Gå til hovedindhold
125

Dette jobopslag er udløbet

KNI Engros – Nunatta Qeqqani tuniniaanermi siunnersortissarsiorpoq

KNI Engros Nuummi allaffimmi misilittagaqarluartumik tuniniaanermi siunnersortissarsiorpoq ulloq 1. februar 2020 imaluunniit isumaqatigiissuteqarnikkut sulilersussamik.

 

KNI Engros-ip namminersorlutik ingerlatsisunut pisortallu suliffeqarfiutaannut, akunnittarfinnut, paaqqinnittarfinnut, pisiniarfinnut allanullu tuniniartarpai immiaaqqat, sodavandit,  nerisassat nerisassaanngitsullu.

 

Akisussaaffiit suliassallu

KNI Engros-ip nioqqutaasa Nunatta Qeqqani tuniniarnissai akisussaaffigissavatit ulluinnarnilu Nuummi suliffeqassallutit.

 

Suliassarissavatit pisisartunut orniguttarneq, isumaqatigiissutissanik pilersaarusiortarneq malitseqartitsinerlu, tunisassatut neqeroorutinik piviusunngortitsineq, pisisisartunut siunnersuineq nioqqutinillu pisiassaannik pigineqartussanik ineriartortitsineq naleqqussaanerlu kiisalu nunap immikkoortuani suliffigisavit missingersuusiorfiginissaat.

 

Atorfik soqutiginarluinnartuuvoq assigiinngitsorpassuarnillu suliaqarfiulluni ineriartornissamik periarfissaqarluarfiusoq kiisalu suliaqarfigisap iluani nammineerluni annertuumik sunniuteqarfigineqarsinnaasoq.

 

Tuniniaanermi siunnersortip Nuummi Engros-imi pisortaq qaninnertut pisortarissavaa.

 

Pisinnaasat

Makkuninnga pisinnaasaqarnissat pingaartipparput:

  • Quersuartigut nioqquteqarnermi pisisartunut tuniniaanermi ukiuni arlalinni misilittaqarnissaq
  • Nerisassanik nerisassaanngitsunillu tuniniaarnermi nioqqutinik ilisimasaqarnissaq
  • Niuernikkut paasisimasaqarnikkut isumaqatiginninniallaqqissuunissaq
  • Qarasaasiamik atuillaqqissuunissaq (pingaartumik excel-imik)
  • Kalaallisut qallunaatullu oqallorissuunissaq
  • Suleqatigiittut siuningaaniillu eqqarsarluni sulisarnissaq, angusaqarusussuseqarluartuunissaq sullerissuunissarlu 
  • KNI-mi kulturerineqartoq naleqartinneqartullu malinneqarnissaat qulakkeerlugu
  • Killingusaami periusissiatta atuutsinnissaa piviusunngortinnissaalu

Neqeroorutigaavut

Atorfinikkuit aallartinninni suliffeqarfik aaqqissuussaalluartumik ilisaritinneqassaaq.

 

KNI Engros-ip pingaartippaa sulisut naammagisimaarinnissasut tunniusimalluinnassasullu, sulinitsinnili persuarsiorfiunngitsumik pisarpugut nuannersussarsiornerlu piffissaqarfigisarlutigu.

 

Tuniniaanermi siunnersortitut pisinnaasatit tunngavigalugit immikkut isumaqatigiissuteqarfigineqarlutit orniginartunik akissarsiaqartinneqassaatit. Atorfik ukioq kaajallallugu atorfiuvoq angalangaatsiartarnissarlu naatsorsuutigineqassaaq.

Atorfimmut soqutiginnillutit paasisaqarnerorusukkuit Engros-imi pisortaq, Jens Bang, sianerfigisinnaavat oqarasuaammut: 86 81 62, mobil: 53 07 23.

 

Qinnuteqaat

Qinnuteqaat sukumiisoq tunngavilersugaq ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 20. december 2019.

 

Qinnuteqaat uunga nassiunneqassaaq:

 

KNI A/S
Sulisoqarnermut immikkoortortaqarfik
Postboks 319
3911 Sisimiut
Email: jobs@kni.gl

 

KNI Kalaallit Nunaanni tamarmi 1.000-it sinnerlugit sulisoqartoq Nunatsinni niuernermik ingerlatsisut annersaraat.  Suliffeqarfissuup niuernikkut tallimanik ingerlataqartup ukiumut 2,5 mia. kr. kaaviiaartittarpai.

Tamannalu ingerlanneqarpoq ulluinnarni nioqqutissanik atortussanillu nioqquteqarnikkut, ikummatissa-qartitsinikkut, toqoraaveqarnikkut, illoqarfinni nunaqarfinnilu nioqqutinik quersuarniit tuniniaanikkut, mittarfeqarfitsigut nittartakkakkullu tuniniaanikkut.

KNI pillugu paasisaqarnerorusukkuit www.kni.gl-mut iserlutit paasisassarsiorsinnaavutit.