu malittarisassat politikkikkut anguniakkanit isumaqatigiissutigineqarsimasumi ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu."-mi aalajangersarneqartunit tunngaveqarput.

 

 

Qinuteqaat tunniunneqassaaq kingusinnerpaamik: 8. februar 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kirsten Johnsen
Telefon: +299 368083
Nittartagaq: http://www.sermersooq.gl
Qinnuteqaat nassiutiguk