Gå til hovedindhold
124

Dette jobopslag er udløbet

Aningaasaqarnermut immikkoortortami siunnersortit / Controllerit / Atorfiup normua: 509/19

Kommuneqarfik Sermersooq ukiuni kingullerni kommunip aningaasaqarniarnerata pitsanngorsanissaa siunertarisimavaa. Suliami alloriarnerup tulleraa kommunip aningaasaqarnerata sukumiinerusumik misissornissaa. Tassunga atatillugu aningaasaqarnermut immikkoortortaq piginnaasalinnik atorfissaqartitsivoq, misissueqqissaarnikkut, malittarinninnermi kommunimilu ingerlatitsivinnik allanik suleqateqarnikkut aningaasanik aqutsinerup 2000-kkunnut tulluussarnissaanut.

Tassunga atatillugu aningaasaqarnermut siunnersortinik pissarsiorpugut anguniakkamut ikorfartuusseqataassussanik taakkualu isumaqatigiissusiornikkut atorfinitsinneqassapput. Nakkutilliinnermi massakkuugallartoq qulingiluanik sulisoqarpoq, nakkutilliissutullu Aningaasaqarnermut ingerlatitsivimmi pisortap ataani sulissaatit.

Ingerlatitsivik pillugu paasisaqarnererusukkuit uani paasisaqarnerusinnaavutit: https://sermersooq.gl/da/forvaltning/koncernservice/

Piffissami qaninnermi kommunimi aningaasaqarnermut immikoortortaqarfik arlalinnik pissanganartunik pilersaaruteqarfigineqarpoq.

Ilaatigut:

  • ERP systemip nutaap naleqqussarneqarnera
  • Kontut aaqqissuusaanerisa nutaat naleqqussarneqarneri
  • Aningaasartuutissat isertitassallu missingersornerini periutsip nutaap malitseqartinneqarnissaa
  • Aningaasaqarnermut immikkoortortami aqutsinermik paasissutissiisarnerup ineriartortinneqaannarnissaa
  • Nutaanik nakkutilliinernik sulianillu ingerlatassanik ineriartortitsinerup atuutilersitsinerullu ingerlatiinnarnissaa
  • Systeminik nutaanik ilanngussuinerit atuutilersitsinerillu

Pilersaarutit taakkartorneqartut saniatigut ulluinnarni suleriaaseq makkuninnga imaqassaaq:

  • Ingerlaavartumik aqutsisunut nalunaarusiortarnerit, aningaasaliissutinik nakkutilliinerit aamma nikingasoornerit pillugit nalunaarusiortarnerit
  • Missingersuutinut atortussiornerit
  • Ukiumoortumik naatsorsuutinut atortussiornerit
  • Illup iluani avatangiisinik ingerlaavartumik misissuinerit
  • Ingerlaavartumik suleriaasioreersunik ingerlaatsillu pillugit allaaserisaareersunik suliaqartarnerit nutarterisarnerillu
  • Ingerlaavartumik karsimiittuutinik misissueqqissaarinerit
  • Suliassamik saqqummiussisarnermik suliaqarneq
  • Kommunimi ingerlatitsiviit akornanni pisunik ilisimasanik paarlaasseqatigiineq siunnersoqatigiinnerlu
  • Suliffeqarfiup iluani suliffeqarfiillu akimorlugit pilersaarusianik isumaqatigiissusiorneq, sulianillu assigiinngissitaartunik pinasuartunik suliaqarsinnaaneq

Piginnaasassatit
Atorfiup atorfigilernissaanut naatsorsuutigaarput naleqquttumik ilinniagaqarsimanissat aammalu tunuliaquteqarnssat. Ukiuni kingullerni 3-5-ni suliffeqarfimmi (pisortani) annermi assingusumi sulereersimanissat.

Pisariaqarpoq IT-ilerinermut piginnaasaqarnissat, taamatullu ERP-systeminik MS Office-pakkemillu atuinermik misilittagaqarluarnissat kiisalu Excel sungiussimalluarnissaa. Dynamics-AX-mik suliaqartareersimaguit iluaqutaasinnaavoq, piffissami qaninnermi atulersinneqartussaanera naatsorsuutigineqarmat.

Pissutsinut allanngorartunut tulluarsarsinnaassuseqarlutillu suleqatigiinni suleqataalluartuusariaqarputit, kommunip aningaasaqarnikkut ingerlanera kommuneqarfiup sinneranut tapersersuisuuvoq siunnersuisuullunilu, namminerli aamma pitsaalluinnartumik ingerlalluarsinnaalluni.

Atorfimmi ammasuunissat, soqutigisaqarnissat, saaffigiuminarnissallu pisariaqarpoq, suliffeqarfiup aaqqissuusaaneraniittussaagavit, aningaasaqarnikkut ingerlatitsinermi ingerlatitsivinni allani angusaqarfimmik sunniutilimmillu suleqarteqarnissaq anguniartussaagakku. Ataqqinassuseqassaatit piffissaq eqqorlugu tunniussisinnaaguit pitsaasuilinnillu tunniussisinnaaguit. Peqqissaartuussaatit, annikitsunut tappissoq, suliassanik arlalinnik ingerlataqarsinnaallutit paatsiveerutinngikkaluarlutit.

Naggataatigullugu aningaasaqarnikkut ingerlatitsinermik ineriartortitsinissamik sunneeqataanissamut piumassuseqassaatit piginnaasaqarlutillu.

Neqeroorutigissavarput:

  • Aningaasaqarnikkut ingerlatitsinermi suliassat unamminartut, kommune ineriartorlunilu allanngoriartortoq. Suliassanut sunniuteqaqataaneq
  • Suliffimmi inuttut piginnaassanik ineriartornissamut periarfissaqarluartoq.
  • Suliffimmi avatangiisit pitsaasut, periarfissaqarluartoq attaveqatigiinnermilu ammasumik periuseq
  • Ilinniaqqinnissanut periarfissat pitsaasorpassuit. 

 

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissarsiat atorfinitsitaanermilu atugassaritit:
Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut atuuttoq naapertorlugu akissarsiaqarneq atorfinitsitaanerlu pissapput.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl 

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Qinnuteqaat:
Qinnuteqaatip ilisarnaataata Job nr. 509/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                      
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 30. august 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Dorthea Olsen Rasmussen
Telefon: +299 367054
Nittartagaq: http://www.sermersooq.gl
Qinnuteqaat nassiutiguk