Gå til hovedindhold
104

Dette jobopslag er udløbet

Tasiilami pisortanit ikiorsiisutinik sullissisumik pissarsiorpoq / Atorfiup ilisarnaataa 290/20

Pinngortitarsuarmik kusanarluinnartumik nuannarisaqarpit allanngorartumik namminersorfiusumilu sulerusuppit? Taava illit atorfissaqartippatsigit.
Tasiilap nunaqarfiini tallimaasuni innuttaasut suliffeqanngitsut pisortanit ikiorsiissuteqartinneqarnerini sullissisussamik Kommuneqarfik Sermersuumi Suliffeqarnermut Isumaginninnermullu Ingerlatsivik sulisussarsiorpoq.

Ulloq atorfinitsitsineq 1.8.20 imaluunniit isumaqatigiissuteqarnikkut.

Suliassat:

  • Ineqarnermut akiliutit ingerlatsinermullu aningaasartuutit kiisalu qinnuteqaatinik sullissineq, pinartumillu pisariaqartitsinermut qinnuteqaatinik nalilersuineq.
  • Kommunip allaffiani attaveqaataaneq
  • Tasiilami ingerlatsiviup iluani rekvisitioninik anillatsiortuineq
  • Naatsorsuutinut allaffimmiup feeriarnerani sulinngiffeqarneranilu paarlattaaneq
  • Saaffiginnittarfimmi sulisup feeriarnerani sulinngiffeqarneranilu paarlattaaneq.

 Naatsorsuutigaarput illit:

  • Allaffimmiutut ilinniagaqartuusutit imaluunniit kommunip ingerlatsiviani sulinermik misilittagaqartutit
  • Winformatikkip kommunimi qarasaasiatigut atortorissaarutaasup atorneranik paasisimasaqartutit
  • Inatsit atuarsinnaallugulu paasisimassagit
  • Suliassat takkussortut tamaasa suliarinissaannik paasisimasaqartoq, soorlu allagaataasivinnut inississuinerit

Neqeroorutigaavut:

  • Immikkoortortami nuannersumi atorfik suliatigut qaffasissoq
  • Suleqatit nuannaartut pikkorissullu
  • Atorfik suliassanik unammillernartulik namminerlu suliassanik sunniuteqarfigisinnaasaq.
  • Suliassaqarfinni assigiinngitsuni sulisunik suleqateqarnerit
  • Suliffik pissanganartoq ammasorlu
  • Atorfik tamatigoortoq unammillernartunillu suliassartalik

Atorfiup ilagaa immikkut pilerinarsakkatut atugassaqartitaalluni atuuttoq, piffissami misiliutitut atuukkallartussaq najoqqutaralugu. Ukiullu tamaasa nalilersorneqartassalluni.

Paasisaqarnerorusukkaanni Johanne Nuko jonu@sermersooq.gl, 367769 attavigineqarsinnaavoq

Pisariaqassappat takuuk Kommunip nittartagaa www.sermersooq.gl

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq Socialrådgiver-nut isumaginninnermi siunnersortillu isumaqatigiissutaat (AK), imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 290/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

 

Qinuteqaat tunniunneqassaaq kingusinnerpaamik: 25. juni 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Johanne Nuko
Telefon: +299 367769
Nittartagaq: http://www.sermersooq.gl
Qinnuteqaat nassiutiguk