Gå til hovedindhold
136

Dette jobopslag er udløbet

Nunaqarfinnut ilinniartitsisussarsiorneq, Tasiilami eqqaanilu / Atorfiup normua: 429/19

Kommuneqarfik Sermersuup atuarfiini Tasiilap eqqaani nunaqarfinni tallimaasuni Kulusuk, Sermiligaaq, Kuummiit, Tiniteqilaaq kiisalu Isertoq-mi ilinniartitsisunik pisariaqartitsivugut.

Pisinnaasat

  • Ilinniarfissuarmi ilinniarnikoq
  • Kiinnerluarsinnaasoq, suliaminut tunniusimalluarlunilu, nammineq aallartitsisinnaasoq
  • Suleqatit, aqutsisut, angajoqqaallu suleqatigisinnaalluarlugit
  • Periarfissanik ingerlatsisinnaaneq, aporfiit uniffigiinnarnagit
  • Atuarfimmi avatangiisini allanngorartuni ineriartortunilu, suleqataanissamut piumassuseqarneq
  • Atuarfimmi immikkoortortaqarfiusumi, suleqatigiinnermik ineriartortitseqataallunilu suleqataasinnaasoq

Neqeroorutigisinnaasagut

  • Atuarfik ineriartortitsinermik pingaartitsisoq, inuttut ilinniarsimassutsikkullu ineriartornissamik periarfissiisoq
  • Atorfik pissanganartoq, suliffillu perorsaariaatsinik ineriartortitsinermi pingaartitsisoq
  • Suleqatit akornani tapersersorluaqatigiinneq
  • Suleqatitsialaat suleqatigiillaqqissut
  • Suliassanut tunngatillugu sunneeqataasinnaaneq, pilersaarusiorsinnaanermullu periarfissaqarluarneq


Nunaqarfiit atuarfiini Tasiilami Alivarpi qitiusumik atuarfiuvoq, nunaqarfinnilu tallimaasuni Kulusumi, Kuummiini, Sermiligaami, Tiilerilaami, Isertumilu atuarfeqarluni. Nunaqarfinnut ungasissutsit 25 km-miit 70 km. tungaanut ungasissuseqarput. Nunaqarfinni atuarfiit 11-niit 50 tungaanut atuartoqarput. Atuarfiit tamarmik assigiissutigivaat, tunumi piorsarsimassutsimik qanimut misigisitsisarmata pingaartinneqaqalutillu. Ullaakkut makikkaanni, nalunarneq ajorpoq, iluliarsuit inissiarsuartut angitigisut, silatinnguatsinniittut. Tassa tamakkua misigisassat ilagivaat.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarneq atorfinitsitaanerlu isumaqatigiissutit atuuttut malillugit pissaaq, Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni. Ilinniartitsisutut isumaqatigiissut malillugu atorfineqqaarnermi qaammatini pingasuni misiliisoqarnissaa aalajangersimavoq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat.

Atorfinitsitaanermi atorfinittup taassumalu ilaqutaasa angalanerat atorfinitsitsisumit akilerneqassaaq aammattaaq siusinnerpaamik ukiut pingasut qaangiunnerini suliunnaarnermi angalaneq atorfinitsitsisumit akilerneqassaaq, soorluttaaq malittarisassat malillugit nuunnermut ajunngitsorsiassaqartitsisoqarumaartoq.

Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq.

Qaammatini 12-ini atorfeqarsimanerpit kingorna ilaquttatillu akiliunneqarlusi feeriarsinnaatitaavusi, (feeriaqatissat pillugit aalajangersakkat eqqaassanngikkaanni) kapitali II, Akiliunneqarluni feeriarneq, 26. aggusti 2014-imeersoq Naalakkersuisut IMAK-illu akiliutitilluni angalaneq pillugu isumaqatigiissutaanni aalajangersagaq malillugu.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 429/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Atuarfiup pisortaanut Nukánguak´ Kristiansenimut saaffiginnittoqarsinnaavoq.  Tlf. (+299) 36 78 01, E-mail: nukr@sermersooq.gl

 

Qinuteqaat tunniunneqassaaq kingusinnerpaamik: 22. juli 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilap Nunaqarfii
Paasissutissat allat uani piniarneqarsinnaapput: Nukannguaq Kristiansen
Telefon: +299 367812
Nittartagaq: http://www.sermersooq.gl
Qinnuteqaat nassiutiguk