Gå til hovedindhold
77

Dette jobopslag er udløbet

Peqqissaanermik Ilinniarfimmi pikkorissarnermut immikkoortortaani allaffimmi fuldmægtige

Peqqissaanermik Ilinniarfimmi allaffimmi fuldmægtigimik pissarsiorpugut

Pikkorissaanernut immikkoortortaqarfitsinni suliassanut tunngatillugu allaffissornikkut ingerlatsinermik isumaginnissinnaasumik pissarsiorpugut.

Atorfiniffissaq:  Aprilip aallaqqaataaniik immikkulluunniit isumaqatigiissuteqarnikkut.

Atorfik
Makku suliassatut naatsorsuutigineqarsinnaapput:

  • Pikkorissaanernut immikkut ilisimasalittut ilinniartitaanernut, ilinniaqqinnernut modulikkuutaartunillu ilinniartitaanernut atatillugu allaffissornikkut suliassat
  • Angalanissanut tamatumunngalu atatillugu inissanik inniminniinerit
  • Akiliuteqartitsilluni pikkoriissaanernut assigiinngitsunut naatsorsuuserineq tamatumunngalu atatillugu akiligassiineq


Naatsorsuutigaarput:

  • EVU/HK allaffissornermulluunniit tunngatillugu allamik ilinniagaqarsimanissat
  • Allaffissornikkut ingerlatsinermik assingusumik misilittagaqarnissat
  • Regnskabimut misilittagalik
  • Qarasaasiarsorsinnaanissat
  • Kiffartuusserusussuseqartuunissat, aaqqisuussamik suleriaaseqarnissat suleqatiginnissinnaassuseqarnissallu
  • Illugiinnik kalaallisut qallunaatullu oqaaseqartuunissat


Sap. ak. nal. ak. 40-it suliffiupput.

Paasissutissat allat
Atorfik pillugu sukumiinerusumik paasisaqarusukkuit Tullersorti Else Thygesen oqarasuaatikkut: 349950/349382, e-mail: ethy@nanoq.gl imal. allaffimmi aqutsisoq Johanne Jørgensen oqarasuaatikkut: 349950/349956, e-mail: jjor@nanoq.gl. attavigisinnaavat.

Kalaallit Nunaat Namminersorlutillu Oqartussat pillugit sukumiinerusumik paasisaqarusukkuit nittartakkami www.nanoq.gl - mi qulequttap Atorfiit nalaani alakkaasinnaavutit. 

Qinnuteqaat
Qinnuteqarfissatut killiliussaq: 2. februar 2021.

Qinnuteqartunik oqaloqateqarnissaq sap. ak. 5-mi pisussatut naatsorsuutigineqarpoq.

Namminersorlutik Oqartussat naatsumik oqaatigalugit
Kalaallit Nunaanni namminersorneq eqqunneqarpoq juunip 21-ani 2009. Namminersorlutik Oqartussat Naalakkersuisoqarfinnut qulinut agguakkamik 650-illu missaannik sulisulimmik qitiusumik aqutsisoqarfeqarput, taakku ataanni immikkoortortarpassuaqarpoq katillutalu 2500 missaanniippugut.
Naalakkersuisoqarfiit politikkikkut aalajangiinissamut patajaatsumik tunngavissinnissaasa qulakkeerneqarnissaa politikkikkullu aalajangiussat piviusunngortinnissaat, qitiusumik aqutsisoqarfiup suliassarai. Innutaasunik 56.000-iusunik qanimut sullissinissaap piviusunngortikkiartuaarnissaa, pisortaqarfiit iliuusissatut siunniussaasa pingaarnerit ilagaat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk