Gå til hovedindhold
101

Dette jobopslag er udløbet

KALAALLIT NUNAATA NUNARSUARMI TIMIMIK AALATITSINERPAANNGORNISSAANUT SULEQATAARUSUPPIT?

Kalaallit Nunaanni Timersoqatigiit Kattuffiata takorluungarivaa ukioq 2030-mi nunarsuarmi timimik aalatitsinerpaanngornissaq, takorluukkallu angunissaanut Timersoqatigiit Kattuffiata allaffiani Ineriartortitsinermi Siunnersortimik atorfimmik inuttassarsiuivugut.

 

Ilisimavarput timimik aalatitsineq timikkut, anersaakkut tarnikkullu peqqissutsitsinnut qanoq pingaaruteqartiginera. Anguniagaraarpullu innuttaasut timiminnik aalatitsinerulernermikkut toqqissisimanerullutillu inuulluarnerulernissaat. Nuannaarneq, toqqissimaneq ataatsimoorussaqarnerillu aammalu peqqinnartunik pingaartitsinerit atornerusariaqarpavut. 

Uagutsitulli takorloorpiuk 2030-mi Kalaallit Nunaat  nunarsuarmi timimik aalatitsinerpaanngpornissaa? Suliffeqarfimmi ineriartortuartumi ingerlajuartumilu sulerusuppit? Timersoqatigiit Kattuffii peqatigiiffiillu immikkut aaqqissuiffiusartut imminnut qaninnerulerlutik suleqatigiinnerulernissaallu aqqutissiuukkusuppiuk? Taava immaqa atorfik una ilinnut soqutiginarsinnaavoq. Atorfik inuttassarsiutarput Inerititsiniarnermi siunnersortitut atorfiuvoq, ilaatigut makkuninnga suliaqarsinnaasumik atorfimmi inuttassarsiorpugut:     

 

AKISUSSAAFFIIT / SULIASSAT
Ingerlatassani allaffeqarnikullu pissutsit

  • Timersornerup iluani kattuffinnik siunnersortitut suliaqarneq ineriartortitseqataanerlu.  Timersoqatigiiffinnik utoqqaallu timersortarnerini siunnersuineq ineriartortitsinerlu   
  • Faxe Kondip aningaasaliissutaanik aqutsineq nakkutiginninnerlu. Ilaasortat allattorsimaffiannik aqutsineq nalunaarsuinerlu.
  • Timersornerup silarsuaani anginerusunik aaqqissuussisoqartillugu allaffissornikkut ataqatigiissaarineq (assersuutigalugu Arctic Winter Games imaluunniit Island Games-eqartillugu sulianik ingerlatsineq)  
  • GIF-mi Elite Sport Greenlandimilu allaffissornermi suliassanik ingerlatsineq  
  • Kajumissutsimik suliaqartunik sullissineq ineriartortsinerlu

Piginnaasatigut ineriartortsineq

  • GIF-ip pikkorissaanermut pulje-anik ataqatigiissaarillunilu nakkutiginninneq

  • Piginnaasatigut ineriartortitsinermi kattuffiit quligiluaasut peqatigiiffiillu kattuffeqanngitsunut ineriartuutaasumik sullissineq ataqatigiissaarinerlu.
  • Pikkorissaanissamik ataqatigiissaarinermi pikkorissaanermillu suliaqarneq. Pikkorissaanerit kattuffinnut, peqatigiiffinnut susassaqartunullu tamanut kajumissutsimik suliaqarnerup nukittorsarneqarnissaanut ineriartortinneqarnissaanullu siunertaqarput, ilaatigut sungiusaasunik, aqutsisunik, kajumissutsimik suliaqarnermi pikkorissaaneq, timersornerup meeqqat piginnaatitaaffiinut tunngasuusinnaasunik tunngassuteqarsinnaasut.
  • Susassaqartut ilisimasallillu suleqatigalugit pikkorissaanermi atuartitsissutissanik ineriartortsineq.
  • Piginnaasatigut ineriartortitsinermi suliat pitsaassusaat qulakkeerniarlugu nalilersuiuarneq. Siunertaavoq sumiiffinni naleqquttumik ineriartortitsinissaq.

Aalatitsinerulernissamik ineriartortitseqataaneq

  • Timersoqatigiit peqatigiiffii, kattuffii, Elite Sport Greenland kommune-llu suleqatigalugit nunarput tamakkerlugu sumiiffinni assigiinngitsuni timimik aalatitsinerulernissamik suliniutinik pioreersunik nutaanillu ineriartortitsinermi suliaqarneq.

  • Timimik aalatitsinerulernermik sammisaqartitsinerit pilersinneqarsimasut ataavartumik sumiiffinni assigiinngitsuni ingerlajuarnissaanik peqatigiiffiit, kattuffiit kommunellu suleqatingalugit ingerlatsinerit.           

SULAT PILLUGIT  PIGINNAASAT
Naatsorsuutingaarput:

  • Timersorneq timersornermilu peqatigiiffiit pillugit ilisimasaqarluarnissat, kiisalu allaffisornikkut pisussaaffiit pillugit misilittagaqarnissat.  
  • Peqatigiiffilerinermik ilisimasaqarneq, kiisalu peqatigiiffilernermi unammillernarsinnaasut periarfissarsiorsinnaanermik takunnissinnaanissat, ineriartortitsisinnaanerlu peqatigiiffiit kattuffiillu suleqatigalugit.
  • Suliannik siammarterisinnaaneq suliaqarnermi pikkoriffigaat, aammattaaq oqalloripputit, - minnerunngitsumillu allattariarsornermi oqaloqatigiinnermilu pillaqqipputit. Aammattaaq suliassanik nutaaliorlunilu suliassanik saqqummiisinnaassuseqarputit, suliassani ataqatigiissaarisinnaavutit siammarterisinnaallutillu.     
  • Nammineerlutit suliassanik aaqqissuussanik siunertalinnillu sulisinnaavutit, suleqatit akornini allanillu suleqateqarnerni suleqatigiuminartuussaatit. Allanik suleqateqarnissanut ammasuussaatit, suleqatigiissutissanillu nassaallaqqillutillu  suleqatigiisitsisinnaassaatit.
  • Attaveqarsinnaaneq nukittuffigissavat.
  • Pissutsinik misissueqqissaarsinnaaneq piginnaaneqarfigissavat.
  • Timimik aalatitsinermik timesornermillu soqutigisaqartuussaatit.
  • Sulianik siunertalinnik nassaallaqqipputit, aammalu suliassat aallartitatit aalajaatsumik ineritittarpatit.
  • Kalaallisut qallunaatullu oqalussinnaallutillu allassinnaavutit. Aamma tuluttut oqaloqateqarsinnaassaatit. 

 

Piumasaqaatit:

  • Kalaallisut oqalussinnaanissat
  • Kalaallit Nunaanni inuiaqatigiit inuusaasiat kultur-iallu pillugit ilisimasaqarnissat  

 

INUTTUT PIGINNAASAT
Naatsorsuutingaarput:

  • Nammineerlutit sulisinnaassaatit ineriartortitsiuarnissannillu piginnaassuseqarlutit.
  • Nutarterisinnaaneq piareersimaffigissavat, taamaasillutit suliassat nutaanngortuartut anguniakkallu nutarterneqartuartut piareersimaffiginiassagakkit.
  • Isumanut nutaanut ammasuussaatit, iliuuserisatoqqanik allaannguinissamik soqutigisaqassaatit, inuiaqatigiinnit, nammineq suleqativilluunniit pilersitarisimappagu apeqqutaatinnagu.  
  • Suleqatigiinnermi avatangiisit pitsaasuunissaat suleqatigiiffinnilu ataqqeqatigiinnissat pingaartippatit.
  • Paasissutissiiuarneq pingaartippat, suleqatitillu ilisimatittuartarpatit.
  • Atorfiit ataqqivat, suliavillu pitsaasuunissaat pingaartittuarpatit.

 

 

PAASISSUTISSAQ
Naatsorsuutingaarput ulloq 1. december 2020 aallarnerfigalugu atorfininnissat. Siunnersortitut sulinissat naatsorsuutingaarput, allaffimmilu suleqatigiit arfinillit peqatingalugit timersornerup pittaanerpaamik ineritikkiartortuarnissaanut suliniutinik ataavartunik suleqataalernissat naatsorsuutingaarput. Suliat allanngorartut, inuttut piginnaasatigullu ineriartornartut, unamminarsinnaasut nuannersulli timersornerup silarsuaani ingerlataraagut.

NEQEROORUTIGAAVUT:

  • Kalaallit Nunaanni Timersoqatigiit Kattuffiata Allattoqarfiani atorfik tamakkiisoq atorfigilissavat.

  • Pinginnaasat aallaavingalugit akissarsiaqarneq
  • Suleqatigiinni persuarsiunngitsuni anguniagaqarlutillu ilungersorsinnaasuni suleqataalissaatit.
  • Takorluungarput pillugu tapersersorterpassuaqarpugut, illit takorluungarput piviusunngortinnissaanut sunniuteqataanissat periarfissatsialaavoq, taamaalillutit inuiaqatigiinni allanngueqataanissamik suleqataallutit.

PAASISSUTISSAT PINGAARUTEQARTUT
Ulloq kingusinnerpaamik qinnuteqarfissaq: 11. oktober 2020

Atorfeqarnerup aallartiffissaa: 1. december 2020 imaluunniit immikkut isumaqatigiissuteqarnikkut.

Qinnuteqarnermi allakkat uunga nassiutikkit stilling@gif.gl qinnuteqaat, CV aammalu Ilinniagaqarnermi uppernarsaatit nassiutissavatit.

Pissutsit immikkut ittut: Sulinermi angalaneq piffiit ilaani pisassaaq, suliassat ilaat ataatsimiinnerillu ualikkut unnukkullu ingerlanneqartassapput. Ilaatigullu sapaatit akunnerisa naanerini suliassaqartassaaq.  Suliffiusussanullu angalasoqartassalluni.

 

Atorfimmut atassumik ineqartitsisoqarsinnaanngilaq.  

 

Attavigisassaq: Generalsekretær Jonas Jensen, oqarasuaat +299 553604,

email: jonas@gif.gl

 

KALAALLIT NUNAANNI TIMERSOQATIGIIT KATTUFFIAT PILLUGU
Kalaallit Nunaanni Timersoqatigiit Kattuffiat nuna tamakkerlugu timersornerup silarsuaata iluani kattuffinnut kattutsitsisuuvoq. Ilaasortagut 11.000´t kattuffinnut qulingiluanut agguaateqqapput, timersuutit kattuffeqanngitsut klubbini 14´nini inissisimallutik. Siunnersuisarnitta saniatigut timersornerup, kattuffiit peqatigiiffiillu soqutigisaannut, Namminersorlutik Oqartussanut oqartussanullu allanullu, kiinaalluni isumaginnittuullunilu.
 

Kalaallit Nunaanni Timersoqatigiit Kattuffiata periusissat nutaat 2020´mi aallartippaa, taakkununnga periutsinut suliniutissanut makku ilaapput: kajumissutsimik suliaqartut atugaat, timiminnik atuineq ajortunut sammineqarsinnaasunik neqeroorusiornerit, timimik atuinissamut pilerinarsakkanik aaqqissuinerit, timigissarsinnaanermut periarfissat naalungiarsuunermiik aallartiaarluni peqqinnartunik naleqartitsineq ulluinnaralugu, soorlu meeqqerivinni atuarfinnilu. Anguniagaavoq inuiaqatigiit timiminnik aalatitsisuussasut ’inunngornermiik killissaq tikillugu´.

NALUNNGILIUK …
Timimik aalatitsineq tarniginnissamut ajunngittumik kinguneqartitsisarpoq

Inuiaqatigiit 27 %´tii pualavallaartut

Nunatsinni innuttaasut 4 %-ii taamaallaat aalaakkaasumik kajumissutsimik suliaqartuupput.

Qallunaat Nunaat Australialu aamma nunarsuarmi timimik aalatitsinerpaanngorusupput