Gå til hovedindhold
76

Dette jobopslag er udløbet

Allagarsiuteqqitaq - Perorsaasoq Meeqqat Angerlarsimaffiat Tupaarnaq / Atorfiup ilisarnaataa 30/21

Meeqqat angerlarsimaffiat inissaqartitsivoq meeqqanut 9-nut 6-18nik ukiulinnut. Immikkoortortaqarfinnut marlunnut agguarnikut. Sullitassat tassaapput paarinerlugaasimasut , ineriartornermut allatigut akornuserneqarsinnaasut aammalu pitsaasumik ineriartorsinnaasut.  Sulisut amerlassusiligaanerat Pisortaq, immikkoortortami aqutsisut marluk, perorsaasut sisamat, isumaginninnermi ikiortit marluk, ikiortit marluk asaasoq aammma nerisassiortoq ataaseq.

Meeqqat angerlarsimaffiat aallartisarneqarpoq ukioq 2005. Meeqqat inuusuttullu Tupaarnaq-mut inissinneqartut Nuumminngaanneerput, Meeqqat angerlarsimaffiata inissisimaffiani.  Tamannalu ima paasineqassaaq ilaqutaasut allallu attaveqaataasut pingaartippagut perorsaanermik suliaqarnermi aammalu periusissani. Sulineq salliutipparput attuumassuteqartunut tamaginnut.  Misilittakkavut naapertorlugit ilaquttat pingaaruteqartut meeqqap ineriartorneranut atugarissaarneranullu.

Ulluinnavut aaqqissuulluagaapput siumullu ilisimariikkagut annertupput. Isumaqarpugut isummat marluk atorlugit toqqissisimaneq pilersitsinneqartartoq, meeqqap ineriartornera imminut tatigaluni aammalu avatangiisinut tatiginninnera pingaarnerpaatillugit.

Sammisassaqartitsisarnivut qaffasissumiipput, naluttarfimmiittarpugut, sisorarfinniittarpugut timersoqatigiiffinnilu, sapinngisamik annertuumik.  Timikkut atugarissaarnerulernissap sammineqarnerunissaa, timip aalasinnaassusiata ineriartortinnissaa, peqqinnartumik aammalu ineriartornerisa toqqammavissaat ilikkagassatigullu piginnaasanik, eqqarsartaatsikkut aammalu misigissutsitsigut unammilligassat soorlu meeqqat tulleriissaarinermi pigeriigaat.  Tunngaviusumik isumarput tassaavoq, iluaqutaasussamik ilinniassagaanni inuiaqatigiinnilu inooriaaseq paasiniassagaanni, taava meeraq avatangiisini assigiinngitsuni ataqatigiissitsinermilu sammisatsinni unammillerneqassaaq .  Taamaammat pingaaruteqarpoq illit suleqataasutut peqataasinnaanerit sammisassanilu meeqqanut tunniunneqartunut.  Sammisassaqartitsinerit attaveqatigiinnissamut tunngaviliisutut paasineqarsinnaapput, pingajuattut  oqaluttuat ulluinnatsinnut attuumassusilittut.

Meeqqat  paaqqinniffimmiittut tamarmik aasamut atuanngiffimmi aallaartarput.  Aasaanerani qaammatit marluk tuperluta aallaarsimaartarpugut (Ameralla/kilaarsarfik) kangerluit qinnguini. Tassani meeqqanut ineriartornermut tunngasut sammisarpavut.  Imminut ataqatigiinnissamik suliaqarpugut, ataatsimooqatigiinnermut paasinninneq, silami piginnaasat, timikkut eqqarsartaatsikkullu unamminartut/assorornartut, piniarneq aalisarnerlu, timersorneq, suleqatigiinneq, eqqaamannissinnaanerit minnerunngitsumillu pisussaaffiit suliassallu isumaginissaat qaqqani najugaqarnermi. Påskeferiami/ukiukkullu nalinginnaasumik Qoornumut angalarsapugut ullut 10-12, anori silalu apeqqutaatillugit.  Ukiukkut sammisassat maani ingerlanneqartarput, sisoraatit, sisooraarutit, illuikkiornerit, qaqqani aqisserniarnerit aalisarnerlu.  Taakku saniatigut pisussaaffeqarpoq, imiliassamik nilattarnerit, nerisassiorneq, siparni imaarlugu (perusuersartarfik kuuffittaqanngitsoq) erruineq nalinginnaasumillu iluarsaassineq illup iluani.

Ukioq allortarlugu sulissutigisarparput paaqqinnittarfimmi najugallit Danmarkimut angalanissaat, meeqqat inuusuttullu inissinneqarsimasut timersornermi naapeqatigiiffiannut.  Orøstrand paaqqinnittarfik naapeqatigiinnissamut aggersaasuusarpoq.  Peqataasut nunanit assigiinngitsuneersuupput, naapeqatigiinnerlu kultureqassutsimut paasinninnermi aammalu ingerlatitseqqittarnermut atorneqartarput.  Angalanerup sivisussusaa nalinginnaasumik sapaatip akunnerinik 3-nik sivisussuseqartarpoq.

Nukissaqarluartunik namminersorluarsinnaasunillu suleqatissatsinnik pissarsiorpugut, piffissani nikerartunik sulisinnaasumik.   Sulisunik tatiginninnermik isumassuinermillu pilersitsisinnaasunik aammalu killiliisinnaasunik maligassiuisinnaasunillu pissarsiorpugut  Illit suliffigisassanni nalinginnaasumik qaammammut ulloq unnuarlu pigaartuunerit 4-5. Sapaatip akunneranut 40 tiimiusuni nakkutilliisuunermi nakkutilliisut inaat amerlassusiliinermi atuutinngilaq.  Taamaattumik nalinginnaasumik tiimimut akissarsiaqassaatit siniffiusut nalaanni. Taakku saniatigut unnukkut pigaartuunerit 14-22 aamma ullukkut nakkutilliinerit 7-15 sapaatip akunnerisa naaneri allortarlugit. 

Ilaatigut suliassaqarfiit tassaassapput:

Sammisassanut aallartisaaneq.

  • Angalaqataanerit aammalu aallaarsimaqataanerit.
  • Attaveqaataanissaq.
  • Assigiinngitsunik katsorsaanermi suliaqarnermi peqataaneq.
  • Angajoqqaanut suleqatigiinnermi peqataanissat.

Naatsorsuutigaarput illit:

  • Perorsaasutut ilinniagaqarsimassasutit aamma meeqqanut paarinerlugaasimasunut suliaqarnermi misilittagaqarnissat imaluunniit assingusumik.
  • Paaqqinnittarfimmut suliatigut qaffasissutsimut suliffimmilu avatangiisit pitsaanerulersinneqarnissaanut peqataassaatit.
  • Suliamut tunngasunik aammalu inuttut ineriartornermut ammasuunissat.
  • Inoqaternut inuppalaartuunissat paasinnissinnaasutillu. 

Perorsaanermik ilisimasalinnik avatangiiseqarfiusumi perorsaanermut attuumassuteqartumik sulisinnaasutit. Tunngaviit aamma atuagarsorneq aallaavigallugit sulivugut.

Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfik inissartaqanngilaq:
Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 30/21, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit: 
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 03. februar 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Birgit Løvgreen Andersen
Telefon: +299 366911
Mobil: +299 557293
Nittartagaq: http://www.sermersooq.gl
Qinnuteqaat nassiutiguk