Gå til hovedindhold
86

Dette jobopslag er udløbet

AC-fuldmægtig Nunat tamaat Issittumi Hub-iata allattoqarfiani

IAH-p allaffeqarfiani nutaami sulisut amerlanngitsut Kalaallit Nunaanni, Danmarkimi nunanilu tamalaani ilisimatusarnikkut suleqatigiinnermi, ilinniartitaanermi, inuiaqatigiilerinermi, aqutsinermi inuussutissarsiornermilu sulianik ineriartortitsisarnerannut, aallarnisaasarnerannut ingerlatsinerannullu peqataarusuppit? Isumassarsiullaqqippit, suleqatigiinni sulinissamut nuannarisaqartuuit atassuteqaatinillu pitsaasunik pilersitsisinnaassuseqarlutillu attassisinnaavit? Taannaaguit immaqa tassaavutit suleqatitaassarput.

Kalaallit Nunaat Danmarkilu nunat tamalaat akornanni Issittimi HUB-mik (IAH) suleqatigiillutik pilersitsipput, Issittumi pingaartumik Kalaallit Nunaat immikkut aallullugu ilisimatusarnerni qitiusumik asseqanngitsumillu sullissisoqarnissaa siunertaralugu. Ilisimatusarnerup, ilinniartitaanerup, inuiaqatigiit, aqutsinerup kiisalu nunami namminermi nunanilu tamalaani inuussutissarsiornerup akornanni atassuteqaqatigiissitsinissaq suleqatigiinnermillu nukittorsaanissaq IAH-p suleqataaffigissavaa. Taamaattumik IAH-p annertuumik angusaqarfiusarnissaa naatsorsuutigineqarpoq.

Suliffik pillugu
Suleqatigiit ikittunnguit suleqataaffigisassatit tassaapput; illit (AC fuldmægtigi), attaveqaqatigiinnermi suleqataasoq kiisalu allaffeqarfimmi pisortaq. Suleqatitit qanilluinnartumik suleqatigalugit illit akisussaaffigissavatit IAH-p qiutiusumik atuuffianik timitalersueqataasinnaasunik sulianik suleqatigiinnernillu nutaanik pilersitsisarneq, ingerlatsineq ineriartortitsisarnerlu.

Suliassatit pingaarnerit makkuussapput

  • Suleqatigiinnernik, sulianik IAH-mullu tamatigoortumik sinaakkusiussap iluani suliniutinik pilersitisarneq ingerlatsinerlu
  • Ataatsimiititsisarneq ataatsimiinnissanillu piareersaasarneq, atassuteqarfigisanut aaqqissuussinerit, workshop’pit, ilisimatusartartut, suliffeqarfiit oqartussallu susassaqartut ataatsimeersuarnerinik isumaginnittarneq
  • Oqaaseqaasiortarnernut kiisalu pisortaqatigiinnut siulersuisunullu innersuussutissanik suliaqartarnermut peqataasarneq
  • Allaffeqarfimmik ingerlatsinermi ineriartortitsinermilu nalinginnaasumik suliassanik aalajangersimasumik siunertalinnik tapersersueqataaneq.


Sulisutut makkua pissarsiarissavatit
IAH-p allaffeqarfiani nutaami atorfik allanngoriartortuartoq ineriartortuartuugami ineriartornartoq unammilligassaqarluartorlu. IAH-p siuariartornerani suleqatigiinni pingaarutilimmik suleqataasutut inissisimaffeqarneq aammalu sulianut tunngatillugu tunuliaquttat piginnaasallu aallaavigalugit annertuumik sunniuteqarfiusoq. Sulinerup nalaani suliassat tamatigoortut, allanngorartut soqutiginnitsinut ataavartumik attaveqarfiusut oqaloqatiginniuffiusullu. Suliat Naalagaaffeqatigiinnerup iluani nunallu allat akornanni Issittumi ilisimatusartarneq pillugu annertuumik misilittagaqalersitsisut.

Atorfimmi suliamut tunngatillugu pikkoriffiit piginnaasallu pisariaqartut

  • Suliamut naleqquttumik ilinniagaqarsimaneq – kandidatinngorsimaneq pitsaassaaq
  • Ineriartortitserusuttoq, nutaanik pilersitsisinnaassusilik isumassarsiullaqqissorlu
  • Siuariartornermik pilersitserusussuseqartoq, suliallu naammassinissaat tikillugu namminersorluni allanillu suleqateqarluni sulisinnaassuseqartoq
  • Sulianik aalajangersimasunik suliaqarnermik misilittagaqarluartoq
  • Ilusilersuillaqqissoq suliassanillu assigiinngiiaartunik suliaqartarnermik nuannarisalik
  • Tuluttut danskisullu allalluarsinnaasoq oqalulluarsinnaasorlu, oqaatsit taakkua atorlugit imaqarniliorluarsinnaasoq, innersuussutiliorsinnaasoq, sulianut nassuiaasiorsinnaasoq assigisaannillu. Kalaallisut oqalussinnaaneq iluaqutaassaaq
  • Issittumi ilisimatusarnermut tunngasunik ilisimasaqarluartoq, kiisalu Kalaallit Nunaanni inuiaqatigiinni politikkikkullu pissutsinik ilisimasaqarluartoq.


Inuttut imaattuussasutit naatsorsuutigaarput

  • Akisussaassuseqarluartuuvutit suleqatigiinnilu suleqataalluarsinnaallutit
  • Piginnaasaqarluartuuvutit anguniagaqartartuullutillu, peqqissaartuuvutit tunniutiinnajasuunallu
  • Sulianik arlalinnik ataatsikkut suliaqarsinnaavutit, suliat aalajangeeqataaffigisatit ingerlaavartut suliakkiutigineqartullu nukissaqarfigilluartarpatit
  • Tatiginartuuvutit, attavigisanik pilersitsillutillu attassisinnaasoq, sulineq nuannarisarivat kiisalu Nunatsinni nunanilu allani pisunik assigiinngitsunik soqutigisaqartuullutit.
  •  

Atorfinitsinneqarneq
Kissaatigineqarpoq atorfininneq 1. april 2021 pissasoq imaluunniit ulloq atorfiniffissaq aamma isumaqatigiissutigineqarsinnaavoq.

Akissarsiaqartitaanermut atorfeqarnermullu tunngasut
Pinngortitaleriffimmi atorfeqassaatit IAH-p allaffeqarfiani pisortaq akisussaasoralugu.

Atorfik Danmarkimi Kalaallit Nunaannilu Aningaasanut Inatsimmit aningaasalersugaavoq.
Atorfik aalaakkaasumik atorfiuvoq Aningaasanut Inatsisip aningaasaliisarnera naapertorlugu atorfiusoq. Atorfik maannamiit Aningaasanut Inatsimmit 2022-p tungaanut aningaasaliiffigineqareerpoq.

Atorfik tamakkiisumik atorfiuvoq (sap.ak. akunneranut akunnerni 40-ni suliffiusartoq), Nuummi allaffeqarfimmi inissisimavoq. Atorfimmut atatillugu angalasarnissaq naatsorsuutigineqassaaq.

Atorfinitsitaanermi akissarsiaqartitaanermilu atugassaritaasut naapertorlugit atorfinittoq atorfininnermut soraarnermullu atatillugu nuunnermi akiliutsilluni angalanissamut pisinnaatitaaffeqarpoq Namminersorlutik Oqartussat kattuffiullu isumaqatigiissuteqarfigisap akornanni isumaqatigiissutaasut naapertorlugit.  

Ineqartitaaneq
Atorfimmut atasumik ineqartitsisoqarsinnaanngilaq. Atorfimmut qinnuteqartoq Namminersorlutik Oqartussani atorfigisaminut atasumik ineqareersimaguni, atorfimmut atasumik inimik qinnuteqarnissamut pisinnaatitaaffini tigummiinnassavaa. Atorfimmut atasumik inigisaq atorfimmut atasuummat, atorfigisamit soraarnermi qimanneqassaaq.

Atorfimmut qinnuteqarnissamut ulloq killissaritaasoq: 7. februar 2021.
International Arktisk Hub atorfillu pillugit annertunerusumik paasisaqarusukkuit IAH-p allaffeqarfiani pisortamut Anna-Sofie Skjervedal saaffiginninnissamut tikilluaqqusaavutit oqarasuaammut uunga: tlf. +299 36 12 89, mail: iah@iah.gl 

Internationale Arktiske Hub pillugu 
International Arktisk Hub Kalaallit Nunaanni kalaallit, danskit nunanilu tamalaaneersut ilisimatusartartut sulineranni Issittumillu soqutigisaqartut tunngaviattut asseqanngitsumik atuuffeqassaaq. IAH-p suliaanut ilaapput ilisimatusarnermut tapertaasunik suliniuteqartarnerit. Ilisimatusartartut Kalaallit Nunaanni Issittumilu ilisimatusartartoqatigiiaat akornanni suleqatigiinnermik oqaloqatigiittarnernillu aallarnisaasarneq; Kalaallit Nunaanni eqqaanilu ilisimatusarnissamut periarfissanik ataatsimut isiginninnissamut aqqutissiueqataaneq; maannakkut ilisimatusarnerit Kalaallit Nunaanni ilinniartitaanermut avatangiisinut ilanngutsinneqartarnissaannik suliniuteqartarneq, kiisalu ilisimatusarnermi, inuussutissarsiornermi suliffissuaqarnermillu susassareqatigiiaanik suleqatigiissitsillunilu ataatsimoortitsisarneq ilisimasanillu ingerlatitseqqiisarneq. Politikkikkut anguniakkat, takorluukkat IAH-mullu najoqqutassatut isumaqatigiissutit pillugit paasisaqarusukkit uani atuakkit:
https://ufm.dk/forskning-og-innovation/internationalt-samarbejde/polarsamarbejder/den-internationale-arktiske-hub).

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk