Gå til hovedindhold
114

Dette jobopslag er udløbet

Aalisarnermi siunnersorti, Upernavik

Royal Greenland A/S Upernavik pikkorissumik aalisarnermi

Royal Greenland suliffeqarfiuvoq ineriartupiloortoq, aamma amerliartortuarsinnartunik aallutaqarlunilu sulisoqarpoq.


Aalisarneq pillugu maleruagassat atuuttut pillugit ilisimasaqarluassaatit. Tamatumani maleruagassat inuussutissarsiutigalugu aalisarnermut akuersissutinik aalisariutinut assigiinngitsunut agguaasarnermut tunngasut pineqarput, aammali aalisartut soorlu aalisariummik il.il. pisinermut tapiiffigineqarnissaannut piumasaqaatit ilisimasaqarfigissavatit.

Aalisarnermi siunnersortitut sulininni suliassatit ilaatigut makkuussapput:

  • Aalisarnermik ineriartortitsinissamut periarfissanik ukkassineq
  • Aalisartunut atassuteqarneq
  • Aalisartunut pitsaassusilerinermut siunnersortaaneq
  • Tunisinermi periutsinik pitsanngorsaaneq
  • Sumiiffiit aalisarfiusinnaasut aalisakkallu pissuseqatigiiaat nutaat pillugit aalisartunit paasissutissanik eqqumaffiginninneq
  • RG-ip qaleralinnik annertunerusunik pilersorneqarnissaanik qulakkeerisussanik suliniutinik pilersitsineq
  • Tunisassiorfimmi ingerlatsisut suleqatigalugit aalisartunut atassuteqarluarneq
  • Aalisariutinik aalisaatinillu pisiortortunut aalisarnermi siunnersortaaneq
  • Suliniutinik assigiinngitsunik ingerlatsineq suliassaagallartunillu aalajangersimasunik suliaqarneq

Tunuliaquttat:
Inuttut imaapputit:

  • Atortunik pisiortornermut qinnuteqarnissamut periutsit inuussutissarsiutigalugulu aalisartunut tapiissuteqarnermut malittarisassat ilisimasaqarfigaatit
  • Aalisarnermik aallussineq misilittagaqarfigaat aalisarnerullu silarsuaani pisut malinnaaffigaatit
  • Allaffissornermik tamatumani Namminersorlutik Oqartussani aalisarnermut immikkoortortami sulinermik misilittagaqarluarputit, aamma/imaluunniit inuussutissarsiutigalugu aalisarnermik misilittagaqarluarputit
  • Peqqissaartumik sulisarputit/inussiarnersuuvutit piumassuseqarluarlutillu
  • Kalaallisut qallunaatullu allassinnaallutillu oqalussinnaaguit iluarineqassaqaaq, piumasaqaataanngilarli
  • Nutaanik ilikkagaqarusuttuuvutit pitsanngorsaaqataasinnaallutillu

Royal Greenlandip neqeroorutigai
Suliffeqarfimmi ineriartortinneqartuarsinnartumi atorfik pissanganartoq suleriaasitsinnut sunniuteqarlutit suliffigisinnaasat.


Suliffeqarfissuarmi nunani assigiinngitsuni immikkoortortalimmi pissanganartumi ineriartortitsinermillu pingaartitsilluni sulinermi atukkatigut pitsaasunik atugaqartitsisumi suliat tungaatigut inuttullu ineriartornissamut periarfissaqarfiusoq piginnaasatillu naapertorlugit akissarsiaqartitsisoq.

Minnerunngitsumillu suleqatit pikkorissut sullarissullu.

Ingerlatseqatigiiffimmi suliatigut aallussat sulisunit naammagisimaarneqarnissaannut tunngasunik siunissamilu ukkatariuaannarusutatsinnik suliaqangaatsiartarpugut.

Qinnuteqarneq
Atorfik inuttassarsiuussaq pillugu paasisaqarnerorusukkuit aalisarnermi siunnersorti Edvard Olsen sianerfigalugu allaffigaluguluunniit attavigisinnaavat:

+299 59 08 00, mail edol@royalgreenland.com imaluunniit Sulisoqarnermut siunnersortaaneq Søren Olsen Damgaard på mobil +299 54 75 87, mail sold@royalgreenland.com attavigiuk.

Atorfik inuttassarsiuussaq nittartagarput aqqutigalugu qinnuteqarfigisinnaavat: www.royalgreenland.gl

Ulloq qinnuteqarfissaq kingulleq: 14. decembari 2020

Tutsiunnissannut qilanaarpugut.

Qinnuteqaat nassiuguk