Gå til hovedindhold
77

Dette jobopslag er udløbet

Allagarsiuteqqitaq - Aqutisoq utoqqaat illuat Puilasunnguiani / Atorfiup nr. 694/20

Kommuneqarfik Sermersooq Paamiuni Puilasunnguanut aqutsisumik pikkorissumik kajumissuseqarluartumillu pissarsiorpoq isumaqatigiissuteqarnikkulluunniit atorfinittussamik.

Utoqqarnik sullisserusuppit, aqutsisutut misilittagaqarpit, utoqqarnilli ulluinnarni oqaloqateqartarnissaq maqaasisarlugu, taamaappat atorfik una ilinnut piukkunnarsinnaava?

Innuttaasut atugarissaarnerat inuunerannilu pitsaassusaat qitiutillugit aqutsisoqatigiit ineriartorneranni peqataarusuttumik Utoqqarnik sullissineq aqutsisussarsiorpoq.

Puilasunnguit pillugit – Utoqqaat illuat suleqatigiiffiulluartoq
Puilannguit tassaavoq utoqqaat illuat marlunnik immikkoortortalik 24-nut ineqartunut inissalik. 18-inik sulisoqarpoq, taakkunannga peqqinnissamut assistentit marluk, peqqinnissamut ikiortit marluk isumaginninnermilu ikiorti ataaseq. Taakku saniatigut eqqiaasut marluk, sammisaqartitsisartoq ataaseq, pedel ataaseq, pedelip ikiortaa ataaseq, iggavimmi aqutsisoq ataaseq ikiortaalu marluk, igaffimmi ikiorti ataaseq sulisorineqarput.

Utoqqaat illuat nutaajuvoq peqqinnissaqarfimmullu atasutut inissisimalluni. 

Ukioq 2019-imi Paamiunut tunngatillugu isumaqatigiissut atulersinneqarpoq, kingunerisaanillu susassaqarfiit arlallit pillugit peqqinnissaqarfiup utoqqaallu illuata akornanni suleqatigiissutigineqarlutik. Ilaatigut pillorissaasoqarpoq ataatsimut atorneqartumik, taassumalu angerlartitsereernerup kingorna ataqatigiissumik ingerlanneqarnera qulakkeertarpaa Taamatut suleqatigiinnerup ingerlatiinnarneqarnissaa ukkatarineqarluarpoq, taamaattumik tamassuma qulakkeernissaanut aqutsisussap soqutigalugu ingerlatarisussaavaa.

2020-p naanerani Paamiuni angerlarsimaffimmi ikiortit utoqqaat illuannut nuupput, taamaattumik angerlarsimaffimmi ikiortit aqutsisuata utoqqaat illuanni aqutsisoq qaninnertut qullersarivaa.

Atorfik pissanganartoq amerlasuutigut ineriartorfissanik periarfissalik.
Aallaavittut illit aqutsisutut ulluinnarni utoqqaat illuanniittassaatit. Siuttuussaatit sulisunullu allanut maligassiuisuullutit.

Taakku saniatigut sulerusussuseqassaatit, ineriartortitsinermik maanna siunissamilu suliniutissanik pilersitsiniarnermik misilittagaqarsimallutit. Sulisut allat qanimut suleqatigalugit najugaqartunut, inuttaasunut sulisunullu iluaqutaasussamik nutaaliornissamik eqqarsarnissannut suleriaatsinik nutaanik misilittaanissannut sapiissuseqassaatit.

Utoqqarnik sullissinermi sulisut suliaminnut piumanissaat kajumissuseqarluarnissaallu anguniagaraarput, aamma tamatumunnga atatillugu napparsimasarnerit ikilisinneqarnissaat. Taamaalillutit sulisoqarnikkut unamminarsinnaasut assigiinngitsut isumaginissaannut sapiissuseqarfigissavatit, kiisalu sulisut inuttut atugai pillugit oqaloqatigisarnissaannut sapiissuseqarlutillu ajornanngippat misilittagaqarfigissallugit.

Utoqqarnik sullissinermi fagchefiusoq qanimut suleqatigisassavat, kiisalu utoqqarnik sullissinermi immikkoortortat allat akimorlugit aqutsisoqatitit suleqatigisassallugit.

Qinnuteqartunut naatsorsuutigisat:

  • Peqqinnissamut ilinniagaqarsimasuunissat aamma ajornanngippat aqutsinermik ilinniagaqarsimassasutit.
  • Utoqqarnik sullissinerup iluani misilittagaqartuusutit, matumani ilisimasat, misilittakkat ineriartorusussuserlu pingaaruteqarluinnartutut inissisimatinneqarlutik.
  • Unammillernarsinnaasunik inissaqartitsisinnaaneq
  • Sulisunik aqutsinissamut allaffissornermullu misilittagaqarluartuussasutit, pitsaasumik aningaasaqarnikkut aqutsisinnaaneq ilanngullugu.
  • Suliniutinik nutaanik atuutsitsinissamut ineriartortitsinissamullu misilittagaqassasutit.
  • Illup avataanit illullu iluani suleqatinik, suliaqarfinnik assigiinngitsunik aammalu ineqartunik qanigisaannillu suleqateqarluarsinnaassasutit.
  • Politikkimut tunngasuni aaqqissugaassusermi suliaqarnermik misilittagaqassasutit, matumani allanngorarfiujuartumi aaqqissuussaanermullu piumasaqaateqarfiusumi.
  • Kommunip takorluugai, periusissiaani aqutsinikkullu tunngavigisaa aallaavigalugu anguniagaqartumik aaqqissuussaasumillu suliaqarsinnaassuseqassasutit.
  • Aaqqissuussaaneq akimorlugu suleqatiginnillaqqissuseqarneq
  • Pitsaasumik attaveqatigiinneq

Pingaartipparputtaaq:

  • Aalajaatsuusutit pitsaassutsimillu pingaartitsisuusutit
  • Isumalluartuullutillu ilakkuminartuusutit
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit
  • Namminersorlutit sulisinnaanissat akisussaassuseqarlutillu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu
  • Kalaallisut allattariarsornikkut oqalunnikkullu paatsoorneqarsinnaanngitsumik ersarissumillu attaveqaqatigiissinnaaneq, qallunaatut pitsaaqutaassaaq piumasaqaataanngilarli

Neqeroorutigaavut:

  • Suliffeqarfimmi ineriartortitsineq, akisussaaqataaneq sunniuteqaqataasinnaanerillu pingaartinneqartut
  • Suliffik avatangiisigissaarfiusoq isumalluarfiusorlu
  • Suliffik pissanganartoq assigiinngisitaartunik unammilligassarpassuarnillu suliassaqarfiusoq
  • Fagchefilu qanimut suleqatigiinneq, kiisalu utoqqarnik sullissinermi sulisullu allanik suleqatigiinneq, ilaatigut innersuussisartut, angerlarsimaffimmi ikiortit aamma utoqqaat illuanni aqutsisut ilanngullugit
  • Pitsaasumik ilisarititsineq sungiusarneqarnerlu

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, PPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Atorfiup nr. 694/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 19. januar 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Isabella Schluchtmann
Telefon: +299 368165
Nittartagaq: http://www.sermersooq.gl
Qinnuteqaat nassiutiguk