Gå til hovedindhold
84

Dette jobopslag er udløbet

Ilinniartitaanermut kiisalu pædagogikkimik ineriartortitsinermut Instituttimi AC-fuldmægtigi

Ilisimatusarfimmi Ilinniartitaanermut Institutti AC-fuldmægtigimik pissarsiorpoq Instituttip iluani kiisalu pædagogikkimik ineriartortitsinermi allaffissornermik suliaqartussamik.   
Ilinniartitaanerup kiisalu Pædagogikkimik Ineriartortitsinerup iluani suliassaqartassaaq. Atorfik Instituttimi pisortap ataani inissisimavoq.

Atorfiup allaaserinera
CPU Ilinniarnertuunngorniarnermi pædagogikkimik kiisalu Ilisimatusarfimmi pædagogikkimik suliaqarnermi qitiuvoq, taamatullu pædagogikkip, didaktikkip ilinniartitaanerullu iluanni ilisimatusartunik sulisoqarluni.

AC-fuldmægtigitut allaffissornermi qitiussaatit, suliassappillu pingaarnersarissavaa CPU-mi aqutsisullu sinnerini eqqarsarluarnermik allaffissornermillu tapertaaneq. Immikkoortortami pisortaq qanimut suleqatigissavat atuuffinnilu pingaarnerpaat ilagissavaat ulluinnarni allaffissornermik suliaqarneq, taamaalilluni immikkoortortami ilinniartitsisut ilisimatusartullu sapinngisartik tamaat atuartitsinermik, ilisimatusarnermik siaruarterinermillu aallussilluarneruniassammata.

Suliassat pingaarnerit tassaassapput allaffissornerup aqunneqarneranut tunngasut, ilaatigullu makkuninnga imaqassallutik:

  • Ilinniarnertuunngorniarnermi aaqqissuussinermik akisussaasoq
  • Ilisimatusarnerup pædagogikkiani aaqqissuussinermik akisussaasoq
  • Ilinniarnertuunngorniarnerup pædagogikkianik ingerlatsinermi allaffissornikkut suliassat, tassunga ilaallutik immikkkoortortami pisortaq suleqatigalugu angalanerit akiligassartaasa, angalanerit nalaanni najugaqartitsinerit taakkualu isumagisassartaasa nakkutigineri.
  • CPU-mi sammisassanik aningaasartaannillu piareersaasiorneq aqutsinerlu.
  • CPU-mut aningaasaliissutit taakkununngalu tunngatillugu ilisimatusaatissat allaffissornikkut qitiusumik aqunneqarnerat.
  • Aningaasaqarnermut akisussaasoq peqatigalugu aningaasaliisunut nalunaarusiornerit.
  • Sammisanut inooqatigiinnermullu tunngasunik aaqqissuussinerit ataatsimiinnerillu pilersaarusiorneri, piareersaasiorneri ingerlannerilu.
  • Nutaarsiassanik qulakkeerinninneq, tassani ilaallutik Ilisimatusarfiup nittartagaata inuillu qarasaasiakkut naapittarfiini nutaarsiassat imarisaat.
  • Instituttimi aqutsisut ataatsimiinnerini, sulisut ataatsimiinnerini kiisalu Instituttimi Siunnersuisooqatigiit ataatsimiinnerini imaqarniliornerit.
  • Ukiup ingerlarna, Instituttimi aqutsisunut tapertaaneq nalunaarusiornerlu.
  • Suliassat assigiinngitsut piareersaasiorneri.


Sulisussarsiariniagarput makkuninnga piginnaasaqassaaq:

  • Akademikeritut naleqquttumik ilinniagalik
  • Aqutsinermik allaffissornermillu misilittagalik
  • Sullerissoq, namminersorsinnaasoq aammalu immikkoortitaarinernik peqqissaarnermillu pingaartitsisoq
  • Aningaasaqarnerup tungaatigut misilittagalik
  • Office-pakkimik ilisimaarinnittoq
  • Minnerpaamik marluinnik oqaasilik; kalaallisut, qallunaatut imaluunniit tuluttut


Pingaartipparput:

  • Suleqatikkuminartuusutit ilakkuminartuullutillu, taamatuttaarlu piumasaqaatinik naapertuisuusutit
  • Aaqqissuussinernik piginnaasaqartutit, ataatsimut isiginnissinnaallutit tulleriiaarillaqqittutillu
  • Ulluinnarni aqutsinermi piareersaasiornermilu aningaasaqarnikkut ajornartorsiutinik takunnissinnaasutit
  • Suliassanik katitikkanik isumaginnissinnaasutit aaqqissuussisinnaasutillu
  • Suliat inernerinik pingaartitsisuusutit, pisussaassutsinnik ilaginnaasuunngitsutit attavikkuminartuusutillu
  • Sulianik arlalinnik ataatsikkut ingerlataqarsinnaasutit
  • Ilakkuminartuusutit, sungiussiasuullutit suleqatikkuminartuullutillu
  • Namminersorsinnaasutit, akisussaaffimmik tigusisinnaallutit suliannillu naammassinnittarlutit
  • Ujartuisuusutit, aallartitserusussusilik unammilligassanullu ammasuusutit
  • Inooqatigiinnerup tungaatigut piginnaasaqarluartutit nunarsuarmioqatigiillu akornanni pissuserissaartuullutit
  • Sullivimmi ineriartorfiusumi suliassanut Instituttillu ineriartortinnerani toqqissisimasumik suleqataasinnaasutit.


Isumaqatigiinniikut Atorfik piaartumik inuttalerneqassaaq.

Attavigisassat/ilisimatitsissutit:
Atorfik pillugu sukumiinerusunik paasisaqarusukkuit, tikilluaqquneqarput attavigissallugu Institutimi pisortaq Britta Lohmann på tlf. (+ 299) 385702. 

Ilisimatusarfik pillugu paasisaqarnerorusukkuit paasissutissat allat atuarsinnaavatit uunga iserlutit www.uni.gl

Ilisimatusarfik pillugu.
Ilisimatusarfik – Grønlands Universitet – issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
 
Ilisimatusarfik sisamanik instituteqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik


Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut.
Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq.  Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk